彭于晏為電影一改爆肌形象 瘦到見脊椎骨令網民擔心！

台灣演員彭于晏一向都熱愛運動，仲因此而練出一身好身材！近日，佢有份出演嘅電影《熱帶往事》就公開咗預告片段，但就發現佢瘦咗好多，搞到連好友舒淇都忍唔住留言話佢：「瘦成骨！」

Photo from 彭于晏IG

彭于晏擁有俊俏嘅外表、健碩嘅身材，係唔少女仔心目中嘅男神，亦係唔少男士想模仿嘅對象！佢仲曾經一度為咗角色需要，花半年時間將自己嘅體脂練到得返6%！

Photo from 彭于晏IG

Photo from 《翻滾吧！阿信 》花絮

近日，由彭于晏同張艾嘉主演嘅電影《熱帶往事》就公開咗預告片，不過彭于晏就罕有咁唔係sell肌肉，而係變到好瘦。由於佢喺電影中嘅角色係其中一位捲入命案嘅嫌疑人，並開始咗長達20年嘅糾纏之中！

Photo from 《熱帶往事》

Photo from 《熱帶往事》

喺預告片入面，只見彭于晏戴住帽子，感覺好滄桑，由側面睇佢嘅下顎骨非常明顯，睇得出佢瘦咗好多。而當佢脫掉上衣嘅時候，仲好清楚咁見到佢好凸出嘅脊椎骨，同以往嘅爆肌身材形成鮮明嘅對比！

Photo from 《熱帶往事》

Photo from 《熱帶往事》

預告片中暴瘦嘅佢，令唔少網民都好震驚，仲表示一定會支持自己男神嘅電影！佢今次與別不同嘅形象，仲引嚟好友舒淇留言話佢「瘦成骨」～

Photo from 彭于晏微博

Photo from 彭于晏IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

彭于晏媽媽一招破解千年「男人矛盾」難題　婆媳同時跌落水原來可以咁化解？

9 Mar , 2021

台灣男神彭于晏唔止有俊俏外貌同健碩身型外，仲係圈中出晒名嘅孝順仔不時都會帶媽媽四圍去玩同喺社交網大晒兩母子合照。而喺尋日三八婦女節，佢當然都有發長文公開表揚媽媽喇，仲同大家化解咗一個世紀難題添！

彭于晏喺 IG 上傳多張同彭媽媽喺台灣出遊時影嘅相，佢留言大讚媽媽開明、大方，並寫了表示媽媽喺國際婦女節依日幫大家解決咗困擾男人千年嘅難題「阿媽同老婆跌落水會救邊個」，相信係唔少男士嘅福音嚟呀！

彭于晏指佢媽媽一早就傳咗一篇文章畀佢，文中係講一位婆婆為免兒子難做，決心學識游水嘅故事，佢喺故事嘅最後表示：「折磨全世界男人的千年難題，終於被偉大的母親破解啦！ 媽媽最偉大! 」

彭于晏依篇文章喺網上發布唔夠 1 日，就已經有超過 8 萬人 Like，睇嚟唔少 fans 都好鍾意以個答案喎！

有 fans 更留言大讚彭媽媽好可愛「彭媽媽好棒???」、「好想叫你媽媽一聲婆婆」、「你媽媽缺媳婦嗎？我盡量不掉水裏。」

而彭于晏除咗出 post 大讚媽媽外，佢仲喺 story 中上傳自己小時候同媽媽嘅合照，相中嘅佢真係好得意呀！

唔知下次彭媽媽又會幫大家解決咩問題呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）