陳柏宇妻因胎兒患愛德華氏症忍痛做人工流產：「將會是我最後一次懷孕」

By Stephanie on 05 May 2021

Digital Content Writer

陳柏宇太太符曉薇（Leanne）今日喺IG表示自己再一次經歷失去孩子嘅痛楚，由於發現胎兒患有罕見病「愛德華氏症T18」，好大機會胎死腹中，即使出生亦會有嚴重身體缺陷。因此佢哋忍痛決定做人工流產，佢亦話因為心太痛，所以呢次將會係佢最後一次懷孕！

Photo from 符曉薇YouTube

陳柏宇同太太符曉薇（Leanne）於2017年結婚，並於2018年誕下囡囡陳羿辰（Abigail）。一家三口非常幸福，兩夫婦非常疼愛Abigail，仲一直諗住幫囡囡添多個BB陪佢。

Photo from 符曉薇IG

上年5月，Leanne就喺YouTube上傳影片自爆懷上第二胎後，因為腹部疼痛去睇醫生，證實係子宮外孕，導致佢左邊輸卵管爆裂，需要儘快進行手術切除。佢當時喺影片話自己身體已經慢慢恢復中，但自己其實有啲陰影，驚再懷孕後會遇到同樣情況。後來經朋友開解後，就決定再努力試下！

Photo from 符曉薇YouTube

然而，今日Leanne就喺IG同YouTube 頻道宣佈自己懷上第三胎，並且已經做咗人工流產。佢喺接受產檢嘅時候，被告知胎兒可能患有唐氏綜合症，兩夫婦經過一輪商量之後，決定就算BB有呢個病都可以俾到足夠嘅愛同關懷佢。直到報告出咗，先知道胎兒係有一個極罕見嘅病「愛德華氏症T18」！

Photo from 符曉薇YouTube

經過一輪檢查，醫生就話俾佢哋知呢個病係冇得醫治嘅，仲講出BB嘅問題：冇鼻骨、腸外露、腳係彎嘅等嚴重嘅缺陷，係一個畸胎。所以佢哋決定做人工流產，並且喺做手術之前先拍一家四口嘅孕照，因為佢話自己已經無法再承受一次失去孩子嘅痛楚，所以今次將會係佢最後一次懷孕！

Photo from 符曉薇YouTube

喺片尾，Leanne就同老公陳柏宇道歉，話知道佢其實收埋自己嘅痛苦情緒，仲話「你說得對，我們不應該貪心，其實擁有abi已經足夠。」

Photo from 符曉薇IG

而Leanne亦表示希望大家睇完呢條片後就唔好再問佢幾時再生BB，因為佢話自己已經冇勇氣再懷孕喇！唔少網民都留言安慰佢哋，仲同佢地打氣表示支持佢哋一家人！

Photo from 符曉薇Youtube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳柏宇甜望囡囡眼睛離不開一日內post多張囡囡相老婆符曉薇呷醋：佢已經唔記得佢老婆姓乜！

26 Sep , 2018

首先係度恭喜陳柏宇同老婆符曉薇（Leanne）嘅囡囡Abigail出咗世啦！琴日陳柏宇率先喺Instagram同Facebook公開呢個消息，post咗一張一家三口嘅合照，藝人朋友同網友粉絲都紛紛大送祝福。

陳柏宇琴日喺社交網站post咗張一家三口嘅合照，寫道：「我一見到佢就忍唔住喊。Abigail, i choose u!!! (throws out pokeball)」囡囡重5.2磅

在 Instagram 查看這則貼文

我一見到佢就忍唔住喊。 Abigail, i choose u!!! (throws out pokeball)

JasonChan（@ckw720）分享的貼文於 PDT 2018 年 9月月 24 日下午 9:10 張貼

都未夠喎！同一日內，已經喺IG post咗3張關於囡囡嘅相。

在 Instagram 查看這則貼文

abigails ig account.

JasonChan（@ckw720）分享的貼文於 PDT 2018 年 9月月 25 日上午 12:57 張貼

在 Instagram 查看這則貼文

佢隻腳板仔都幾大。

JasonChan（@ckw720）分享的貼文於 PDT 2018 年 9月月 25 日上午 4:34 張貼

仲即刻幫囡囡Abigail開埋Instagram account添！睇得出Jason有幾開心興奮啦真係！

Photo from abigail92518 Instagram截圖

唔止啊！Jason重急不及待咁幫囡囡開返個live！一開始已經聽到疑似係老婆Leanne喺背後講：「第一日已經有live啦，痴線...」陳柏宇就話：「係啊，喂我自己都唔開live啊」其後就聽到一堆Jason嘅bb話...

Photo from abigail92518 IG story截圖

唔係講笑個live真係幾好笑，可以上返abigail92518重溫～係咁聽到陳柏宇嘅旁白同埋唔同角度嘅攝影。

Photo from abigail92518 IG story截圖

老婆Leanne隨後都喺自己IG account度post咗張老公望住bb嘅相，隔住張相望住Jason個背影都feel到佢有幾冧啊！入面提到老公依家眼裡被另一個女人霸佔咗，已經唔記得自己老婆姓乜！
「Welcome to the world Abigail
係今日開始陳生眼入面
已經被另一個女人霸佔左
佢已經唔記得咗佢老婆姓乜」