余文樂大曬囝囝摸青蛙相 懶理其他小朋友樣貌曝光 遭網民大罵

余文樂婚後時不時都會上載幸福嘅家庭生活照，但佢就非常保護小朋友嘅隱私，一對子女嘅樣貌甚少曝光。近日，佢就上載咗仔仔同其他小朋友玩嘅相，但就只係幫仔仔遮樣，令其他小朋友嘅樣貌曝光，令網民紛紛話佢好自私！

Photo from 余文樂IG

余文樂喺2017年同台灣皮帶千金王棠云結婚，2018年誕下囝囝余初見（Cody），再於2020年誕下囡囡余初心！結婚後，佢經常都會上載小朋友嘅照片，但就甚少公開小朋友嘅正面樣貌，十分保護一對子女～

Photo from 余文樂IG

Photo from 余文樂IG

近日，佢就喺微博上載咗囝囝Cody玩耍嘅相片，只見Cody身穿深藍色T-shirt同灰色棉褲，喺老師引導之下摸青蛙，佢仲大讚囝囝係勇敢嘅小朋友～

Photo from 余文樂微博

Photo from 余文樂微博

其中，有幾張照片影到Cody同其他小朋友排排坐，一齊摸蛇同青蛙嘅畫面。不過，佢就只係幫自己仔仔遮樣，令到隔離嘅小朋友們樣貌曝光！

Photo from 余文樂微博

Photo from 余文樂微博

唔少網民見到照片後，就認為佢嘅行為好自私，只係顧自己小朋友嘅隱私，但就唔理其他小朋友：「只係得自己孩子係小朋友，其他的就不是？！」

Photo from 余文樂微博

Photo from 余文樂微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

余文樂老婆首晒女兒余初心正面　眼大大似足王棠云細個！

22 Mar , 2021

唔少藝人為保障自家小朋友嘅童年唔受外界影響，平日喺社交網中就算分享家庭樂嘅相都會特意為小朋友加上 emoji 保護其樣貌，而近年已移居到台灣生活嘅余文樂，佢老婆王棠云（Sarah）近日就喺 IG 上傳生活相時首次曝光咗女兒嘅靚樣。

余文樂去年底時再做老竇，太太王棠云為佢誕下細女余初心，但由於女兒提早咗出世，出世時體重得 1 kg，一度進入危險期，幸好最後度過難關，依家初心肥肥白白，好可愛呀！

王棠云日前喺 IG 上傳咗自己同一對仔女嘅合照，相中大仔喺佢身邊瞓覺，而細女就瞓喺佢腿上，王棠云留言：「最幸福的時刻就是兒子乖乖的，睡在旁邊不搗蛋，讓我可以好好的抱妹妹，享受這個2寶世界，通常哥哥起來的狀態就不是這樣了，他很愛妹妹，太愛了，一直想戳她的臉，不然就是鬧情緒吃醋，但是不管怎樣，2個都是我的寶貝啦！」

今次雖然唔係見到初心嘅大正面，但難得可以一見，當然會引起一眾網民關注喇！唔少網民睇見余初心依家身體健康，肥肥白白，都感到好開心，除咗大讚王棠云愈嚟愈靚之外，仲讚初心五官標致好靚：「2個小孩長得都好漂亮可愛哟???」、「妹妹五官好漂亮，白白嫩嫩」、「妹妹皮膚白像妳」添！

睇番王棠云嘅童年舊相，初心嘅精緻五官睇嚟真係遺傳自媽媽多啲喎！

唔知幾時可以見到依對可愛小朋友嘅正面呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）