download HolidaySmart 假期日常 app
日本不露面運動美女網紅自揭真面目嚇窒網民!真身竟係37歲已婚失業男!

日本不露面運動美女網紅自揭真面目嚇窒網民!真身竟係37歲已婚失業男!

生活熱話
By Celia on 07 May 2021
Digital Editor

近年因為疫情關係,大家甚本上都已經習慣戴口罩,早前 ViuTV 更舉行口罩小姐選舉引嚟唔少話題。不過早前喺日本就有一名網紅美女 YouTuber 千春因喺其 channel 中分享日常做運動嘅片段時大晒性感身材而爆紅,引起唔少人關注!

Photo from むね肉ちはる/YT

依位日本 YouTuber 千春(Chiharu)喺去年 12 月時開始喺佢開設嘅 Youtube channel 中分享日常做運動的片段,片中佢身穿瑜伽服喺慢跑時更手持相機自拍,超近鏡攝錄腰身,不過佢就全程戴上口罩又唔出聲,但依然成功累積到幾十萬嘅影片觀看次數,及 18.1K 訂閱。

Photo from むね肉ちはる/YT

Photo from むね肉ちはる/YT

不過最意想唔到嘅係千春喺一條為慶祝訂閱人數達 2 萬,佢決定自揭真面目,脫下口罩同大家互動。

Photo from むね肉ちはる/YT

片中一開始佢就很興奮咗喺鏡頭前跳跳紥,點知一開口竟然係一把男人聲嚟!佢解釋指自己係一位 37 歲嘅失業已婚男,目前同妻子及愛犬一起生活,佢原本打工嘅公司因為受到疫情影響而大幅減薪,因此佢決然離職。

Photo from むね肉ちはる/YT

之後一佢就瞞住老婆開始經營依個 YouTube channel,並指自己係為咗拍攝影片才會選攝變裝,而並非有此愛好同時亦希望觀眾可以了解。

而喺片嘅最後,佢亦有拉底口罩與之前有戴口罩嘅佢形象完全唔同。喺依條片後令千春嘅訂閱人數急瀉,但佢亦有就此打住,之後仍有繼續更新其他主題嘅影片。

Photo from むね肉ちはる/YT

雖然千春向網友解釋咗變裝嘅原因,但亦有唔少網友感到崩潰嘅同時亦形容依個風氣就好似「新型 YouTuber 誕生」咁呀!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本美少女晒電梯內自拍引熱議!清純甜美上班族竟係中年大叔!網民2關鍵揭崩潰真相

14 Apr 2021

隨住科技發達,唔少人喺影完靚相後都會修吓圖或者用美顏相機影相,而唔少名人明星因錯手將美顏開太大引起嘅誤會更係屢見不鮮。不過最近喺日本就有一名美少女「在宅のアーマー」因為一張喺電梯中嘅自拍而爆紅,引令唔少人熱議!

Photo from 在宅のアーマー/twitter

Photo from 在宅のアーマー/twitter

日本推特「在宅のアーマー」不時都會喺 Twitter 分享自拍照,目前其推特已累積逾 7 千名粉絲,IG 則有 1.2 萬名追蹤者,相當具有人氣。

Photo from 在宅のアーマー/twitter

Photo from 在宅のアーマー/twitter

不過近日佢嘅其中一篇貼文中提到「下班後就去買東西了」,並附上一張甜美嘅自拍照時,相中隨咗見到一名年輕樣子清純甜美嘅「美少女」上班族外,仲喺其背後嘅鏡中見到一個上班族大叔同樣拎住電話喺度自拍,令整張相睇起嚟就好似二人合照一樣。

Photo from 在宅のアーマー/twitter

不過依張其實係同一普通嘅自拍照,相中並冇兩個人,大家所見嘅「美少女」同倒影中嘅大叔都係同一個人嚟。

Photo from 在宅のアーマー/twitter

其實「在宅のアーマー」相對於其他「隱姓埋名」嘅網紅,佢已經可以話係相當坦白,因為佢喺社交網嘅介紹中就表明自己係「加工美人」同自己係 50 歲左右嘅上班族大叔嘅身分。

Photo from 在宅のアーマー/twitter

Photo from 在宅のアーマー/IG

而佢更解釋自己因為沉迷 FaceApp 所以就喺網路上建立「虛擬身分」,並唔係惡意欺騙粉絲嘅心,同時佢亦會大方接受他人評論,喺社交網上同網友們互動。

不過雖然佢一開始就已經表明身分,但亦有唔少 fans 感到崩潰嘅同時亦感歎依家嘅「變臉技術」令人唔敢再相信網絡世界嘅靚女。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel