阿嬌鍾欣潼零濾鏡真身曝光！被同場佘詩曼比下去！路人相機直拍與自己up圖落差極大

阿嬌鍾欣潼近日出演節目最脹身型成焦點，佢之後晒原相機直出自拍力證仍然「V面」，阿嬌時肥時瘦引起熱議，不過佢最近出席各種活動時就流出唔少路人零濾鏡相片，令佢真實身型曝光！

Photo from 《怦然心動20歲》

早排上《怦然心動20歲》阿嬌突然脹咗成個碼，好姊妹阿sa就解話指佢係荷爾蒙失調先會發福，而阿嬌其後亦特意拍片，以「美顏濾鏡」嘅原相機自拍法力證自己下巴線條仍在。

Photo from 鍾欣潼微博

Photo from 鍾欣潼微博

阿嬌時肥時瘦嘅身型令網友大感神奇，喺感歎原來鏡頭可以令人有咁大嘅變化嘅同時，亦好奇到底阿嬌嘅真實身型係點。

Photo from 鍾欣潼微博

近日阿嬌出席火鍋店活動，同場仲有視后阿佘佘詩曼，45歲嘅阿佘身穿綠色連身裙，顯得佢膚色透白，狀態極佳！而網友亦影到著深色花花連衣褲嘅阿嬌。

Photo from 賈乃亮工作室微博

Photo from 微博

雖然佢已著高踭鞋，但唔知係咪因為件衫太鬆身，顯得佢身型相當臃腫，側身亦見唔到身體線條。

Photo from 微博

Photo from 微博

之後阿嬌出席上海活動時再著黑色珠片連衣褲，近鏡下佢臉型圓潤唔少，但無損佢美貌，網友讚佢仲係咁靚。

Photo from 微博

Photo from 微博

不過現場圖就同佢自己微博post出嘅圖有唔少落差。

Photo from 鍾欣潼微博

Photo from 鍾欣潼微博

Photo from 鍾欣潼微博

有網民大讚佢「胖瘦都好看」，亦有網友認為阿嬌雖有發福，但主要原因係佢衣著打扮出事，佢著寬鬆嘅衫反而放大身型問題變55身。

Photo from 微博

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼零濾鏡反擊暴脹指控 網民：上鏡同真人差咁遠？鏡頭是放大鏡嗎？

3 May 2021

40歲鍾欣潼（阿嬌）早前身形暴脹現身大陸綜藝節目《怦然心動20歲》，體型暴變令一眾網民熱議，好多網友都認佢唔到。近日佢就以零濾鏡上陣，拍片分享佢用原相機直出省鏡自拍心得。

Photo from 《怦然心動20歲》

早前由內地節目《怦然心動20歲》釋出嘅預告片中，可見阿嬌無論面型定身形都比以前脹咗成個碼。網民爭相推測原因，但阿嬌好姊妹蔡卓妍（阿Sa)為佢解釋係荷爾蒙失調所致。

Photo from 蔡卓妍微博

日前，阿嬌拍咗條影片教大家點樣唔用美顏濾鏡同時拍出靚靚自拍，堪稱「原相機自拍法」，顯然對自己好有信心。

Photo from 鍾欣潼微博

影片中，阿嬌全程以高炒自拍，變回「瘦嬌」。雖然佢髮型露額，但可見其面型細小，面頸之間亦恢復線條。

Photo from 鍾欣潼微博

雖然唔開濾鏡，但根據阿嬌，仍然有多種設定需要開啟，例如：智能控制、曝光調整、實況照片、場景檢測、鏡頭校正等至少十種功能。同開濾鏡相比，邊個方便啲就真係見仁見智。

Photo from 鍾欣潼微博

Photo from 鍾欣潼微博

唔少網民感謝阿嬌傳授自拍大法，但認為係人嘅問題，自己點影都無佢咁靚，認為阿嬌生得靚就可以任性！亦有人覺得阿嬌一下子又回復瘦身材好神奇。

Photo from 微博評論

Photo from 微博評論

Photo from 微博評論

Photo from 微博評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼現大陸秀暴脹引熱議！疑為前夫雪卵肥20磅？網友：似盧覓雪

29 Apr 2021

40歲鍾欣潼(阿嬌)近年頻上內地節目宣傳，繼前年現身帶貨節目時滿臉頹喪，同上年拍劇時撞爆眉後，近日佢參演大陸綜藝秀《怦然心動20歲》時面型暴脹，同以往清麗可人面貌甚有差別，引起網民熱議，更有人推測原因係前夫所致！究竟係咩原因呢？

Photo from Youku Youtube

阿嬌最近成為咗內地綜藝節目《怦然心動20歲》嘉賓之一。喺剛公布嘅預告片中，佢身型比以前豐腴唔少，束起嘅頭髮令佢面形更顯圓潤，雙下巴及頸部線條就嚟連成一體。由於阿嬌喺節目嘅宣傳海報中面型窄小，輪廓分明，所以網民見到動態版嘅佢判若兩人都大感驚訝，好奇佢身形幻變嘅原因。

Photo from 鍾欣潼微博

但係，喺節目嘅宣傳直播中，阿嬌又再次「變身」！可見直播中嘅佢面型重新變尖，呈V型，同之前預告片中嘅佢好唔一樣，網民對此都大呼神奇。但有心水清網民就認為係鏡頭誇張嘅瘦臉filter所致，導致面型雖小但睇落奇怪。

Photo from 《怦然心動20歲》官方直播

節目中，阿嬌大談初戀經歷，佢提及第一個交往對像係日本人，最終因為無法維持長距離戀愛而分手收場。被主持問及20多歲時嘅佢過成點，阿嬌就輕描淡寫表示中間發生咗好多事。對於想同20歲嘅自己講啲咩，受過唔少情傷嘅阿嬌就果斷話：「好好做人」，在場嘉賓都被佢嘅坦率模樣帥到鼓掌。

Photo from Youku Youtube

對於阿嬌嘅新模樣，好多網民都表示認佢唔到，有人推測原因同佢數年前計劃為當時丈夫賴弘國生仔有關，由於佢自覺年紀不少，數年前做咗雪卵手術，以備將來生育。但手術嘅副作用導致荷爾蒙失調，更加肥咗20磅，就算做運動都減唔到，所以就算醫生建議佢再次進行手術佢都婉拒。

Photo from Youku Youtube

Photo from 鐘欣潼微博

阿嬌好姊妹蔡卓妍 (阿Sa)於昨晚為新戲宣傳時，被問到點睇阿嬌發褔，阿Sa就為佢解話，表示：「佢好健康，只係荷爾蒙失調，依啲唔好成日講，好打擊人哋自信心，佢知㗎喇，最緊要健康快樂。」

Photo from 蔡卓妍微博

雖然有好多網民都未接受到阿嬌發福嘅模樣，甚至有人認為依家嘅佢同盧覓雪相似，但亦有唔少人覺得佢肥咗依然「好打得」，有肉哋都幾可愛。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）