download HolidaySmart 假期日常 app
朱庭萱「玻璃朱」斥MIRROR啲樣旺角一街都係!網民:你落砵蘭街會撞樣

朱庭萱「玻璃朱」斥MIRROR啲樣旺角一街都係!網民:你落砵蘭街會撞樣

娛樂新聞
By Cheryl on 14 May 2021
Digital Editor

組合MIRROR剛完成一飛難求嘅六場演唱會,獲多名星級前輩如古天樂、鄭裕玲等撐場。但「鏡」潮從未退卻,近日,藝人「玻璃朱」朱庭萱狠批MIRROR「呢啲樣行落旺角大把啦」,更批鏡粉係井底之蛙,引嚟網民熱議。

MIRROR FacebookPhoto from MIRROR Facebook

朱庭萱Bonnie,又名玻璃朱,自稱「正能量藝人」,係一名飲食作家,參與過數個TVB綜藝節目如《媽媽唔易“造”》。佢曾同男藝人黃宗澤拍拖,亦同楊明、TVB聲稱嘅「年輕人偶像」曹永廉等人相熟。近年多次發表出位時事議題評論,曾聲援成龍、曾志偉、譚詠麟等人。

朱庭萱 FacebookPhoto from 朱庭萱 Facebook

朱庭萱 FacebookPhoto from 朱庭萱 Facebook

玻璃朱與楊明合照Photo from 朱庭萱 Facebook

玻璃朱同曹永廉友好Photo from 朱庭萱 Facebook

玻璃朱亦對近年被指專注大陸發展樂隊Supper Moment表示過支持。

連登討論區Photo from 連登討論區

2019年,玻璃朱更曾經因發表爭議性時事評論被歐洲電器專門店Fisher & Paykel Hong Kong割蓆,品牌於社交平台發表同佢終止合作聲明。

Fisher & Paykel Hong Kong FacebookPhoto from Fisher & Paykel Hong Kong Facebook

 

事緣有網頁發起投票,問網友:「6場MIRROR演唱會終於嚟到尾場啦!你最大感受係乜?」,四選項中有一個係負面,亦係最多人投嘅結果:「一代不如一代,真係冇興趣!」

連登討論區Photo from 連登討論區

始乎玻璃朱都投佢,並留言:「呢啲(MIRROR成員)樣行落旺角大把啦,真係好大驚小怪囉,究竟咩叫靚仔有才華?內地歌手王一博、張藝興呢啲就係哪﹗成班井底之蛙」

朱庭萱 FacebookPhoto from 朱庭萱 Facebook

都有唔少人留言撐玻璃朱,附和:「鏡粉未見過大場面」,得佢哋孤芳自賞,又嘲諷鏡粉唔識普通話所以唔會明白上述大陸歌手嘅才華。.

臘腸新聞 SausageNews 2.0 FBPhoto from 臘腸新聞 SausageNews 2.0 FB

不過,有更多人於其他討論區轉載玻璃朱言論,直言唔識佢,又指以玻璃朱外貌質素,落砵蘭街同廟街都搵到一堆。但此評論一出,隨即引嚟不少網友反對,表示砵蘭街質素被玻璃朱拉低晒。

連登評論Photo from 連登評論

連登評論Photo from 連登評論

亦有網友認為,如果永遠踩新人唔會為一個地方帶嚟進步。有鏡粉中肯表示,MIRROR無化妝嘅外表可能真係較平庸,但佢哋出色嘅歌舞能力係佢哋成功要素。另有居住旺角多年網民表示從未見過嗰度有如AK(江?生 Anson Kong)高質男仔出現。

 

連登評論Photo from 連登評論

連登評論Photo from 連登評論

 

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR Edan呂爵安港大宣傳照出土!網民:其他大學唔洗玩啦!

13 May 2021

人氣男團MIRROR成員Edan呂爵安歌舞同綜藝能力耀眼,令佢人氣急升。近日,佢以前幫香港大學拍攝嘅宣傳照被人翻出!睇嚟佢喺學術界都好受歡迎~

Edan Lui FacebookPhoto from Edan Lui Facebook

Edan剛於本月11日完成一連六場MIRROR演唱會,但已馬不停蹄開始其他行程。就連香港大學都「唔放過佢」!

MIRROR FacebookPhoto from MIRROR Facebook

近日,有網民發現港大經濟及工商管理學院更新咗網頁宣傳照片,將Edan變成HKU BBA系生招牌!

港大經管學院 截圖Photo from 港大經管學院 截圖

其實Edan除咗唱歌跳舞叻,讀書都非常唔錯,佢當年以DSE最佳五科25分成績入讀港大工商管理學(資訊系統)。之後於2018年參加《全民造星》第一季,以第八名成績加入12人男團MIRROR。Edan除咗以男子組合成員活躍於娛樂圈外,更喺今年1月推出首支個人單曲《E先生 連環不幸事件》,登上多個熱門排行榜首位,更參演本地電影《大叔的愛》。

Edan Lui FacebookPhoto from Edan Lui Facebook

就讀HKU時,佢曾為所屬學院拍攝一系列宣傳照。港大好識做,睇準時機畀傑出校友Edan「重返校園」,令一眾莘莘學子一打開學院網頁就見到大大個陽光學長Edan!

港大經管學院 截圖Photo from 港大經管學院 截圖

港大經管學院 截圖Photo from 港大經管學院 截圖

港大經管學院 截圖Photo from 港大經管學院 截圖

從網站宣傳照所見,拍攝當年仍是大學生嘅Edan走smart casual路線,佢穿著一件淺藍色牛仔恤衫、黑長褲、耳機掛頸,配上「會展頭」,笑容散發陽光氣色。

港大經管學院 截圖Photo from 港大經管學院 截圖

港大經管學院 截圖Photo from 港大經管學院 截圖

網民認為學生風Edan好有魅力,港大今次必定吸引海量學生報名,直言搵Edan做收生招牌係史上最佳Marketing,如果依家先搵Edan拍廣告,成本一定好高昂。仲有網友參考日前吳若希下令農莊刪照事件,問:「港大有無獲授權架?」

更有網民覺得今年BBA系新生將會被HKU獨攬:「其他u(大學)無行了」,「(BBA)秒變人人爭住入嘅神科!」

連登評論Photo from 連登評論

連登評論Photo from 連登評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Anson Lo要停工三個月?MIRROR演唱會現危機?姜濤暈低 Edan失聲?

5 May 2021

人氣男團MIRROR將於聽日(6/5)開始舉行一連六日嘅演唱會,令大批鏡粉相當期待。但成員相繼傳出體力透支而不適新聞,繼姜濤透露排舞期間暈倒後,連Anson Lo盧瀚霆都自爆聲帶出現問題,令一眾鏡粉擔心不已。

Mirror將於明天(6/5)舉行演唱會,引起撲飛潮Photo from Mirror官方Instagram

後日就係MIRROR開騷大日子,但為咗籌備入行以嚟第二個演唱會,一眾台前幕後都作最後衝刺。為咗帶畀觀眾最高水平嘅演出,佢哋都無間斷綵排。

Mirror官方InstagramPhoto from Mirror官方Instagram

但排練同平日工作項目重疊,搞到唔少成員壓力爆煲。日前,Anson Lo出席活動時透露:「基本上全日冇休息,中間又要攝時間去Band rehearsal、試身。」排山倒海嘅行程令佢非常頻撲,佢話大家都被Chur盡無咩力氣。

AL近期人氣高企,接到唔少代言工作Photo from Anson Lo Instagram

鏡粉本來可以喺演唱會上一睹AL大騷肌肉?AL透露佢本來想為演唱會操練肌肉,可惜佢根本無暇休息,令肌肉量減少。佢自言唔想令大家「無嘢睇」,又表示瘦並唔係佢追求嘅嘢。

Anson Lo InstagramPhoto from Anson Lo Instagram

除咗身體被Chur爆,AL聲帶亦出現危機。佢透露自己睇過醫生,表示醫生話佢近期用聲過多,建議佢依兩星期都唔好講嘢,最好停工三個月。

AL日前透露開始爛聲,引起一眾神徒擔憂Photo from HK Mirror Fans Facebook

但神徒唔洗擔心,雖然停工係不可能嘅事,但AL都有聽取醫生建議,佢昨日喺IG Story表示自己減少咗講嘢,覺得非常唔慣。

Anson Lo IG StoryPhoto from Anson Lo IG Story

AL日前疲倦到連奸巴爹都打錯成「奸巴爺」,所以近日佢再次於IG Story自嘲錯字。

Anson Lo IG StoryPhoto from Anson Lo IG Story

除咗AL,早前姜濤都自爆行程太緊密,亦唔得閒進食,所以體力透支,曾經喺排練期間暈倒。

姜濤日前透露自己排練時暈倒,醒後先知咩事Photo from 姜濤 Instagram

另一成員Edan(呂爵安)亦相繼抱恙,佢曾於IG Story展示其藥物,寫道: 「喉嚨寶寶要乖乖聽話喔,大家不用再送喉糖給我了,有很多了」。其後於社交平台繼續出Post,向Fans表示自己仲撐得住。

Edan都自爆喉嚨出事Photo from HK Mirror Fans Facebook

Edan Lui Instagram StoryPhoto from Edan Lui Instagram Story

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR大玩BL三角戀《大姜的愛》姜濤用嘴喂Edan食薯條 Anson Lo勁呷醋!

