download HolidaySmart 假期日常 app
澳洲雙胞胎姊妹為求樣貌相同花$150萬整容 共享男友長達9年盼同步懷孕!

澳洲雙胞胎姊妹為求樣貌相同花$150萬整容 共享男友長達9年盼同步懷孕!

生活熱話
By Stephanie on 06 May 2021
Digital Content Writer

雙胞胎擁有相似嘅樣貌係好正常嘅事,但澳洲就有對雙胞胎姐妹渴望所有嘢都係一模一樣。日前,佢哋就上咗節目《Extreme Sisters》自爆兩人為咗追求一模一樣嘅樣貌,不惜花$25萬澳元(約港幣$150萬)整容,仲一齊共享男友長達9年!

Anna Lucy DeCinque IG Photo from Anna Lucy DeCinque IG

外國節目《Extreme Sisters》日前就邀請咗一對澳洲嘅雙胞胎姐妹Anna DeCinque同埋Lucy DeCinque上節目,講述佢哋嘅經歷。佢哋自細就關係親密,細個嘅時候家人都會幫佢哋買一模一樣嘅衫,但隨住年齡嘅增長,佢哋兩人就開始變得唔同。

Anna Lucy DeCinque IGPhoto from Anna Lucy DeCinque IG

直到2009年,佢哋兩個經歷咗父親因病去世,佢哋就變得好親密,彼此都認為大家係不可分割嘅一部分!佢哋兩個開始買一模一樣嘅衣服,去到邊都一齊。仲為咗達到連樣貌都一樣,而花費$25萬澳幣(約港幣$150萬)去整容同隆胸!兩人想保持身形都相似,所以佢哋每日所攝取嘅卡路里都係相同!

Anna Lucy DeCinque YouTubePhoto from Anna Lucy DeCinque YouTube

Anna Lucy DeCinque YouTubePhoto from Anna Lucy DeCinque YouTube

據悉,兩人本來都各自有男友。但到2012年,佢哋同時愛上飛機師Ben Byrne,仲因此而開始咗共享男友嘅生活!三人會一齊出遊、睡覺、食飯,幾乎做咩都係三個人一齊。

《Extreme Sisters》Photo from 《Extreme Sisters》

《Extreme Sisters》Photo from 《Extreme Sisters》

佢哋兩姐妹都表示希望可以同男友結婚,可惜澳洲實行一夫一妻制度,所以佢哋未能如願。不過,佢哋就話想「同時」懷上男友嘅孩子,因為兩人希望身形可以睇落一樣,而且想一齊體驗懷孕嘅感覺,未來將會嘗試用試管嬰兒嘅方式嚟達成呢個目標!

《Extreme Sisters》Photo from 《Extreme Sisters》

《Extreme Sisters》Photo from 《Extreme Sisters》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本高中生剪髮片段韓網瘋傳!韓妹激讚除口罩超靚仔封為「日本車銀優」

30 Apr , 2021

近日日本一位髮型師嘅剪髮片段突然喺韓網爆紅!唔係髮型師嘅技術有幾出神入化,而係因為片中戴住口罩嘅男高中生太靚仔,吸引大量韓國網友留言求資料,片中靚仔更獲封為「日本車銀優」。

近日日本一位髮型師嘅剪髮片段突然喺韓網爆紅Photo from LIPPS梅田ロフト平田匠海IG

位於日本大阪嘅一間髮型屋「LIPPS梅田ロフト」嘅其中一位髮型師平田匠海有開設Instagram,平日會紀錄顧客剪髮、set頭嘅過程。

「LIPPS梅田ロフト」嘅其中一位髮型師平田匠海(左)有開設InstagramPhoto from LIPPS梅田ロフト平田匠海IG

最近有一段片突然爆紅,片中寫上「為高中生塑造坂口健太郎風格髮型」等字眼,全片僅30秒,但就喺韓網瘋傳!

最近有一段片突然爆紅,片中寫上「為帥氣高中生塑造坂口健太郎風格一般自然不造作的髮型」Photo from LIPPS梅田ロフト平田匠海IG

平田匠海髮型師IG平時嘅片平均只得200~300個likes,但呢條高中生嘅片竟然吸逾3.5萬個likes!repost都有超過1.1萬likes,仲有近800個留言。

呢條高中生嘅片竟然吸逾3.5萬個likes!repost都有超過1.1萬likesPhoto from LIPPS梅田ロフト平田匠海IG

當中不乏韓文留言:「請立即告訴我他的Instagram帳號」、「尋找這個男孩」,日文留言亦指:「這個人真的很帥,不是嗎?」,又指佢同韓國男團ASTRO人氣成員車銀優好似。

當中不乏韓文留言:「請立即告訴我他的Instagram帳號」、「尋找這個男孩」Photo from LIPPS梅田ロフト平田匠海IG

日文留言亦指:「這個人真的很帥,不是嗎?」Photo from LIPPS梅田ロフト平田匠海IG

車銀優喺亞洲人氣都好高,憑佢優越嘅身高、精緻嘅五官,成為韓國一代男神,神級美貌俘虜唔少女性嘅芳心!片中嘅高中生雖然年紀輕輕,又戴上口罩,僅露出眼睛,而且因為set頭中完全無「髮型加成」,但仍難掩佢俊帥外貌,一睇就知係靚仔。

車銀優喺亞洲人氣都好高Photo from 車銀優IG

韓國新一代男神車銀優Photo from 車銀優IG

呢段片唔止吸引到韓國網友留言,更有網友喺韓國The qoo討論區開post求呢位男生嘅IG同資料,有超過1,400個留言,事件連韓媒Dispatch都有報道!

有網友喺韓國The qoo討論區開post求呢位男生嘅IG同資料Photo from LIPPS梅田ロフト平田匠海IG

有人公開咗疑似係呢名高中生除咗口罩嘅相,無口罩遮蓋嘅佢雖然仍帶點稚氣,但都絕對係靚仔一名!

有人公開咗疑似係呢名高中生除咗口罩嘅相

之後平田匠海髮型師有喺IG Story上傳同呢位紅到過韓國嘅高中生嘅合照,更留言:「謝謝しゅうすけくん!」,更附上「未來Super Star」、「試鏡加油」等字眼,睇嚟呢位男生可能會以演員、偶像歌手、model出道~

之後平田匠海髮型師有喺IG Story上傳同呢位紅到過韓國嘅高中生嘅合照Photo from LIPPS梅田ロフト平田匠海IG

大家覺得似唔似車銀優?Photo from 車銀優IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel