張栢芝上海豪宅曝光！屋內簡約風童心未泯偏愛呢位卡通人物！

Digital Content Writer

現年40歲嘅張柏芝近年返內地發展，最近仲獲邀出演真人show《讓生活好看2》。最新一集仲公開佢喺上海嘅豪宅，寓所面積非常寬敞，設計簡約。但就有網民質疑住所可能只係節目組提供俾張柏芝拍攝用！

Photo from 張柏芝微博

張柏芝早前因為參加《乘風破浪的姐姐2》後人氣急升，最近又獲邀出演真人show《讓生活好看2》，最新一集仲公開咗佢嘅日常生活同埋上海豪宅嘅內部！

Photo from 張柏芝微博

節目組由張柏芝去菜市場買嘢準備煲湯開始拍攝，喺佢結束購物回到家，一開門就見到牆上張貼咗佢同仔仔們嘅溫馨合照，果然係廿四孝媽媽！一望入去，佢嘅住所面積好大，客廳同飯廳都好寬敞，內部嘅設計主要以米白色為主，俾人一種簡單清新嘅感覺。

Photo from 《讓生活好看2》

之後，張柏芝就立刻進入廚房開始煲湯，廚房嘅設備應有盡有，十分齊全！佢以係節目表示自己最鍾意嘅就係廚房，認為煮嘢食嘅時候可以令佢最放鬆。不過有網民就話望到佢個廚房就覺得好有親切感，因為啲物品擺曬出嚟，亂中有序～

Photo from 《讓生活好看2》

而佢睡房最大嘅亮點，就係佢床上嘅Elsa床單，顯現佢保持童心嘅一面，令在場嘅出演者都有啲驚訝！另外，原來當天張柏芝需要幫兒子物色緊新學校，所以好苦惱應該著咩衫去好，佢表示自己衣服唔好多，而且大部分衣服嘅顏色都偏向比較鮮豔。

Photo from 《讓生活好看2》

不過，有網民就質疑呢個住宅係節目組安排俾張柏芝拍攝用，並非佢真正居住緊嘅住所！由佢去菜市場嘅片段所見，網民分析該地域並唔係大部分明星所居住嘅豪宅區。

Photo from 微博

Photo from 《讓生活好看2》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張柏芝想幫兒子轉學到上海！慘遭Lucas拒絕！自爆有聽障被仔仔嫌棄

6 May , 2021

張柏芝近日上內地綜藝《讓生活好看第二季》透露打算為兒子Lucas、Quintus轉學到上海，周圍睇學校，仲親自面試。佢又指自己咩都唔驚，最怕仔仔。

Photo from 《讓生活好看》

張柏芝參加《乘風破浪的姐姐2》後人氣急升，喺內地工佢越嚟越多，佢近日就出演綜藝節目《讓生活好看》，公開咗佢嘅日常。

Photo from 張柏芝微博

新一集張柏芝四出搵學校，原來長駐內地工作嘅佢打算將大仔Lucas、二仔Quintus接到上海返學，佢最後揀咗一間國際學校，仲接受家長面試。

Photo from 張柏芝微博

張柏芝表示Quintus好崇拜哥哥，兩兄弟感情好好：「從小到大都是同一個學校沒有分開過」，佢又指自己畀仔仔好高嘅自由度，從來唔需要補習，畀兒子有選擇權，張柏芝之後打電話同仔仔商量轉學嘅事，不過被佢哋直接拒絕咗。

Photo from 張柏芝微博

Photo from 《讓生活好看》

張柏芝同Lucas講間學校好大，大過香港嘅10倍，又有運動場所，然後小心翼翼咁問仔仔想唔想嚟睇下，Lucas就連續3次say「No」，張柏芝即順住仔仔：「咁唔講學校嘅事啦！」，佢話自己咩都唔怕，最怕係仔仔。

Photo from 《讓生活好看》

Quintus亦都不停say「no」，最尾仲話要cut線，不過兩個仔仔喺電話中都話好掛住媽咪，就算係cool爆、淨係講「嗯」嘅大仔Lucas都會同媽媽講「Love You」，3母子感情好好。

Photo from 《讓生活好看》

Photo from 張柏芝微博

張柏芝提到其實仔仔都會嫌棄佢，成日問：「點解媽咪你講嘢咁大聲？」，張柏芝透露自己有右耳弱聽：「我有一邊耳朵是弱的。」，但佢指唔想仔仔亂諗、心痛佢，所以就無講到。

Photo from 《讓生活好看》

節目播出後，唔少網友大讚張柏芝同仔仔相處好似朋友咁，好尊重兒子。亦有網友質疑張柏芝同仔仔溝通都係講廣東話、英文：「要來中國掙錢之前先把自己位置擺正吧中國人說中國話最基本的禮貌」

Photo from 微博

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel