【妻子的浪漫旅行5】張馨月集集喊被秦海璐直斥矯情！林峯爆前度令佢自卑被網友轟無品

內地綜藝《妻子的浪漫旅行5》林峯、張馨月每集都會成為話題，日前播出一集張馨月再為老公林峯落淚，被嘉賓秦海璐直指「矯情」，場面極為尷尬！

Photo from 《妻子的浪漫旅行》

新一集中林峯罕有分享同前度嘅關係，佢指以前有女朋友會成日想將自己嘅思維方式，強加去佢身上，令佢被逼做一啲唔中意做嘅事，只為討好對方。

Photo from 《妻子的浪漫旅行》

佢透露前度會話：「你這個不夠，你那個不夠」，挑剔佢嘅不足之處，要佢學呢樣學嗰樣，林峯表示因為咁覺得自己咩都做唔好，變得非常自卑：「我覺得這是一個挺不健康的關係。」，佢話同老婆張馨月一齊就完全無呢個煩惱，佢會好遷就自己，支持自己做想做嘅嘢。

Photo from 《妻子的浪漫旅行》

Photo from 《妻子的浪漫旅行》

Photo from 《妻子的浪漫旅行》

主持人指女人多數會好憎老公嘅前任，但聽完林峯嘅分享後，佢覺得張馨月可能會感謝呢個顯得自己特別好嘅前任，而林峯都直言老婆係好感謝以前嘅經歷，因為所有經歷形成現依家嘅佢哋。

Photo from 張馨月微博

雖然林峯講得好冧，但網友就認為佢分咗手仲踩前度嘅行為好無品！亦有網民猜測林峯講嘅「前度」係邊個，林峯出道22年以嚟女友包括：李彩華、潘霜霜、吳千語。同李彩華情侶關係只維持咗半年，而吳千語就愛得最高調，更一度同居，不過最後都分手收場。

Photo from 張馨月微博

至於張馨月同其他女嘉賓傾偈時再度為「連累」老公落淚，佢指如果無佢老公，得佢被人鬧佢可以接受：「我覺得我老公本來很好，因為我才導致他（被人鬧），我不想影響他，我希望很多人都喜歡他」。

Photo from 《妻子的浪漫旅行》

佢又指唔想老公為自己出頭、反擊惡評網民維護自己：「老公有說要幫我，但是我說不要了，就是怕影響老公。」，令在坐嘅秦海璐難以忍受，直言：「那你以後不要再為這件事情委屈，人家替你出頭，你又要在這裏委屈，你又要說不要，轉過頭來自己哭，幹嘛呢？不能簡單點嗎，矯情什麼？」，令場面一度十分尷尬。

Photo from 《妻子的浪漫旅行》

Photo from 《妻子的浪漫旅行》

Photo from 《妻子的浪漫旅行》

張馨月亦被話到眼泛淚光，劉濤嘗試打圓場叫秦海璐溫柔啲，不過秦海璐表示只係為張馨月著急，而錄影廠嘅林峯見到老婆眼濕濕都非常擔心，最後張馨月都感謝大家嘅開解。

Photo from 《妻子的浪漫旅行》

Photo from 《妻子的浪漫旅行》

Photo from 《妻子的浪漫旅行》

網友力撐秦海璐，表示張馨月集集都哭訴太負能量，已經睇到覺得煩。

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【妻子的浪漫旅行】張馨月認為愛情比麵包重要 被網友翻舊帳踢爆人前人後兩個樣

6 May 2021

內地節目《妻子的浪漫旅行5》播出之後，其中林峯張馨月呢對夫婦嘅互動，引起網民嘅熱烈討論。最新一集，張馨月就被問到愛情同麵包會選邊樣，而佢選擇咗愛情。不過網民睇完就翻出佢以前嘅言論，批評佢好假！

Photo from 張馨月微博

《妻子的浪漫旅行5》最新一集就邀請咗5位太太一齊去旅行，仲有兩位小幫手演員張翰、歌手吳宣儀同行。大家都相處得好融洽，無所不談，仲經常大談夫婦相處之道。

Photo from 《妻子的浪漫旅行5》

佢哋經常都會玩唔同嘅遊戲去藉此了解對方，而喺真心話大冒險嘅環節，張馨月就被問到愛情同麵包邊樣更重要，佢就選擇愛情，仲話自己可以賺錢！

Photo from 《妻子的浪漫旅行5》

Photo from 《妻子的浪漫旅行5》

但有網民就隨即翻出佢以前嘅訪問，當時嘅佢就話男生要有房有車係不可或缺嘅，仲引用好多人成日講嘅「貧賤夫妻百事哀」！網民就因此而感到反感，認為佢喺節目中塑造好形象，批評佢好假，人前人後兩個樣！

Photo from 微博

Photo from 微博

另外，晚餐時佢哋一班人就玩小遊戲，用其他人嘅電話打俾自己老公。然而，張馨月打俾林峯時就一直都打唔同，就算佢用社交媒體app定電話號碼都冇人接聽，氣氛變得有啲尷尬！跟住張馨月全程都好心急，時不時都會望下電話，仲好快就自己返咗房。

Photo from 《妻子的浪漫旅行5》

Photo from 《妻子的浪漫旅行5》

返到房後，張馨月依然喺度望著手機，仲因為等唔到老公回覆，而開始眼紅紅！後來，同房嘅周捷同佢傾談，佢表示林峯應該忙緊，覺得老公好辛苦，仲成日因為拍戲而受傷，令佢非常擔心，忍唔住落淚。

Photo from 《妻子的浪漫旅行5》

Photo from 《妻子的浪漫旅行5》

而睇緊呢條影片嘅林峯都忍唔住眼紅紅，話自己好內疚，唔咁想像老婆平時有幾多晚係呢個狀態，話希望等囡囡大個可以帶著佢哋周圍拍戲，彼此都安心啲！

Photo from 《妻子的浪漫旅行5》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

林峯張馨月夫妻檔上陣放閃 林峯心痛老婆受惡評攻擊「佢所有嘢都好完美」

8 Apr , 2021

最近，林峯就同老婆張馨月罕有咁以夫妻檔亮相內地真人show《妻子的浪漫旅行5》，令好多網民都話十分期待。日前，節目組就上載咗段宣傳影片，片中林峯同老婆高調放閃，亦喺接受節目組訪問嘅時候回應外界對佢哋嘅傳聞！

Photo from 張馨月微博

喺2019年年尾，林峯就對外宣布同當時交往一年半嘅張馨月結婚，並且於2020年9月誕下女兒。而近日兩人就以夫妻檔出演內地真人show《妻子的浪漫旅行5》，由於兩人甚少一齊亮相於幕前，所以佢哋出演嘅消息令好多網民都表示好期待！

Photo from 張馨月微博

Photo from 張馨月微博

近日，節目組就上載咗新嘅宣傳片，片段中就曝光兩人嘅甜蜜日常同埋佢哋一齊去溜冰嘅畫面，二人公然放閃，羨煞旁人！

Photo from 《妻子的浪漫旅行5》

Photo from 《妻子的浪漫旅行5》

其實林峯同張馨月當時宣布婚訊嘅時候，就飽受外界嘅輿論壓力！而佢哋兩個亦藉著節目回應當時嘅傳聞，張馨月喺接受採訪時就話「好多人都會質疑我哋嘅感情，覺得太快結婚，是不是因為父母的關係，還是說因為懷孕......」 仲話希望可以借呢個機會俾大家睇佢哋兩夫妻平時嘅相處，令大家改觀。

Photo from 《妻子的浪漫旅行5》

Photo from 《妻子的浪漫旅行5》

另一邊，林峯喺訪問就話非常心痛老婆受到網民嘅惡評攻擊，心裏面覺得好氣憤，認為老婆唔應該要承受咁多壓力！而佢就話希望可以透過節目令大家知道佢老婆有幾好，果然愛妻心切～

Photo from 《妻子的浪漫旅行5》

而林峯亦大曬老婆嘅三大優點，三觀正、孝順、對朋友仗義等，仲話喺佢眼中連老婆嘅身高都係優點！

Photo from 《妻子的浪漫旅行5》

Photo from 《妻子的浪漫旅行5》

喺影片釋出之後，網民們都紛紛留言表示好期待可以睇二人嘅放閃日常！

Photo from Youtube

Photo from Youtube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）