賴弘國承認離婚1年依然未放低! 慶幸冇幫阿嬌買豪宅 「否則就人財兩失」

賴弘國承認離婚1年依然未放低! 慶幸冇幫阿嬌買豪宅 「否則就人財兩失」

娛樂新聞
ByStephanie on 12 May 2021

賴弘國同鍾欣潼(阿嬌)上年被爆婚變,不知不覺已經一年。賴弘國最近喺接受傳媒訪問嘅時候,話自己因為抑鬱問題而暴瘦,仲表示到而家都唔知同阿嬌離婚嘅原因,不過就話好慶幸自己冇幫佢買下豪宅!

賴弘國IG
Photo from 賴弘國IG

賴弘國同鍾欣潼(阿嬌)於2018年結婚,但就喺2020年對外宣佈離婚,結束短短14個月嘅婚姻!最近,阿嬌就俾傳媒發現暴肥;但相反賴弘國最新上載嘅相就俾網民發現變得好瘦,同以往嘅肌肉身形好唔同。

《怦然心動20歲》
Photo from 《怦然心動20歲》

賴弘國IG
Photo from 賴弘國IG

賴弘國喺接受台灣傳媒訪問嘅時候,就表示自己心情抑鬱已經接近兩年嘅時間,令佢經常冇胃口,體重急跌12Kg。除咗因為經歷離婚之外,被網民懷疑佢偷食網紅都係其中一個令佢抑鬱嘅原因,仲話自己經歷呢段婚姻後令佢嘅人生毀咗!

賴弘國IG
Photo from 賴弘國IG

據悉,佢同阿嬌嘅離婚手續已經完成,不過佢就話自己到而家都未知道自己點解會「被離婚」!佢表示因為阿嬌係明星嘅身分,令佢好大壓力,兩人當時成日會因此而吵架,但就話阿嬌處事比較成熟。

《花花萬物》
Photo from 《花花萬物》

另外,賴弘國亦提及結婚後兩人有意買台灣嘅上億豪宅,仲話當時買嘅話會係佢出錢,並且將豪宅寫阿嬌名。不過,佢就好慶幸自己並冇因為一時衝動而買,否則而家將會係人財兩失!有傳,佢哋最終冇買樓嘅原因係因為阿嬌媽咪唔希望女兒太大壓力,亦唔想佢哋兩人喺房產上有任何牽連。

阿嬌微博
Photo from 阿嬌微博

賴弘國IG
Photo from 賴弘國IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阿嬌鍾欣潼為咗依樣嘢暴飲暴食?自揭暴脹增磅過程 曾一日五餐食到嘔!

11 May , 2021

廣告
廣告

阿嬌鍾欣潼最近因參演綜藝節目《怦然心動20歲》時,突然暴肥成為焦點,但作之後又晒自拍力證「V面」,令唔少網民對佢時肥時瘦成為全城熱話。而近日就有報導指阿嬌今次暴脹其實係為咗電影拍攝。

Photo from Youku/YT

早前喺內地綜藝節目《怦然心動20歲》中,阿嬌因突然暴脹引起大家關注,雖然佢嘅好姊妹阿 sa 就為佢解釋指阿嬌只係因為荷爾蒙失調,其後佢更特意以「美顏濾鏡」嘅原相機自拍法力證自己下巴線條仍在。可惜之後佢每次現身均被指有巨躉及凸腩,網民評語更係好壞參半。

Photo from 鍾欣潼/weibo

Photo from weibo

不過據報導指今次阿嬌突然身形暴脹,係因為有新電影開拍,而電影嘅類型就同 2007 年上映嘅韓國電影《醜女大翻身》相似,但有指由於內容屬商業秘密,所以所有嘅相關人員都唔可以向外界透露細節。

Photo from 鍾欣潼/weibo

Photo from 《醜女大翻身》

阿嬌今次就係咗依套電影嘅角色拋棄女神形象,刻意增磅,最高峰時一日最少食五餐,暴飲暴食,佢更因此試過食到嘔、食到胃痛以及胃抽筋,幸最終都有所「成績」,成功變冇頸嘅肥妹,可見過程相當痛苦呀!

Photo from Youku/YT

而阿嬌自己亦表示喺接到劇本後都有所考慮,但同時又覺得依個係一個挑戰嘅機會嚟,指剛好自己平時都鍾意食,今次更係可以名正言順咁肥。但佢又指增肥過程好困難亦好辛苦。

Photo from 鍾欣潼/weibo

Photo from 鍾欣潼/weibo

睇嚟已經間接承認咗新戲一事,不過佢就因為簽咗保密協議,所以目前唔方便透露其他內容。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook