繼《老夫子》後... ERROR神似麥當勞人物扮小菲菲竟然係佢？有人要扮包？

By Cheryl on 14 May 2021

Digital Editor

組合ERROR作風敢言搞笑，其綜藝節目《ERROR自肥企画》正在熱播。繼早前有網民發現佢哋外型神似《老夫子》後，再有人指出佢哋可以扮演另一組卡通人物—麥當勞家族！

Photo from 連登討論區

早前，有連登討論區巴打發現ERROR其中三員同經典港漫《老夫子》角色極其相似，強烈建議ViuTV同《老夫子》作者王澤合作，搵ERROR飾演真人版處境劇，對撼TVB《愛·回家之開心速遞》。角色配對都諗埋，阿Dee飾演老夫子、肥仔飾演大番薯、193飾演秦先生，爸打話老趙暫缺，因為要視乎早前有感情及態度爭議嘅保錡造化。

Photo from 連登討論區

近日，再有連登巴打發揮想象力，將ERROR四子同經典麥當勞人物：麥當勞叔叔、滑嘟嘟、小菲菲、同漢堡神偷拉埋一齊！依位巴打並無多作解釋，只放下一張麥當勞角色照開放討論。

Photo from 連登討論區

大家都覺得ERROR同人物好match, 爸打對有網民認為：「193飾演麥當奴叔叔、肥仔飾演滑嘟嘟、阿Dee飾演小菲菲、保錡飾演漢堡神偷（無得出鏡所以戴住塊眼罩）」感到搞笑。

Photo from 連登討論區評論

講起遮樣，保錡喺ViuTV綜藝《ERROR自肥企画》首集，同MV《無制限OT編集団の行動綱領》中大玩花哩碌紫色人體彩繪，比喻佢正「過冷河／被雪藏」。有見其顏色同滑嘟嘟一樣咁紫，有網民提議保錡飾演滑嘟嘟一角。

Photo from ViuTV

亦有網民提供另一建議，更重視性別多元，提議小菲菲演員由阿Dee變成佢嘅女版—Dee姐（Isabella 陳海寧），提議受到歡迎。

Photo from 陳海寧 Facebook

Photo from 陳海寧 Instagram

但有網友覺得小菲菲都可以被保錡扮演，其靈感嚟自佢喺2019年ViuTV處境劇《娛樂風雲》中扮女人一幕。

Photo from ViuTV

有網民更突破思維界限，將Casting延伸至食物，提議保錡可以扮麥記包，未知係出於對保錡嘅愛，還是恨。

Photo from 連登討論區評論

Photo from 吳保錡 Facebook

Photo from 麥當勞官網

其他網友對ERROR經常完美套入各式卡通人物之能力表示讚歎，認為有機會嘅話，佢哋十世都唔會拍得完真人化卡通人物節目。此評論令人回想早前有網民提議開拍ERROR版《西遊記》，193飾演師傅、肥仔飾演豬八戒、阿Dee飾演沙僧、而保錡就飾演孫悟空。

Photo from 連登討論區評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《ERROR自肥企画》193畀隻手出賣身份？四子搵朋友助陣網民:估唔到佢一個朋友都無！

5 May 2021

由ERROR主持嘅 ViuTV 綜藝節目《ERROR自肥企画》喺昨晚播出第二集，今集大玩「友情試煉」，ERROR要喺全黑衫人群組中搵出隊友，輸咗要被橡筋圓球彈下體！193慘被保錡估中，但竟然唔係因為身高！亦有成員連幫拖都Call唔成，網友都大感驚訝。

《ERROR自肥企画》只播咗兩集已經出現好多爆破場面，繼第一集中吉祥物生啤被炸，到咗第二集輪到ERROR四子下體遭殃？

Photo from ViuTV

嚟到第二集，製作組設計咗一個叫「友情試煉」嘅環節。遊戲玩法首先要ERROR各成員邀請一班好友做支援，成員繼而同好友團同時穿上緊身黑色One Piece遮掩全身，令其他人無法辨識身份。然後叫另一成員邊騎單車邊估誰是隊友，被選中人士要被一個有堅靭橡筋綁住嘅大圓球彈射下體作為懲罰。而估中隊友嘅ERROR成員就有機會獲得一架價值3千蚊嘅公路單車做獎品。

Photo from ViuTV

保錡、193、肥仔都成功召喚一班好友幫手做黑衣人，係得啊Dee嘅朋友全放飛機，當場被眾人瘋狂恥笑。無朋友唔緊要，節目組即場安排一名工作人員充當啊Dee好友穿上黑衣，相當有義氣。可惜，因為人數少得可憐，阿Dee立即被肥仔認出，接受死亡行星爆射。有網民對阿Dee無朋友撐場感到出奇惹笑。

Photo from ViuTV

Photo from Facebook評論

輪到193（郭嘉駿）被保錡估時，成員同觀眾都認為佢嘅身高會成為被估中原因。被問到節目可以如何令193增加優勢，保錡都不感樂觀，覺得節目最大程度只能幫193駁長對腳。而193都信心滿滿，大講其口頭禪make noise：「知我咩料啦，腦筋奇才。」

Photo from ViuTV

當193同其好友團出場時，眾人都覺得有新意，要估中佢有啲難度。因為193同6名好友擺出一個「魔星陣」，4名黑衣人都蹲低咗，其他3位則企喺後排，佢哋都伸直手擺陣，令觀眾難以判斷身高。

Photo from ViuTV

但好快，保錡已充滿信心，仲大叫：「垃圾！」果然，佢即刻估中2號係193。

Photo from ViuTV

保錡解釋騎車時見到193好快就攰，將手放下，佢認為只得193會咁蠢令自己穿蹦。肥仔加上分析，話由於193右手曾（於《全民造星1》）受傷，所以右手無乜耐力。但保錡即刻表示唔同意，話佢只係懶，令眾人爆笑。

Photo from ViuTV

193接受死亡行星懲罰，痛到倒地，好彩唔中下體。

Photo from ViuTV

而肥仔則搵嚟多位女性朋友扮佢，掩飾其身形。193負責估肥仔，佢非常有自信，仲直言估唔中就「切」。但係，最後ERROR四人中卻只有193估錯，令網民好奇：「佢最後有無切呢？」

Photo from ViuTV

Photo from Facebook評論

最後，除咗193外其餘三子都估中，而節目組因為保錡call到最多而畀佢勝出。網民都大讚節目爆笑，大感唔夠喉，建議延長播放時間。

Photo from ViuTV

Photo from Facebook評論

Text: HolidaySmart Editorial

《ERROR自肥企画》193扮綾波麗獲網民讚有創意！二創《新世紀福音戰士》主題曲勁洗腦

4 May 2021

由 ERROR 主持嘅 ViuTV 新節目《ERROR自肥企画》，就喺昨晚首播，節目一開始就為大家帶嚟驚喜，佢哋今次嘅主題曲《無制限OT編集団の行動綱領》係二次創作經典動畫《新世紀福音戰士》嘅主題曲，MV 中部份鏡頭仲跟到足經典，而 ERROR 四位成員就分別 Cosplay 成唔同角色登場，肥仔做碇源堂、阿 Dee 演碇真嗣、193 扮綾波麗以及保錡油到塊臉紫色扮初號機，真係誠意十足呀！

Photo from ViuTV

第一節中佢哋更邀請咗「Double S」沈殷怡、陳欣妍，及組合 P1X3L 客串，陳欣妍化身嘅葛城美里，相似度十足，喺主題曲中仲有泳裝鏡頭添！

Photo from ViuTV

而喺歌詞方面佢哋都落足心機，雖然聽得出有啲啱音又有啲唔啱音：「形象怪已做爛做到灰心心淡不想翻拍ERROR遊　是旦冇人明　拍嘢冇銭難行荷蘭蕃茄怎様変出叉鶏飯」，搞笑嘅歌詞獲網民大讚「完全感受到無budget 但又要頂硬上既打工仔心聲」、「呢team人真係痴鬼線???加人工啦好無」、「我到底聽咗啲咩?????真‧暴走的聲音」