迪士尼Fans召集～「皇室佳釀美食節」開鑼！加生日壽星尊享超驚喜禮遇～

次次去香港迪士尼樂園都留低唔少歡樂嘅奇妙回憶！最近樂園就為大家嘅遊園旅程再加多一點美妙新滋味！迪士尼嘅星級主廚團隊將會喺園區內舉辦「皇室佳釀美食節」，為大家煮出一系列得獎菜色，分子甜品料理及特式飲品等等，俾大家玩得滿足之餘，吃得都滿足！想再盡興一點？帶5、6月壽星去迪士尼，就會有迪士尼朋友為壽星載歌載舞，入住酒店仲可以得到蛋糕造形毛巾紀念品！各位迪士尼迷，快啲準備同小編齊齊入園打卡啦～

Photo from Hong Kong Disneyland

Photo from Hong Kong Disneyland

#全新樂園版「美食節」！即場吃盡得獎美食～
由今日開始至6月30日，喺香港迪士尼樂園幻想世界嘅「皇室宴會廳」中都有「皇室佳釀美食節」，有迪士尼嘅主廚們為各位準備多款獲獎無數嘅環球美食，聽到都流口水呀～

Photo from Hong Kong Disneyland

見到米奇形狀嘅「椰菜花北海道牛乳芝士撻」同埋各款夠晒新奇又神秘嘅分子料理甜品～令作為迪士尼迷嘅小編，都忍唔住相機食先，邊食邊打卡呀！

Photo from Hong Kong Disneyland

#一個代幣就可換小食！提早購入電子代幣最方便～
想參加「皇室佳釀美食節」？只需要提早喺樂園官網或現場購買好電子代幣就OK！小食、甜品同所有非酒精飲品都只需一個代幣換購^，所有電子代幣都可以喺活動期內使用㗎，年票家庭買多幾個都唔怕啦～

Photo from Hong Kong Disneyland

#壽星最尊貴！迪士尼卡通朋友歌舞慶生日！
一年只得一次嘅特別日子，當然要夠難忘啦！生日去迪士尼，除咗可以得到生日徽章同紋身貼紙作為留念之外，仲有米奇、米妮、唐老鴨、黛絲與高飛等迪士尼朋友喺小鎮大街火車站前現身，為壽星載歌載舞慶祝生日，呢個生日一定超驚喜呀～

Photo from Hong Kong Disneyland

Photo from Hong Kong Disneyland

#迪士尼粉絲必去！唐老鴨主題商品專區+繡名生日浴袍米奇公仔
唔講未必知，原來唐老鴨都係6月之星嚟㗎！迪士尼為各位「4、5、6月之星」特設唐老鴨及鋼牙奇奇及大鼻帝帝嘅生日主題專區，俾大家可以一次過買齊生日主題嘅可愛精品，相信各位壽星一定揀到心愛嘅生日禮物啦～

Photo from Hong Kong Disneyland

Photo from Hong Kong Disneyland

想玩得舒適啲？生日嘅香港居民用優惠價預訂度假區酒店，不但享有一個豪華嘅休閒旅程，仲有蛋糕造形毛巾及生日卡做留念！壽星更可以加購多款個人化嘅生日禮物，例如可以繡名嘅生日浴袍米奇公仔、生日主題米奇耳朵帽子同埋主題生日蛋糕。而入住指定套房，仲有迪士尼朋友或Marvel英雄同你齊齊玩自拍，諗起都超興奮呀！

Photo from Hong Kong Disneyland

Photo from Hong Kong Disneyland

Photo from Hong Kong Disneyland

Photo from Hong Kong Disneyland

#約齊家人朋友慶生日 再享折扣優惠～
呢啲開心時刻，就梗係想有親人朋友喺身邊齊齊分享快樂啦～而家只要購買香港迪士尼樂園「奇妙同慶」團體飛，並喺6月30日前入園，3人同行就可享有75折門票優惠，而4人同行仲有7折優惠，最啱成班朋友或者一家大細齊齊去玩。快啲提早預約！為壽星帶嚟一個最深刻嘅生日旅程啦～

Photo from Hong Kong Disneyland

皇室佳釀美食節：
地點：香港迪士尼樂園幻想世界皇室宴會廳
日期：即日起至6月30日
(即日至5月16日期間，逢周五、六、日及公眾假期開放)
＊需持票入園並提早預約入園日期
^網站上顯示的照片和其他視覺效果僅供參考。香港迪士尼樂園保留權利決定或更改餐飲項目之價格丶活動之菜單及/或活動之運作時段。

「奇妙同慶」團票優惠：
只供持有有效香港身份證明文件之賓客享用。
購票優惠詳情：https://bit.ly/3nASBaL
優惠門票可於2021年6月30日或之前入園一次及只適用於換領當日。套票中的門票必須於進入樂園時同時使用。優惠受條款及細則約束。

圖像僅作推廣用途。所有賓客必須佩戴口罩及保持適當社交距離。詳情請瀏覽：www.hongkongdisneyland.com

Text: HolidaySmart editorial
Presented by: 香港迪士尼樂園
Photo source: 香港迪士尼樂園