download HolidaySmart 假期日常 app
《愛回家》播放令人「不安」情節!  吳香倫着護士服被指重口味

《愛回家》播放令人「不安」情節! 吳香倫着護士服被指重口味

娛樂新聞
By Stephanie on 11 May 2021
Digital Content Writer

TVB最近不停推出創新嘅綜藝節目,吸引觀眾,估唔到而家連劇集嘅情節都越嚟越破格!日前,《愛.回家之開心速遞》就播出咗電視劇中潮偉(袁文傑飾)同譚何容儀(吳香倫飾)backhug嘅畫面,令網民忍唔住話「好重口味啊」!

《愛.回家之開心速遞》Photo from 《愛.回家之開心速遞》

TVB最近改革推出唔同嘅創新節目,但唔到連劇集嘅情節都開始變得好出位!近日,處境喜劇《愛.回家之開心速遞》就講述金城安(周嘉洛飾)同Bonnie(林凱恩飾)呢對小情侶打算喺母親節去酒店總統套房Staycation,但被熊尚善(滕麗名飾)誤會以為兒子帶佢慶祝母親節。

《愛.回家之開心速遞》Photo from 《愛.回家之開心速遞》

為咗化解誤會,佢哋就將總統套房分為2個時段俾各自嘅父母去Staycation,點知就因為搞錯時間,導致佢哋兩對情侶喺酒店「驚喜」嘅相遇!期間,潮偉仲一度從後攬住穿著護士服嘅譚何容儀,場面非常奇怪!

《愛.回家之開心速遞》Photo from 《愛.回家之開心速遞》

《愛.回家之開心速遞》Photo from 《愛.回家之開心速遞》

唔少網民都認為劇情好重口味,事關穿著護士服嘅吳香倫已經61歲,批評劇情而家已經做到冇嘢好做;不過亦有網民認為該集好好笑!

TVB FBPhoto from TVB FB

TVB YouTubePhoto from TVB YouTube

其實早前TVB另一套電視劇《伙計辦大事》亦有出現過令網民覺得「唔舒服」嘅劇情!其中一幕就有60歲歐陽震華壁咚50歲萬綺雯嘅情節,兩人仲深情對望咗足足一分鐘多啲,令網民睇完大叫反感!

《伙計辦大事》Photo from 《伙計辦大事》

《伙計辦大事》Photo from 《伙計辦大事》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

麥美恩《使徒行者3》演技獲讚!罕有演劇 演搞繹笑/催淚情節無難度

11 Nov , 2020

麥美恩(Mayanne)喺《使徒行者3》與林峯合作演卧底,雖只有兩集戲份,但無論搞笑、催淚情節都難唔到佢,第二集佢臨死前演技更令觀眾非常投入,罕有拍劇嘅Mayanne演技獲激讚!

麥美恩Mayanne入行以嚟「傻大姐」形象深入民心,主力做主持、出演綜藝節目。近日罕有拍劇,喺《使徒行者3》同林峯合作,飾演師徒。

麥美恩Mayanne入行以嚟「傻大姐」形象深入民心,主力做主持、出演綜藝節目

其實Mayanne僅兩集戲份,但就令觀眾留下深刻印象,佢第一集同農夫齊齊大放笑彈。

Mayanne第一集同農夫齊齊大放笑彈。

飾演卧底嘅Mayanne為解救被騙嘅少女,不惜以豹紋蕾絲裙性感造型出場,更淋埋冰水,與飾演嫖客嘅農夫有對手戲。

可左右滑動看圖:

成段都輕鬆搞笑,對於農夫同Mayanne嚟講絕對係得心應手,即睇精華片段:

到第二集,Mayanne飾演嘅朱倩被揭穿卧底身份,最後慘死。臨死前一幕非常催淚,佢完全演繹出嗰種無助同掙扎。

可左右滑動看圖:

Mayanne亦有分享自己演戲嘅感受,表示有問過林峯喊戲點拍,又指自己「睇一次喊一次」。

雖然Mayanne只出演咗兩集,但兩集係完全唔同嘅心態,而佢無論係搞笑戲份,定催淚情節都駕馭得好好,有好多網友大讚佢演技出色!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel