MIRROR 6子再被網友要求離隊?花姐一視同仁為12子謀福利 搵黃偉文度身訂造個人單曲

MIRROR 6子再被網友要求離隊?花姐一視同仁為12子謀福利 搵黃偉文度身訂造個人單曲

娛樂新聞
ByCelia on 10 May 2021

要講近期全城熱話當然一定係現時最 hit 嘅人氣男團 MIRROR 喇,更有網友喺討論區再度開 post 分化!而近日正舉行演唱會嘅佢哋,就吸引咁唔少名人入場,其中著名填詞人黃偉文(Wyman)亦有入場支持,佢仲喺 IG 上傳同 MIRROR 嘅合照及分享感受。

Photo from mirror.weare/IG

Photo from mirror.weare/IG

近日亦有網友喺連登討論區再度開 post 並以《得罪講句,MIRROR 呢 6 個人不如自己離隊啦》作為標題,要求未有 Solo 歌或太多突圍機會嘅Frankie、Jeremy、Stanley、Lokman、Tiger及 Alton 自行離隊,不過依個 post 就未有得到大家支持外,反而收到唔少負評,指樓主孤陋寡聞兼分化,並力撐 MIRROR 12子「缺一不可」,彼此之間難以替代。

Photo from 連登截圖

而資深填詞人黃偉文除咗早前就為佢喺其中兩位成員Edan(呂爵安)及姜濤嘅歌曲填詞外,日前佢更喺睇完演唱會後喺 IG 上傳合照並留言指:「之前好多人問『可摸耳12星座每個都寫首歌?』我:『好難喎,12個星座我唔係個個都熟喎,唔熟嗰幾個我驚寫得唔夠『中』喎!』今日輪到我想問:你估寫中晒12星座嘅心聲難吖?定完美又啱尺寸咁為12位Mirror成員每人度身訂造一份歌詞難?哈,咁諗落又好似12星座易啲喎!」

Photo from 黃偉文/IG

之後佢更 hashtag 指「後台人多湧來湧去沒有機向12位逐一道謝真係唔好意思」、「千祈唔好又傳出話我寸哈哈哈」。

雖然佢就冇 tag 佢哋 12 位成員喺 IG ,不過 MIRROR 嘅一眾成員,包括隊長 Lokman、Stanley、Anson Lo 等成員亦相當識做紛紛喺依個 post 留言多謝 Wyman 捧場,而 Wyman 更逐一答覆點評,其中 Anson Lo 點評最長:「一直覺得你應該至少有一首妖孽啲嘅快歌(或者唔快嘅歌),正如你套紅衫我會揀再鮮紅啲(而家呢套麻辣鴨血咗少少雖然睇咗成晚黑白都已經幾夠殺)……」

Photo from 黃偉文/IG

Photo from mirror.weare/IG

而除咗 MIRROR 嘅成員留言多謝外,佢哋嘅經理人花姐當然唔可以錯過依個咁好嘅機會為佢哋謀福利,希望 Wyman 幫佢哋每人寫一首歌喇:「唔會難到你」,而 Wyman 就搞笑反問花姐:「係咪寫晒12個之後,吸滿印仔你獎我寫一首畀你唱先?」

Photo from 黃偉文/IG

Photo from 花姐/IG

Photo from 黃偉文/IG

唔知花姐會唔會答應呢?!或者花姐同 ERROR 合作唱一首唔知又得唔得呢?!

Photo from mirror.weare/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【MIRROR演唱會】成員聲帶腫晒花姐只畀60分!Anson Lo感壓力大

07 May 2021

《MIRROR演唱會》頭場完滿結束,12位成員連場勁歌熱舞又騷肌令一眾鏡粉大為興奮!完場後經理人花姐指各位成員都好攰,狀態未到最好,只係畀60分,希望去到尾場會有更精采演出!

廣告
廣告

《MIRROR演唱會》頭場完滿結束,12位成員連場勁歌熱舞又騷肌令一眾鏡粉大為興奮
Photo from MIRROR IG

ViuTV選秀節目《全民造星》出身嘅組合MIRROR成軍兩年幾,終於喺九展召開一連六場嘅演唱會。12位成員不但跳組合歌,仲有個人solo舞台,部分成員操練多時,更騷肌大派福利!

ViuTV選秀節目《全民造星》出身嘅組合MIRROR成軍兩年幾
Photo from MIRROR IG

肥仔IG
Photo from 肥仔IG

肥仔IG
Photo from 肥仔IG

喺演唱會前夕,幾位成員喺連日嘅練習下身體出現問題,姜濤曾經暈倒,Anson Lo、Edan都因為聲帶出事要睇醫生。

Anson Lo、Edan都因為聲帶出事要睇醫生
Photo from Anson Lo IG

Edan IG
Photo from Edan IG

而身為MIRROR經理人嘅花姐由綵排到正式演唱會都在旁觀看,演唱會完場時佢就表示睇得出成員都攰,未係最好狀態,反而唔及前一日嘅總綵排。佢自言自己好嚴格,只係畀60分,希望去到尾場會有90分!

身為MIRROR經理人嘅花姐由綵排到正式演唱會都在旁觀看,演唱會完場時佢就表示睇得出成員都攰,未係最好狀態,反而唔及前一日嘅總綵排。
Photo from 花姐IG

花姐又提到早排帶Anson Lo同Edan睇醫生,指兩位成員聲帶腫晒,醫生叫佢哋唔好講嘢,要食藥同不停飲水。花姐表示因為咁Anson Lo唱歌時有啲音都上唔到,令佢壓力好大,Anson Lo指:「唱到幾多就幾多」。

花姐又提到早排帶Anson Lo同Edan睇醫生,指兩位成員聲帶腫晒,醫生叫佢哋唔好講嘢,要食藥同不停飲水
Photo from 花姐IG

Anson Lo指「唱到幾多就幾多」
Photo from Anson Lo IG

不過成員落力演出仍令全場鏡粉沸騰!其中更將MIRROR當初成軍時網友mean爆留言cap出嚟:「3年後仲喺度先同我講」,估唔到依家MIRROR幾位成員喺樂壇各有發展,就有大班fans搶唔到演唱會飛,要加開場次!

其中更將MIRROR當初成軍時網友mean爆留言cap出嚟
Photo from lihkg

lihkg
Photo from lihkg

依家MIRROR幾位成員喺樂壇各有發展,就有大班fans搶唔到演唱會飛,要加開場次!
Photo from MIRROR IG

MIRROR現時開始慢慢影響樂壇、娛樂圈,可以過吐氣揚眉,對於MIRROR喺演唱會現場「打臉」mean爆留言,有網民表示:「一直努力到令當初睇小你嘅人都要跌眼鏡」

lihkg
Photo from lihkg

lihkg
Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook