download HolidaySmart 假期日常 app
《古惑仔》陳浩南竟然係警察臥底!?另一版本大公開變《新警察故事》

《古惑仔》陳浩南竟然係警察臥底!?另一版本大公開變《新警察故事》

電視電影 娛樂新聞
By Jennifer on 10 May 2021
Digital Editor

經典港產片《古惑仔》原來有另一個版本!鄭伊健飾演嘅「洪興」陳浩南原來係警察臥底?!喺新加坡馬來西亞上映嘅版本中甚至仲改埋名做《新警察故事》!

經典港產片《古惑仔》原來有另一個版本!Photo from 《古惑仔》

當年紅遍中、港、台嘅《古惑仔》,捧紅埋各位主演,包括鄭伊健、陳小春、謝天華、林曉峰、黎姿等。電影改編自香港漫畫家牛佬同名作品,故事圍繞香港三合會社團,更掀起一股黑幫電影熱潮。

當年紅遍中、港、台嘅《古惑仔》,捧紅埋各位主演,包括鄭伊健、陳小春、謝天華、林曉峰、黎姿等Photo from 《古惑仔之人在江湖》

不過呢套電影原來仲有另一版本,《古惑仔》新加坡、馬來西亞版本故事設定大有不同,「浩南哥」竟然係警察臥底!

《古惑仔》新加坡、馬來西亞版本故事設定大有不同Photo from 《古惑仔之人在江湖》

YouTuber HEBE近日就搜集咗觀眾提供嘅資料,搵到馬來西亞粵語版本嘅《古惑仔》。其實幾年前已有網民搵到新加坡同馬來西亞電檢尺度嚴厲,《古惑仔》前3集改名為《新警察故事之人在江湖》、《新警察故事2之猛龍過江》、《新警察故事3之隻手遮天》。

YouTuber HEBE近日就搜集咗觀眾提供嘅資料,搵到馬來西亞粵語版本嘅《古惑仔》Photo from HEBEFACE

因為電影有美化古惑仔、意識不良之嫌,故事改為主角陳浩南其實係香港皇家警察,本為督察,後來被外籍警司委派潛伏於洪興社做臥底,電影更有陳浩南督察喺警局內與外籍警司匯報洪興證據、陳浩南回歸警隊,山雞、大天二等被捕入獄嘅鏡頭。

故事改為主角陳浩南其實係香港皇家警察Photo from HEBEFACE

電影更有陳浩南督察喺警局內與外籍警司匯報洪興證據鏡頭Photo from HEBEFACE

HEBEFACEPhoto from HEBEFACE

《古惑仔》前3集故事線大改唔算係新鮮事,不過第四集《97古惑仔:戰無不勝》同第五集《98古惑仔:龍爭虎鬥》都因為尺度問題被新加坡禁止上映,但原來第四集仍然有出碟賣埠至當地,不過劇情都係要修改。

第四集《97古惑仔:戰無不勝》同第五集《98古惑仔:龍爭虎鬥》都因為尺度問題被新加坡禁止上映Photo from HEBEFACE

未喺新加坡、馬來西亞公開上映嘅《古惑仔》第四集中,浩南哥繼續做臥底,所以有香港版本無嘅一啲刪減片段,例如同警察上司對話嘅片段、最後拘捕嘅場面等。

未喺新加坡、馬來西亞公開上映嘅《古惑仔》第四集中,浩南哥繼續做臥底Photo from HEBEFACE

新加坡、馬來西亞版《古惑仔》第四集有香港版本無嘅一啲刪減片段Photo from HEBEFACE

原來「山雞」一角原本都唔係搵陳小春飾演,早年陳小春接受訪問時表示當年拍《古惑仔》本身無預佢,「山雞」原係金城武出演,結果陳小春經理人極力推薦下先由佢出演。

原來「山雞」一角原本都唔係搵陳小春飾演Photo from 《古惑仔之人在江湖》

有唔少網友都表示曾聽過呢個「都市傳說」。

HEBEFACEPhoto from HEBEFACE

HEBEFACEPhoto from HEBEFACE

HEBEFACEPhoto from HEBEFACE

HEBEFACEPhoto from HEBEFACE

即睇HEBE嘅影片:

感謝HEBEFACE授權使用。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

37歲應采兒自爆為保青春有整容?笑老公陳小春同鄭伊健有老花

4 May 2021

應采兒同老公陳小春近年都喺內地上唔少綜藝節目,佢近日就喺《聽姐說》中提到人會變老,又自爆自己有打4種美容針以保青春。

應采兒同老公陳小春近年都喺內地試唔少綜藝節目Photo from 應采兒微博

37歲嘅應采兒同陳小春育有2個兒子,自從帶大仔Jasper上親子綜藝節目《爸爸去哪》後,一家人喺內地人氣急升。

37歲嘅應采兒同陳小春育有2個兒子Photo from 應采兒微博

之後佢哋又多次以夫妻檔出演各種節目,應采兒喺綜藝節目中「直腸直肚」嘅表現獲得唔少觀眾支持,依家佢個人亦有一個綜藝《聽姐說》。

應采兒喺綜藝節目中表現「直腸直肚」,獲得唔少觀眾支持Photo from 《聽姐說》

喺最近播出嘅集數中,佢就提到「變老」呢個話題,佢指自己以前可以單手畫眼線,依家老咗,皮膚鬆馳,要用手拉起眼皮先畫到。

喺最近播出嘅集數中,應采兒提到「變老」呢個話題Photo from 應采兒微博

應采兒表示好怕變老,又指佢老公陳小春就唔服老,仲覺得自己好年輕,笑佢同鄭伊健都有老花,睇字要拉開嚟睇。

應采兒表示好怕變老,又指佢老公陳小春就唔服老Photo from 應采兒微博

《聽姐說》Photo from 《聽姐說》

應采兒笑陳小春同鄭伊健都有老花,睇字要拉開嚟睇Photo from 《聽姐說》

應采兒直言:「像我現在,定期健康檢查、針灸、艾灸、打瘦臉、打玻尿酸(透明質酸)、打肉毒(肉毒捍菌)、打熱瑪吉(Thermage)。」,自嘲自己健康同信用卡一樣,後生嗰陣碌爆之後,老咗就要還。

《聽姐說》Photo from 《聽姐說》

應采兒自言好怕變老Photo from 《聽姐說》

佢表示要害怕變老,先會珍惜自己嘅身體。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

應采兒公開力數陳小春三大缺點 直言擔心兒子俾佢教壞!

7 Apr 2021

陳小春應采兒呢對夫婦近呢幾年都將事業發展轉移去內地,時不時都會出演唔同嘅內地綜藝節目。近日,應采兒就出演咗內地全新嘅女性talk show《聽姐說》 ,仲喺節目大爆陳小春嘅缺點,表示驚仔仔會俾佢教壞!

應采兒IGPhoto from 應采兒IG

陳小春同應采兒喺2010年於美國拉斯維加斯結婚,並於2013年誕下大兒子Jasper及2020年誕下小兒子Hoho。二人一直都愛得高調,經常喺節目同社交網站大曬恩愛,感情十分甜蜜!

應采兒微博Photo from 應采兒微博

應采兒IGPhoto from 應采兒IG

近日,應采兒喺當任內地節目《聽姐說》嘅嘉賓時就話自己其實係湊緊三個仔,爆料話老公陳小春係一個冇自理能力嘅人。屋企所有嘅嘢都唔識得組裝,就連音響都唔識得用,所以當應采兒唔喺屋企嘅時候就唔會播音樂。

《聽姐說》Photo from 《聽姐說》

應采兒忍唔住繼續大爆陳小春無記性,每次申請網上密碼嘅時候都用一個全新嘅密碼,但好快就會唔記得!而且陳小春亦都唔識得辦理登機手續,所以佢講笑咁話佢哋一齊去旅行嘅時候會覺得自己似佢助理多啲。

《聽姐說》Photo from 《聽姐說》

《聽姐說》Photo from 《聽姐說》

另外,應采兒亦指陳小春「無口齒」,經常講大話。佢曾經答應應采兒會戒煙,但自從話戒煙之後,就每日都以買咖啡嘅理由外出偷偷抽煙。

《聽姐說》Photo from 《聽姐說》

《聽姐說》Photo from 《聽姐說》

應采兒就表示自己好驚老公嘅呢啲壞習慣會教壞仔仔!事關佢哋早前買咗部電動車,而仔仔Jasper就好想玩,但佢就因為危險而禁止仔仔玩。但有一次,老公就帶仔仔去公園玩電動車,返到嚟就發現仔仔受傷嘴角流血!

應采兒IGPhoto from 應采兒IG

《聽姐說》Photo from 《聽姐說》

雖然應采兒喺節目上大講老公嘅不是,但最後都以曬恩愛結尾,表示可以包容佢嘅缺點係因為愛佢!

《聽姐說》Photo from 《聽姐說》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel