MIRROR尾場騷獲古天樂激罕驚喜撐場　有求必應勁親民！

By Celia on 12 May 2021

Digital Editor

人氣男團 MIRROR 近日喺九展舉行一連 6 場嘅演唱會尋晚就係尾場，而喺依場更係再一次證明咗 MIRROR 嘅魅力有幾驚人，唔少大家都知第一場就已經有好少睇演唱會的Do姐鄭裕玲現身撐場，而喺尋晚更有演唱會超級稀客古天樂驚喜到場，引嚟全場尖叫！

Photo from mirror.weare/IG

男團 MIRROR 人氣有幾勁，相信大家都知，由佢哋嘅演唱會一票難求嘅程度嚟睇就可以得知，演唱會一連唱咗 6 場，日前更有消息傳出 12 子將喺年底進軍紅館嘅，雖然喺慶功宴上花姐就話要再開會傾吓先，但唔少粉絲都大表期待。

Photo from mirror.weare/IG

睇番依場演唱會，MIRROR 12 子繼續落力演出，其中 Jer 更為「鏡粉」帶來尾場限定驚喜，唱出佢嘅第 1 首 Solo 歌《水刑物語》。

Photo from jeremylaous/IG

不過都數當晚最中嘅驚喜一定係去睇騷嘅嘉賓陣容，除咗有一眾ViuTV藝人包括沈殷怡、黃奕晨、強尼等人到場支持外，仲有鄭欣宜、森美、小儀、楊偲泳、梁祖堯、余迪偉得一眾藝人。

Photo from 小儀/IG

Photo from 森美/IG

而其中最令大家驚喜嘅一定係演唱會超級稀客古天樂現身，隨即引起全場尖叫，古仔唔止獲安排坐頭排睇騷外，更 ViuTV 總經理魯庭暉親自到場迎接。

Photo from 梁栢堅/IG

難得古天樂現身睇騷，在場粉絲當然唔可以錯過同佢合照嘅機會喇，一向親民嘅佢即場變身「黃大仙」對粉絲影相嘅要求來者不拒，更親自揸機自拍添！

Photo from iptszkinbb/IG授權提供

唔知之後 12 子會唔會有機會同古天樂合作呢！

Photo from mirror.weare/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

MIRROR 6子再被網友要求離隊？花姐一視同仁為12子謀福利　搵黃偉文度身訂造個人單曲

10 May 2021

要講近期全城熱話當然一定係現時最 hit 嘅人氣男團 MIRROR 喇，更有網友喺討論區再度開 post 分化！而近日正舉行演唱會嘅佢哋，就吸引咁唔少名人入場，其中著名填詞人黃偉文（Wyman）亦有入場支持，佢仲喺 IG 上傳同 MIRROR 嘅合照及分享感受。

Photo from mirror.weare/IG

近日亦有網友喺連登討論區再度開 post 並以《得罪講句，MIRROR 呢 6 個人不如自己離隊啦》作為標題，要求未有 Solo 歌或太多突圍機會嘅Frankie、Jeremy、Stanley、Lokman、Tiger及 Alton 自行離隊，不過依個 post 就未有得到大家支持外，反而收到唔少負評，指樓主孤陋寡聞兼分化，並力撐 MIRROR 12子「缺一不可」，彼此之間難以替代。

Photo from 連登截圖

而資深填詞人黃偉文除咗早前就為佢喺其中兩位成員Edan（呂爵安）及姜濤嘅歌曲填詞外，日前佢更喺睇完演唱會後喺 IG 上傳合照並留言指：「之前好多人問『可摸耳12星座每個都寫首歌？』我：『好難喎，12個星座我唔係個個都熟喎，唔熟嗰幾個我驚寫得唔夠『中』喎！』今日輪到我想問：你估寫中晒12星座嘅心聲難吖？定完美又啱尺寸咁為12位Mirror成員每人度身訂造一份歌詞難？哈，咁諗落又好似12星座易啲喎！」

Photo from 黃偉文/IG

之後佢更 hashtag 指「後台人多湧來湧去沒有機向12位逐一道謝真係唔好意思」、「千祈唔好又傳出話我寸哈哈哈」。

雖然佢就冇 tag 佢哋 12 位成員喺 IG ，不過 MIRROR 嘅一眾成員，包括隊長 Lokman、Stanley、Anson Lo 等成員亦相當識做紛紛喺依個 post 留言多謝 Wyman 捧場，而 Wyman 更逐一答覆點評，其中 Anson Lo 點評最長：「一直覺得你應該至少有一首妖孽啲嘅快歌（或者唔快嘅歌），正如你套紅衫我會揀再鮮紅啲（而家呢套麻辣鴨血咗少少雖然睇咗成晚黑白都已經幾夠殺）……」

Photo from 黃偉文/IG