《愛．回家》疑再扮姜濤挑戰「姜糖」！嘟嘴/畀心小動作似到十足　「蔥頭」丘梓謙：已有晒心理準備畀人鬧

By Celia on 13 May 2021

Digital Editor

早前 TVB 因喺《超級綜藝隆重登場》記者會時，其中鄧智堅因為模仿 MIRROR 嘅姜濤而引發公關災難，引來網民嘅批評，最後一眾藝人包括馮盈盈及阿 Bob 更喺 IG 撰文道歉。而事隔一個多月後，尋晚播出嘅新一集處境劇《愛．回家之開心速遞》中藝人丘梓謙扮演年輕偶像「蔥頭」，令網民認為佢哋再次影射姜濤。

Photo from 姜濤/IG

Photo from TVB

喺尋晚播出嘅新一集《善追星》中，TVB 似乎再度挑戰「姜糖」嘅底線，搵嚟藝人丘梓謙扮演年輕偶像「蔥頭」，劇中「蔥頭」嘅小動作同姜濤極之相似。

Photo from TVB

劇中講到滕麗名飾演嘅熊尚善突然被比賽出身啲嘅年輕偶像「葱頭」所吸引住，變成瘋狂中女粉絲「蔥粉」，更拋棄平時 cool 爆嘅形象追星。「葱頭」丘梓謙以一頭銀髮登場，喺劇中佢亦非常識做，對粉絲好到爆之外，更做出嘟嘴、鞠躬、畀心心及雙手合十等小動作，同姜濤極之相似。

Photo from TVB

Photo from 《蒙著嘴說愛你》截圖

唔少網民看完都指劇中嘅蔥頭擺到明係影射緊姜濤，不過亦有網民認為今次嘅劇情其實係著重喺討論追星心態「今集並無醜化偶像，比較集中講fans心態，寫得幾好，也好笑！希望「葱頭」這角色可以再出。」

Photo from TVB/YT

不過睇番現時 26 歲童星出身嘅丘梓謙，佢喺 2014 年畢業於藝員訓練班之後，先後參演過不少劇集如《解決師》、《愛美麗狂想曲》、《十二傳說》等，而待播劇就有《把關者們》及《逆襲人生》。

Photo from 丘梓謙/IG

佢喺尋晚嗰集播出後就喺 IG 上傳咗兩張當時依個造型嘅相，雖然網友就佢今次依個角色有讚有彈，有網民就認為這個角色為佢帶嚟壓力：「扮得姜濤都一定有人鬧。唔關你事既，只係代tvb受靶」，而佢自己亦承認喺角色上的確有參考韓國偶像，而怕唔怕被姜糖炮轟時，他就表示已有晒心理準備，並解釋角色唔係想醜化對方，而係想向佢致敬，因為對方的確係年輕人偶像成功嘅指標，而佢自己亦好欣賞 MIRROR。

Photo from 丘梓謙/IG

雖然依個角色有影射之嫌，但睇劇組今次為咗一集整咁多周邊產品出嚟，睇嚟之後應該都會有「蔥頭」嘅戲份，如果唔係咁都幾大手筆喎！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《愛回家》劉丹唔戴口罩呼籲打疫苗被指零說服力！姜麗文演外傭被網民讚維妙維肖

12 May 2021

TVB 處境劇《愛回家之開心速遞》近年愈嚟愈多直入式廣告，繼之前換身份證後，近日播出嘅一集中劉丹飾演嘅熊樹根就呼籲街坊打疫苗，不過就遭到網民狠批。

Photo from TVB

喺日前播出嘅一集《根的新對手》中就講述劉丹飾演嘅熊樹根建立咗一個格價群組，與街坊分享購物行情。點知喺街坊打算請樹根飲茶時，竟變成清算大會。樹根被指情報不準，格價盟主之位更遭新冒起嘅格價天后（姜麗文飾演嘅 Liza ）取替。

Photo from TVB

喺依集一開始時劉丹就喺劇中呼籲街坊打疫苗，仲詳細講出接種嘅地方及日期，因而引嚟唔少網民反感，更指佢哋身為處境劇，但劇中演員就成日唔戴口罩，又成日群體聚集全無防疫意識，十足十處於平行時空一樣「劇集內無人在公共地方戴口罩，如何說服人這是處境劇。」、「整日群體聚集全無防疫意識！簡直不知所謂誤導市民，何處境之有？荒謬！」。