吳若希被網民指曾喺「夜場」工作 大罵反擊約對方見面: 聽日去TVB搵我

吳若希向來都性格火爆，繼日前嘅「農莊照片」事件之後，今日被網民大爆曾經喺酒廊見過佢，令佢忍唔住留言反擊，仲約對方面對面同佢對質，火藥味好重！

Photo from 吳若希FB

吳若希前幾日就因為「農莊照片」事件，而被網民話佢態度囂張，奉旨要求人哋刪除照片。唔夠幾日，佢昨日又再一次同網民有罵戰！

Photo from 吳若希FB

琴日，佢就喺FB上載自己YouTube頻道嘅新影片《相敬如賓週》，為自己宣傳！但就有網民喺下面留言聲稱自己喺聲雅廊見過佢，當時嘅佢叫「咖哩」，仲曾經同佢飲酒猜枚。

Photo from 吳若希FB

吳若希好快就即刻回覆問佢係邊個，而該名網民就話「你見到我就知，以前成日落去搵你玩」，好似真係好熟絡咁！仲話吳若希轉咗電話號碼，搞到連「契爺」都好少搵。呢位網民仲爆料話叫「咖哩」係因為吳若希以前嘅本名叫吳家妮，所以聽落差唔多音～

Photo from 吳若希FB

吳若希就再一次反擊話：「唔見點知識唔識你」，表示自己第二日會返TVB，大概中午12點收工，叫該網民留低電話去搵佢。佢仲講笑咁話自己最近真係好窮，好需要一位「契爺」！

Photo from 吳若希FB

後來，吳若希再補充同嗰位網民講如果佢想參觀電視城都可以㗎，比埋電話號碼、身分證就得；網民就回覆佢話唔需要，只係話以前成日叫佢「咖喱雞」，搞到比佢不停逼飲酒，應該會記得佢係邊個！

Photo from 吳若希FB

唔少網民見到呢段對話之後，開始議論紛紛認為吳若希嘅反應過份緊張，留言話「比人講中咗，想滅聲？」

Photo from 吳若希FB

Photo from 吳若希FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

吳若希叫農莊刪相被指「好大官威」掀罵戰！吳若希嬲爆公開網友自拍！

12 May , 2021

近日有農莊晒出吳若希相片感謝佢到訪，點知吳若希留言叫佢刪相，網友指佢語氣囂張，更去佢Facebook留言，掀起罵戰，而吳若希更嬲到公開埋網友嘅照片，引起熱議！

Photo from 吳若希Facebook

歌手吳若希早前就帶仔女去農莊感受自然樂，事後農莊喺Facebook post出吳若希相片並留言：「多謝吳若希昨天一家大小到訪菠蘿園」。

Photo from Facebook

但本尊就親自留言：「相片未經授權公開，請盡快移除」，網友見狀即指佢語氣囂張：「好大官威」、「以為自己大明星」，雖然有關嘅post已被刪除，但網友早就cap咗圖，去吳若希個人Facebook繼續「追擊」。

Photo from Facebook

Photo from 吳若希Facebook

網友洗版留言：「相片未經授權公開，請盡快移除」，見吳若希轉發商台903嘅相即反問佢：「轉發903嘅post有冇授權」，連母親節嘅post都被攻陷！

Photo from 吳若希Facebook

Photo from 吳若希Facebook

Photo from 吳若希Facebook

Photo from 吳若希Facebook

不過亦有人力撐：「其實就算同朋友影相，都要問下人介唔介意post 出嚟，呢個只係好簡單嘅禮貌與專重，何況係公眾人物」、「未經事先許可授權當然不應用作商業用途。」

Photo from 吳若希Facebook

Photo from 吳若希Facebook

吳若希亦忍唔住親身回應網友：「首先呢張既由來係點樣有無人翻查過？第二，涉及廣告成份，有經理人公司，要求刪除好合理。最後，商家已經刪除了相片，其實我都唔想再討論落去，希望大家學識尊重人尊重自己」，對於被指「小器」，佢直言：「係呀～ 我真係好小器，我無做錯點解要大方？」

Photo from 吳若希Facebook

Photo from 吳若希Facebook

佢更嬲爆cap咗網友頭像公開：「如果所有私人相片都可以不需經過本人同意而公開，咁我而家公開你張相都可以？」，不過對方就表示唔介意：「人地講多謝我喎 當然可以啦 又唔係鬧 梗係可以 人地幫你提高你知名道咋 咁都唔好？」

Photo from 吳若希Facebook

Photo from 吳若希Facebook

事件引起網友關注，有人指吳若希EQ低引發今次公關災難、有人指吳若希係因為張相未P所以唔想公開，亦有人認為只係hater搞事。

Photo from 吳若希Facebook

Photo from 吳若希Facebook

Photo from 吳若希Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

吳若希算運程瘋狂追問有無得做一姐！想叫老公做結紮手術：生到驚

19 Feb 2021

吳若希喺Youtube搵咗陳定幫師傅算運程，期間多次追問師傅佢有有無得做一姐，問琴師傅口啞啞，師傅話佢可以生三胎，吳若希竟表示希望老公結紮，師傅指吳若希好睇佢老公唔順眼。

Photo from 吳若希Youtube

吳若希生仔之後專注家庭，近嚟主要係Youtube拍片多，甚少上節目或唱歌。繼剪老公鼻毛次後，佢Youtube又有新片！

Photo from 吳若希IG

佢新年請咗陳定幫師傅為佢預測運程，師傅提及佢子女宮都旺，仲話吳若希生三個都應該ok，吳若希一聽即表現驚訝：「其實我係豬乸命。」

Photo from 吳若希Youtube

吳若希又問師傅佢老公有無需要做結紮手術：「你明唔明，咩叫生到驚呀！」表示生兩個小朋友都已經好驚。吳若希更話一陣塞少少錢畀師傅：「你同佢（老公）講佢今年適宜做啲手術。」

Photo from 吳若希Youtube

Photo from 吳若希Youtube

Photo from 吳若希IG

佢又問佢同老公之間嘅愛情運如何，師傅第一句就話：「你會好睇佢唔順眼囉」指吳若希今年會有啲嘢好火，甚至會指住老公嚟鬧，但師傅表示吳若希老公會好就佢。

Photo from 吳若希Youtube

連吳若希都話好準！睇嚟呢個係佢哋兩夫妻嘅相處方式，越鬧越Sweet~

Photo from 吳若希IG

之後談及事業運，陳定幫師傅指吳若希今年工作或有轉變，可能會轉工或者轉公司。然後吳若希即多次追問師傅希無機會做到一姐，師傅面有難色未有正面回應，指佢喺屋企都係一姐，吳若希即大叫：「即係我做唔到一姐啦，係唔係做唔到一姐呀我？」

Photo from 吳若希Youtube

Photo from 吳若希Youtube

面對吳若希連番追問下，師傅表示：「應該話你可以做一姐，但唔特別去爭會舒服好多。」吳若希即表示佢無心爭做一姐。

Photo from 吳若希IG

Photo from 吳若希IG

雖然吳若希係咁講，但之前菊梓喬攞獎，吳若希竟話：「就算做畀佢都應該！」火藥味甚濃！有無心做一姐可能得佢先知！

即睇全片：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章