【香港小姐2021】歷屆港姐出動撐場！1983年張曼玉同屆友誼小姐現身引關注 任職懲教署35年！

TVB為《香港小姐競選2021》舉行全球招募記者會，現場除咗有一班高層外，歷屆港姐都現身撐場，其中同影后張曼玉同屆嘅國際親善小姐鍾子綸係現場最大師姐！原來佢來頭唔細！

Photo from TVB

新一年TVB舉辦《香港小姐競選2021》，電視台高層曾志偉出席全球招募記者會時透露今次會出外景，又邀請咗「慧妍雅集」參與今屆港姐競選。

Photo from TVB

現場更有出動多位歷屆港姐撐場！包括2016年港姐冠軍馮盈盈、亞軍劉穎鏇、2013年季軍劉佩玥、2015年友誼小姐林凱恩、2017年亞軍何依婷、2018年冠軍陳曉華、2019年冠軍黃嘉雯、亞軍王菲、友誼小姐陳熙蕊、2020年應屆港姐亞軍陳楨怡、季軍郭柏妍、友誼小姐鄺美璇。

Photo from TVB

Photo from TVB

Photo from TVB

Photo from TVB

Photo from TVB

Photo from TVB

Photo from TVB

Photo from TVB

Photo from TVB

今屆較特別之處係邀請咗「慧妍雅集」歷任港姐以一對一嘅形式擔任導師，幾位師姐都有現身記者會，雖然佢哋當選多年，但同應屆港姐同場一啲都無被比下去！包括：「慧妍雅集」會長2003年港姐冠軍曹敏莉、1998年冠軍向海嵐、2001年冠軍楊思琦、1984年季軍唐麗球、2007年港姐兼工作計劃統籌李潔瑩。

Photo from TVB

有幾位就算未能現身記者會都有拍片分享參選經歷：1996年港姐季軍袁彩雲、2007年季軍周美欣、2020年冠軍謝嘉怡。

Photo from TVB

Photo from TVB

Photo from TVB

現場仲有一位非常矚目、資歷最深嘅「大師姐」—1983年國際親善小姐鍾子綸，佢係同影后張曼玉同屆，佢今次會為港姐擔任項目統籌顧問，原來佢之前喺懲教處工作近35年，更係懲教署高級監督，佢1981年加入部門做懲教主任，佢退休後以師姐身份回歸引起關注！

Photo from TVB

Photo from 懲教署

Photo from 懲教署

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【香港小姐2021】曾志偉計劃今年去新加坡拍外景 強調唔會強迫佳麗打疫苗！

11 May 2021

昨日TVB就舉行咗《2021香港小姐》全球招募記者會，電視台高層曾志偉、樂易玲同埋幾位歷屆港姐都有出席。曾志偉仲表示希望今年可以出國拍攝外景，不過佢強調就算出國都唔會逼佳麗們打疫苗！

Photo from TVB

TVB昨日舉行咗《2021香港小姐競選》全球招募記者會，亦係曾志偉返TVB後首個港姐選舉，所以就連同電視台高層同歷任港姐們出席記者會，打響頭炮！

Photo from TVB

曾志偉表示比賽將於9月舉辦，會有準決賽同決賽，仲計劃想喺紅館辦決賽，詳情將會稍後再公布。接受訪問時，佢話「其實香港小姐大家每年都會睇，唔需要太創新」，會秉持住口號「美麗與智慧」做重點，突出港姐親善嘅一面。

Photo from TVB

佢話今屆嘅特別之處係會邀請「慧妍雅集」歷任港姐以一對一嘅形式做導師，當被問到會否成為今屆嘅司儀時，佢就話應該唔會喇～

Photo from TVB

港姐出國拍攝外景一直都係傳統，但近年就取消咗呢個環節，曾志偉就話考慮緊去旅遊氣泡地點新加坡拍攝，希望今年可以恢復返呢個傳統！當記者問到會否強迫港姐們打疫苗，佢就話俾佢哋自由選擇，不過就認為打咗疫苗會安全啲。

Photo from TVB

另外，有傳今年嘅香港小姐競選會同即將推出嘅選美劇集一齊同步拍攝，該劇集早前就傳出將會由曾經選港姐嘅馮盈盈同簡淑兒出演。曾志偉就回應話兩邊係各有各拍，兩者並冇關係，只係為咗節省搭景錢！

Photo from 馮盈盈FB

Photo from 簡淑兒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「波波」黃凱儀成為曾志偉新寵密密接job 首場內衣show超搶鏡！

26 Apr , 2021

曾志偉成為咗TVB副總經理之後，專門負責綜藝節目同埋音樂節目。早前，佢就親身以嘉賓身份去《#後生仔傾下偈》度探班，仲點名主持班底「波波」黃凱儀，令佢最近頻頻接job，人氣急升！

Photo from 波波IG

早前，曾志偉就曾經上《#後生仔傾下偈》做嘉賓，雖然佢自己就話「你點介紹我都唔會記得你個名。」，但佢就似乎特別鍾意其中一位「後生仔」女主持黃凱儀（波波）！當時仲專登俾波波坐佢隔離，仲喺節目公開點佢名，榮升做曾志偉愛將！

Photo from 《後生仔傾吓偈》

Photo from 《後生仔傾吓偈》

據悉，波波已經喺4月正式同TVB簽咗約，仲即時有份出演電視劇《青春不要臉》同埋接咗唔少嘅活動，令佢知名度大大提升。

Photo from 波波IG

Photo from 波波IG

日前，擁有豐滿上圍嘅波波就有份獲邀參加內衣品牌嘅行show，身材驕人獲得網民讚賞，果然係人如其名！而佢自己就話其實佢身形比較肥，所以有節食同做運動去減肥。佢表示自己平時著衫比較保守，都係第一次著得咁性感，但就不停強調今次活動係健康嘅性感！

Photo from 一田百貨YouTube

Photo from 一田百貨YouTube

當被問到以後係咪走性感路線嘅時候，波波就話工作都係公司安排，尊重公司嘅決定。佢亦話「唔希望大家從心口上嘅脂肪認識我」，希望大家可以見到佢嘅另一面。

Photo from 波波IG

Photo from 波波IG

喺入TVB之前，波波曾經為YouTube channel「熊仔頭」拍短片，而開始拍攝影片。喺2017年，就正式加入節目《#後生仔傾吓偈》做主持班底，令更加多人認識佢。相信而家俾曾志偉「欽點」之後，佢應該都會經常出現喺幕前㗎喇！

Photo from 熊仔頭YouTube

Photo from 《#後生仔傾吓偈》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）