洪永城光頭 look 被笑似「一休和尚」　剃skinhead意外發現髮線出事？網民：好想即刻俾個木魚你

藝人不時都要為唔同嘅角色而更換髮型，而近日洪永城就喺社交網上上傳自己嘅新造型，成功吸引咗大家唔少人嘅關注，而佢就直言比較擔心自己嘅髮線問題？！

Photo from 洪永城/IG

Photo from 洪永城/IG

唔少人都知洪永城向來都十分注重自己嘅個人形象，不過今次佢就為咗新劇《凶宅清潔師》大變髮，剃咗 skinhead，佢仲喺社交網上傳自拍，並留言：「原來我skinhead都……我今日聽到嘅反應係：你都幾似㗎仔喎、一休和尚你好、原來你個頭都幾大㗎喎，但我自己就心諗，條髮線好似係開始……要搞搞佢喇。」

Photo from 洪永城/IG

相中嘅佢第一次以 skinhead 示人，佢先上傳一張遮住口鼻嘅相，就咁睇並唔覺得佢個頭好圓，而喺另一張佢完全冇遮掩嘅相嚟睇相對就比較圓少少，但佢留言指嘅髮線問題，就好似冇佢所講咁嚴重，睇起嚟都仲 OK 呀！

Photo from 洪永城/IG

正正因為佢第一次以依個造型示人，所以依個 post 一出，除即引嚟佢唔少圈中好友留言「你個頭都幾圓㗎喎?」、「有啲似蠟筆小新??」、「係咪魔術貼」、「?????你終於都係堅持自己嘅美學，好！我欣賞！」

Photo from 洪永城/IG

Photo from 洪永城/IG

而除咗佢嘅圈中好友外，佢嘅一班 fans 亦有讚佢嘅新髮型好睇「d韓星去服兵役嗰時都係咁架咋?你豎兩隻手指俾個心心就似架啦?」亦有網友搞笑「好想即刻俾個木魚你???」、「差條佛珠挂頸同木魚」、「Coco有無話，你都有今日啦？！？」、「第一眼以為係金剛??」。

Photo from 洪永城/IG

Photo from 洪永城/IG

Photo from 洪永城/IG

Photo from 洪永城/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

洪永城帶女友梁諾妍遊大澳！影靚相放閃被何超蓮陳煒催婚　機智反問：有冇介紹

04 Feb 2021

唔少女生生日除咗希望可以收到另一半精心準備嘅禮物之外，可能就係最想收到另一半幫佢影嘅靚相。而日前正正就係梁諾妍（Inez）嘅33歲生日，身為男友嘅洪永城（Tony）就帶咗對方去大澳打卡睇日落影靚相，過二人世界。

洪永城同梁諾妍拍拖兩年，早已開始同居生活。洪永城日前就趁住女友生日齊齊去咗大澳行吓影吓相，佢仲喺 IG 上傳咗兩張自己嘅作品同大家開心 share，並留言：「名牌嘅禮物故然要啦，不過其實好多女仔心中嘅理想禮物，可能簡單如男友幫佢影一張「靚相」就已經心滿意足。今日我做到喇???祝你 @inez_leong 生日快樂，永永遠遠都開心知足。」

就咁睇字都知佢哋嗰日有幾開心，幾Sweet呀！佢仲 hashtag 指嗰日行程係「#沒有激嬲女朋友系列」，咁睇嚟壽星女都好滿意喎！

不過識睇當然要睇埋留言喇，一班好友張繼聰、黃翠如除咗留言讚佢哋愛得甜蜜，陳煒同賭王千金何超蓮仲乘機催婚：「咁慳皮㗎，起碼都要有求婚戒指啦」、「幾時有得飲呀」，但機智嘅 Tony 就即該反問番佢哋有冇介紹，又指超蓮成日唔喺香港好難請到佢喎!

咁係咪啫係準備有好消息宣布，可以講定恭喜先呀？！

不過除咗同女友梁諾妍慶祝生日之外，佢早前出席活動就指自己喺「女友鞭策下體能提升」一句引嚟唔少人嘅誤會，仲令大家不斷 send message 問候佢「細佬」，搞到佢要出 post 嗌大家唔好再 message 問候我：「你哋唔好再 message 問候我細佬喇，佢好好呀?。」

而向來玩得嘅佢身邊一班好友當然唔會放過機會喇，佢哋嘅留言仲相當搞笑添，「佢好嗎」、「提升到去邊呀」、「兒子生性病父感安慰」等等，就連佢女友Inez都玩埋一份：「今晚繼續」。

睇嚟洪永城又要操體能喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）