麥明詩為拍濕身戲出動私伙泳衣!自信已操fit至最佳狀態

麥明詩為拍濕身戲出動私伙泳衣!自信已操fit至最佳狀態

娛樂新聞
By Jennifer on 13 May 2021
Digital Editor

麥明詩日前「復出」拍亞視網劇《逐流時代》,佢透露將有性感戲份,會出動私伙泳衣上陣。麥明詩表示依家係入行以嚟最佳狀態!

麥明詩日前「復出」拍亞視網劇《逐流時代》Photo from ATV

「十優港姐」麥明詩轉行返寫字樓做顧問,無拍劇好耐嘅佢獲ATV副總裁林文龍親自「借人」,為戚其義監製新劇《逐流時代》擔任主演。

「十優港姐」麥明詩轉行返寫字樓做顧問,無拍劇好耐嘅佢獲ATV副總裁林文龍親自「借人」Photo from 麥明詩IG

麥明詩喺劇中與男主演麥子樂有激情戲,佢表示更期待同黃德斌拍激情戲,又透露佢會有性感泳衣戲份。

麥明詩透露佢會有性感泳衣戲份Photo from 麥明詩IG

麥明詩指自己為拍泳衣詩落力操fit,佢自信表示效果唔錯,身體已進入狀態:「我覺得依家係入行以嚟最佳狀態,好過選港姐!」,佢話可能係心態轉變咗,依家當拍劇係興趣,無咗工作壓力,享受過程會感到開心同珍惜。

麥明詩指自己為拍泳衣詩落力操fit,佢自信表示效果唔錯,身體已進入狀態Photo from 麥明詩IG

佢又指會出動私伙泳衣,不過仲未諗好著一件頭定比堅尼,要視乎拍攝當日嘅身體狀態:「可能攞件潛水衣出嚟。」,麥明詩最近箍完牙同瘦身後真係狀態大勇!之前都有喺IG晒過泳衣照。

麥明詩指會出動私伙泳衣Photo from 麥明詩IG

麥明詩話仲未諗好著一件頭定比堅尼Photo from 麥明詩IG

麥明詩:「可能攞件潛水衣出嚟。」Photo from 麥明詩IG

麥明詩狀態大勇!Photo from 麥明詩IG

麥明詩坦言有留意ViuTV嘅MIRROR同ERROR,佢指有留意到《ERROR自肥企画》保錡脫毛嗰Part,又表示希望有機會合作!

麥明詩坦言有留意ViuTV嘅MIRROR同ERRORPhoto from 麥明詩IG

至於有部頭約嘅TVB,佢就話有保持聯繫仲為港姐提出新構思,將班佳麗帶去荒島做《生還者》嘅真人騷,不過佢嘅意見暫時未獲採納。

麥明詩為港姐提出新構思,將班佳麗帶去荒島做《生還者》嘅真人騷Photo from 麥明詩IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

麥明詩復出亞視拍劇!拍檔同是TVB離巢藝人 《天與地》戚其義做監製

23 Apr 2021

香港小姐冠軍麥明詩早前與TVB改簽部頭合約,現時做商業顧問返寫字樓。暫時淡出娛樂圈嘅佢將「復出」,於亞視ATV拍攝網劇!

香港小姐冠軍麥明詩早前與TVB改簽部頭合約,現時做商業顧問返寫字樓Photo from 麥明詩IG

29歲嘅麥明詩喺會考成為「十優狀元」,於英國劍橋大學畢業後返港參選《2015年度香港小姐競選》,最終更成功奪冠。

29歲嘅麥明詩畢業後返港參選《2015年度香港小姐競選》成功奪冠Photo from TVB

當選港姐後佢簽約TVB成旗下藝人,做過唔少節目主持,亦參演過電視劇,包括《使徒行者2》、《誇世代》、《是咁的,法官閣下》等。

麥明詩參演過電視劇Photo from 麥明詩IG

不過佢2019年開始就減少參與《後生仔傾吓偈》嘅錄影,連TVB台慶節目都無出席,麥明詩表示已同TVB改簽一年一show嘅「綠葉約」,之後佢入職國企業做商業顧問,久未出現於幕前,喺2020年出席《香港小姐競選決賽》擔任最上鏡小姐評判。

麥明詩表示已同TVB改簽一年一show嘅「綠葉約」Photo from 麥明詩IG

淡出娛樂圈嘅麥明詩仍好受大眾關注,近日終於傳出佢「復出」嘅消息!有指佢會為亞視拍攝網劇!

有指淡出娛樂圈嘅麥明詩會為亞視拍攝網劇「復出」Photo from 麥明詩IG

據報麥明詩今次「倒戈」去ATV拍劇,係因為亞視副總裁林文龍親自問TVB樂易玲「借人」,劇集係一套時裝愛情劇,由前TVB戲劇製作經理戚其義監製。

劇集係一套時裝愛情劇,由前TVB戲劇製作經理戚其義監製。Photo from 張景淳微博

麥明詩之前喺TVB未有同戚其義合作過,佢表示佢好欣賞戚其義,能夠同對方合作覺得好開心。新劇除咗麥明詩,仲有黃又南、黃德斌、林耀聲等人參與。

新劇除咗麥明詩,仲有黃又南等人參與。Photo from 黃又南IG

黃德斌Photo from 黃德斌IG

劇中麥明詩將與麥子樂飾演一對情侶,麥子樂於2002年從藝員訓練班畢業,曾經出演過戚其義監製嘅《天與地》,佢同戚其義一樣都已喺2012年離巢,佢有出演過ViuTV嘅劇集《詭探前傳》、《理想國》等。

麥子樂於2002年從藝員訓練班畢業,曾經出演過戚其義監製嘅《天與地》Photo from 麥子樂IG

麥子樂有出演過ViuTV嘅劇集《詭探前傳》、《理想國》等。Photo from 麥子樂IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

麥明詩公開素顏泳照晒身材!原來係呢位名猛男濕身操刀!

18 Mar 2021

港姐冠軍麥明詩近年淡出娛樂圈,轉做普通OL。日前佢喺IG大晒性感泳衣照,更大方素顏上陣,獲網友大讚:「真係有出水芙蓉嘅感覺。」

港姐冠軍麥明詩Photo from 麥明詩IG

29歲嘅麥明詩雖然已甚少出現喺幕前,但佢嘅一舉一動仍好受外界注目,佢前男友林作最近話題多多,連帶麥明詩都備受關注。

29歲嘅麥明詩雖然已甚少出現喺幕前,但佢嘅一舉一動都好受外界注Photo from 麥明詩IG

林作同鍾培生隔空對罵時,麥明詩罕有加入,更叫佢哋停止使用貶低女性用語。

麥明詩IGPhoto from 麥明詩IG

麥明詩近日喺IG公開「男友視角」嘅泳衣照,大晒性感身材,網友紛紛讚好:「身材好好」、「完美示範何謂樣靚身材正」

麥明詩近日喺IG公開「男友視角」嘅泳衣照,大晒性感身材Photo from 麥明詩IG

有人發現佢以素顏示人,麥明詩回應指:「因為真係會游水」,素顏出鏡嘅佢亦力證係自然美女。

有人發現佢以素顏示人,麥明詩回應指:「因為真係會游水」Photo from 麥明詩IG

呢張「男友視角」泳照原來都係麥明詩哥哥操刀!之前麥明詩晒西環碼頭相被指違口罩令,又被誤會一齊合照嘅哥哥係佢男友,今次麥明詩喺Story公開哥哥影相嘅「幕後花絮」,亦寫明泳照係「Some time ago」。

呢張「男友視角」泳照原來都係麥明詩哥哥操刀Photo from 麥明詩IG

之前麥明詩晒西環碼頭相被指違口罩令Photo from 麥明詩IG

網友留言力讚麥明詩:「林生走寶」、「素顏仲靚」、「嘩好索的麥明詩」

網友留言力讚麥明詩Photo from 麥明詩IG

網友留言力讚麥明詩素顏仲靚Photo from 麥明詩IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

麥明詩post西環碼頭打卡照被轟違口罩令 mean爆回應獲網民力撐

4 Mar 2021

近日政府以防疫為由,將打卡勝地西環碼頭封閉。港姐冠軍麥明詩就喺Facebook晒出同哥哥喺西環碼頭嘅打卡相,點知被網民留言指佢唔戴口罩,竟引嚟麥明詩mean爆回覆!

港姐冠軍麥明詩Photo from 麥明詩IG

西環碼頭不嬲都係日落打卡熱點,平時都有唔少港人前往影相,不過最近海事處以防疫為由,唔再開放畀公眾入內。

西環碼頭不嬲都係日落打卡熱點,平時都有唔少港人前往影相Photo from 張啟昕 Cheung Kai Yin Facebook

麥明詩喺Facebook晒出同哥哥一齊喺西環碼頭影嘅合照留念,兩兄妹相視一笑,好溫馨!但有網民留言:「犯法就係犯法!切勿以身試法!竟然違反口罩令!」

麥明詩喺Facebook晒出同哥哥嘅合照留念Photo from 麥明詩IG

點知引嚟本尊親自留言:「2019 已經po過」其實佢同哥哥呢輯相係2019影落,睇返套衫係一樣。只係近日西環碼頭封閉,麥明詩先post舊照緬懷一下。

引嚟麥明詩本尊親自留言:「2019 已經po過」Photo from 麥明詩Facebook

麥明詩最近post唔少舊照Photo from 麥明詩IG

而且喺caption度麥明詩都打咗「#throwback #instagrampier」,但仍然被誤會,有網民幫口:「你知唔知throwback咩意思」、「學好d英文啦」、「識唔識跟住啲字母查字典」

喺caption度麥明詩都打咗「#throwback #instagrampier」Photo from 麥明詩Facebook

麥明詩更mean爆回覆:「不過我都有可能係著翻同一套衫梳返同一個頭再偷入去影相仲冇俾人發現。都有可能嘅。」

麥明詩更mean爆回覆:「不過我都有可能係著翻同一套衫梳返同一個頭再偷入去影相仲冇俾人發現。都有可能嘅。」Photo from 麥明詩Facebook

網友力撐麥明詩:「真係好有愛心,幫佢搵埋藉口」、「仲肯回 好有品」。

網友力撐麥明詩Photo from 麥明詩Facebook

網友:「仲肯回 好有品」Photo from 麥明詩Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel