吳若希揭囡囡遮樣原因 仔女差別待遇？網民：囡就收埋 想仔仔做明星？

今年28歲嘅吳若希育有一仔一囡，佢近期開設個人Youtube頻道，同粉絲分享個人生活。昨日，佢拍片透露影相遮囡唔遮仔原因，引起大細超熱議。

Photo from 吳若希Instagram

最近，藝人吳若希成為咗Youtuber，拍片同粉絲拉近距離。臨近母親節，佢上載咗條分享育兒心得嘅影片。首先，佢回答有關生仔後最大轉變嘅問題，Jinny表示佢唔再係工作狂，大囡Giselle出世後令佢找回生活中嘅美好細節。

Photo from Jinny Ng 吳若希 Youtube

吳若希嘅消費模式亦有所改變，宜家都將最好投資落仔囡身上，自己唔再買貴衫，咩都慳住洗。

Photo from Jinny Ng 吳若希 Youtube

然後，Jinny回答最熱門問題，就係「點解上載仔囡相片到社交媒體時只遮掩囡囡樣貌，仔仔就無咁做？」佢解釋，佢認為喺社交平台上，大家對女仔嘅批判一向較男仔強烈，自己作為女性公眾人物，經常接收到特別難聽又衰格嘅評語，其實自己有介意同唔開心，但佢無能為力。

Photo from Jinny Ng 吳若希 Youtube

Photo from Jinny Ng 吳若希 Youtube

Jinny以自身經歷，加上為人之母角度下，唔想囡囡因為媽媽係公眾人物而被人批判。佢更指：「我覺得囡囡要富養，仔係要窮養。」

Photo from Jinny Ng 吳若希 Youtube

Photo from Jinny Ng 吳若希 Youtube

Jinny認為女仔係需要有更好保護，又笑言唔希望囡囡將來好容易就對口花男仔動情跟佢私奔。

Photo from Jinny Ng 吳若希 Youtube

對於畀仔仔出鏡，佢覺得男仔面對公眾目光會受到無形壓力，繼而自律，又希望仔仔由細習慣面對公眾，訓練其演說能力，所以唔為仔仔遮樣。有網民問道：「囡囡被你收埋，仔仔就想佢做明星嗎？」

Photo from Jinny Ng 吳若希 Youtube

Photo from Youtube 評論

影片中，Jinny亦推介近期大熱嘅「168斷食法」，佢表示自己靠此方法同做運動產後瘦身，兩星期極速瘦咗5公斤。網民都話佢Keep得好靚，感受到佢用心做個好媽媽。

Photo from Jinny Ng 吳若希 Youtube

Photo from Jinny Ng 吳若希 Youtube

Photo from Youtube 評論

Photo from Youtube 評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

吳若希老公振夫綱 火藥味重！露營絕地反擊玩謝老婆

11 Mar 2021

早前，吳若希因為太頻繁咁折磨佢老公，而遭到老公絕地反擊向佢「復仇」，計畫就係當日無論老公講啲咩，佢都只能夠say yes。佢老公似乎亦非常投入係呢個計畫度，仲口出狂言同吳若希講「你記得要死先」！

Photo from 吳若希FB

吳若希之前就上載咗一條折磨老公嘅片係佢嘅Youtube channel度，而今次佢老公終於決定要反擊，亦同樣咁下令對方只能夠聽佢講，無得反駁！喺計畫當日，老公就瞞住佢車咗佢去郊外地方露營。到達之後，吳若希就被要求負責紮營，而佢老公就企喺一邊睇住佢。喺紮營嘅過程中，佢一度想放棄，仲想打比周柏豪叫佢過黎幫手，但最終都好成功地整好咗個營。

Photo from 吳若希Youtube

Photo from 吳若希Youtube

之後，老公就即刻再命令吳若希去執柴煮嘢食，令佢非常無奈。喺佢地預備好所有嘢之後，老公就話佢哋而家要執嘢走，搞到佢崩潰大叫「你放過我啦」！

Photo from 吳若希Youtube

Photo from 吳若希Youtube

但原來呢個「復仇」計畫隱藏咗個小驚喜，其實佢老公一早就訂好露營車，作為白色情人節嘅禮物。仲提前咁用花同氣球黎裝飾好露營車嘅內部，令吳若希表示好鍾意～

Photo from 吳若希Youtube

二人亦好浪漫咁去咗海邊睇日落，仲好甜蜜咁話退休之後可以搬入黎住。但佢老公就好突然就講「搬咗入黎，你記得要死先」，令吳若希當場嚇咗一跳。

Photo from 吳若希Youtube

原來佢老公嘅意思係擔心佢，唔想佢孤伶伶一個人無人照顧。聽完之後，吳若希不禁好無奈咁嘲笑老公成日有能力將好浪漫嘅說話變到一啲都唔浪漫。

Photo from 吳若希Youtube

影片下面嘅留言吸引咗好多網民表話佢哋兩個嘅相處真係好好笑好sweet~

Photo from 吳若希Youtube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

吳若希Staycation影打卡相嫌老公影得自己醜 發火大鬧：「你成個人都冇用！」

1 Mar 2021

早前，吳若希同老公去staycation仲係YouTube度post咗條片，而佢老公就化身為攝影師幫佢影港女打卡相，十分甜蜜。但係當吳若希喺度睇返啲相嘅時候，佢就忍唔住嫌棄老公嘅作品，仲嬲到大鬧「你成個人都冇用！」

Photo from 吳若希IG

近排，吳若希就開咗個YouTube channel去同大家分享佢嘅日常生活，而最新嘅影片就拍低咗佢同老公去Staycation。片段中，吳若希好興奮咁參觀酒店房間，而佢老公亦時不時做出甜蜜嘅舉動。當佢老公見到床上有一扎花嘅時候，佢就即刻跪地向佢獻花。但當吳若希問係咪酒店因為情人節而送嘅時候，佢老公亦非常誠實咁話應該係，令吳若希忍唔住話佢「講大話都唔識」。

Photo from 吳若希YouTube

Photo from 吳若希YouTube

之後，吳若希就利用酒店房嘅無敵大海景做背景不停影打卡照，而廿四孝老公就充當攝影師。睇得出佢對影打卡照非常有熱誠，換好咗浴袍，攞曬道具同擺好曬pose。但每次當佢睇返老公親自操刀嘅照片，佢都忍唔住翻曬白眼話「影得好肥啊」！

Photo from 吳若希IG

Photo from 吳若希YouTube

佢哋亦去咗酒店游泳池旁食下午茶，期間吳若希再次叫老公幫佢影靚相。但係當佢睇返啲相嘅時候，佢就忍唔住嫌棄仲話「如果依家有把刀，我想即刻將你個頭劈開一半，因為你對眼冇用，你成個人都冇用！」

Photo from 吳若希YouTube

Photo from 吳若希YouTube

雖然佢哋係片段中不停咁打打鬧鬧，但係都有唔少佢哋兩夫妻嘅甜蜜片畫面，包括有燭光晚餐同老公為佢用花瓣裝飾浴缸，令不少網民都係留言度話好閃啊～

Photo from 吳若希YouTube

Photo from 吳若希YouTube

其實自從吳若希結左婚之後，佢都時不時會高調咁曬同老公相處嘅片段，亦不畏言咁批評佢老公，令網民都因此而有兩極嘅反應。有啲網民就認為佢唔應該公開批評佢老公，但亦有網民表示好羨慕佢哋嘅相處模式。不過由staycation條影片下面嘅留言可以睇得出，越來越多嘅網民都視睇佢哋兩夫婦打鬧嘅畫面為樂。

Photo from 吳若希YouTube

再加上，吳若希老公似乎非常享受可以比網民大肆討論，睇黎吳若希可以開一個新系列去「折磨」佢老公喇！

Photo from 吳若希IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）