萬綺雯池邊嬉水晒長腿少女味十足　投資開民宿密密榮升做老闆娘！

近年已轉戰內地發展嘅「美魔女」萬綺雯（蚊蚊）除咗喺內地設立「萬綺雯工作室」同推出自家製節目外，原來早前佢仲做埋老闆娘開民宿添，實行進軍商界做女強人呀！

Photo from 萬綺雯/weibo

現年 50 歲嘅人妻萬綺雯就好似食咗防腐劑一樣，無論皮膚及身材狀態仍然宛如少女，絲毫嘅歲月痕跡都冇呀！而其 42 寸修長、纖細和勻稱嘅美腿更被封「香港第一美腿」～

Photo from weibo

近年已經好少喺香港拍劇嘅佢，去年就決心返內地發展，並喺位於浙江度假勝地莫干山皋塢村與朋友合資開民宿，進軍商界密密榮升做老闆娘。

Photo from weibo

據知萬綺雯當初只係為民宿任代言人，後嚟因為同老闆一拍即合，便決定投資一齊做生意。

Photo from weibo

Photo from weibo

而萬綺雯更落力為民宿宣傳親身拍攝短片，片中蚊蚊盡顯少婦美態，喺泳池邊嬉水晒長腿，展露迷人笑容：「我和我的小夥伴們將會用最熱情的微笑迎接你們喲！快來偶遇！」

Photo from weibo

Photo from weibo

民宿位於浙江度假勝地莫干山皋塢村，又名「十里畫廊」，喺民宿嘅四周邊全是綠水青山，環境幽美。此外，房間為融合大自然，更特意搵嚟奧地利籍名設計師設計嘅露天泳池以及竹林滑梯。

Photo from weibo

民宿一共設有 5 幢，其中一幢「綺墅」，更以萬綺雯嘅「綺」字命名，同時亦係蚊蚊最鍾意嘅一棟嚟。

Photo from weibo

Photo from 萬綺雯/weibo

唔知入住嘅話會唔會有機會遇到蚊蚊呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

50歲萬綺雯晒靚樣長腿十年如一日　網民驚訝：你被殭屍咬了？！

18 Mar 2021

「美魔女」通常係指 35 歲或以上才貌兼備嘅女性，而憑住當年電視劇《我和殭屍有個約會》馬小玲一角為人熟悉嘅萬綺雯，唔經唔覺已經踏入 50 歲，但佢就好似食咗防腐劑一樣，絲毫嘅歲月痕跡都冇呀！

萬綺雯喺 98 年主演嘅《我和殭屍有個約會》嘅馬小玲一角深入民心，直到依家只要提起殭屍依個題材就一會諗到馬小玲，而多年嚟一直駐顏有術嘅萬綺雯，無論皮膚及身材狀態仍然宛如少女一樣！

而身高171cm嘅佢，一直以 42 寸修長美腿聞名，更因修長、纖細和勻稱嘅美腿被封「香港第一美腿」添～

而近年已經好少喺香港拍劇嘅佢，去年就決心返內地發展，更開設個人工作室同推出自家製節目《綺遇記》。雖然佢嘅重心移咗返內地，但佢亦都有忘記一班香港嘅 fans，不時都會上傳新相同大家開心 share。

其實睇番萬綺雯嘅相，佢同當年飾演馬小玲時真係冇咩分別，難怪唔少網民都留言讚佢嘅凍齡，白滑肌膚到令大家羨慕，指佢根本唔識老外，但有網友話就算萬綺雯依家再演多次當年馬小玲一角都唔會有遺和感「你依家拍番《我和僵屍有個約會》再做馬小玲都得」、「心目中永遠的馬小玲，沒有膠化非常難得」

此外，亦有網友搞笑問佢其實係咪殭屍嚟「你係殭屍？點解個樣冇變過？」！真係令人好羨慕呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）