16 Apr 2021

姜濤近日同MIRROR隊友、港版《大叔的愛》CP呂爵安(Edan)同盧瀚霆(Anson Lo)拍新廣告,3人大玩BL三角戀,姜濤更瘋狂放電「姣」Edan,絕對令一眾「鏡粉」睇到尖叫!

姜濤近日同MIRROR隊友、港版《大叔的愛》CP呂爵安(Edan)同盧瀚霆(Anson Lo)拍新廣告

廣告中姜濤飾演心機男「阿姜」、Edan飾演「田田」、Anson Lo則飾演「阿神」,姜B以新同事身份加入公司,一嚟就向Edan放電狂wink,飾演Edan男友嘅Anson Lo即勁呷醋。

姜濤飾演心機男「阿姜」

Edan飾演「田田」

Anson Lo則飾演「阿神」

Edan雖然一路想同男友Anson Lo「摸手仔」,但男友唔回應佢,反而被心機男姜濤乘虛而入,唔止扮晒嘢撞到Edan借機身體接觸,更「抽水」摸Edan隻手!

姜B乘虛而入,扮晒嘢撞到Edan借機身體接觸

姜濤「抽水」摸Edan隻手

到Edan生日,姜濤又特登等對方收工一齊搭車,仲超近距離喺Edan耳邊講「生日快樂」,令對方反埋白眼。MIRROR三個成員啲表情勁豐富,十分搞笑。

到Edan生日,姜濤又特登等對方收工一齊搭車

姜濤超近距離喺Edan耳邊講「生日快樂」

MIRROR三個成員啲表情勁豐富

開OT後Anson Lo竟然叫肚餓嘅Edan等陣,令對方嬲嬲豬咗,仲質問佢:「究竟你個心有無我㗎!?」,姜B再次出現送上外賣,更「壁咚」Edan。

Anson Lo竟然叫肚餓嘅Edan等陣,令對方嬲嬲豬咗

Edan質問男友:「究竟你個心有無我㗎!?」

姜B「壁咚」Edan

大為妒忌嘅Anson Lo喺後樓梯堵截姜B,問:「點解我會輸畀你呢個死?仔㗎!」,仲出腳「腿咚」姜B。

大為妒忌嘅Anson Lo喺後樓梯堵截姜B,問:「點解我會輸畀你呢個死?仔㗎!」

Anson Lo「腿咚」姜B。

最後一幕姜濤以嘴喂Edan食薯條,場面超火熱,呢場三角戀姜B贏晒!

最後一幕姜濤以嘴喂Edan食薯條

圖片來源:McDonaldsHK

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

姜濤人氣爆燈接30個廣告成「吸金王」!夢想買樓收租:我已經睇緊樓!

15 Apr 2021

MIRROR人氣成員姜濤今年成唔少廣告商寵兒,短短幾個月已接廣告接到無停手,絕對係2021年嘅「吸金王」!佢提到自己賺到錢會置業、買樓收租。

MIRROR人氣成員姜濤今年成唔少廣告商寵兒Photo from 姜濤IG

ViuTV舉辦嘅《全民造星》成功捧紅咗一班有音樂夢想嘅年輕人,其中奪得冠軍嘅姜濤唔止有$100萬獎金,佢出道後吸納大批「姜糖」,成為樂壇嘅一顆新星。

姜濤喺ViuTV舉辦嘅《全民造星》奪冠Photo from 姜濤IG

人氣高企嘅姜B更加受到唔少品牌嘅青睞,成為旗下產品代言人。姜B自2021年嚟手頭上嘅廣告有近30個,當中更包括HPV疫苗。

人氣高企嘅姜B更加受到唔少品牌嘅青睞Photo from 姜濤IG

姜B指佢廣告、代言有好多支票都未收到,所以未知實際賺咗幾多,被問到賺到錢最想做咩,佢就表示係買樓。姜B話一直以嚟都想買樓一層自己住、一層收租:「我已經睇緊樓!」

姜B話一直以嚟都想買樓一層自己住、一層收租Photo from 姜濤IG

姜B首次同阿Sa蔡卓妍合作拍廣告,姜濤指自己出道前有聽Twins嘅歌,雖然同阿Sa係分開拍廣告,但係都有去探班影相。

姜濤指自己出道前有聽Twins嘅歌Photo from 姜濤IG

而阿Sa就大讚姜濤又cute又靚仔,真人比想像中高而且好有禮貌,不過38歲嘅阿Sa得知要同得21歲嘅姜B拍廣告時即表示:「我生得佢出,令我好有壓力。」

阿Sa就大讚姜濤又cute又靚仔,真人比想像中高而且好有禮Photo from 蔡卓妍IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

姜濤虜獲眾多媽媽級fans!有仔仔呷醋指媽咪掛住睇姜B:無時間陪我

28 Jan 2021

MIRROR成員姜濤fans無數,年僅21歲就攞「我最喜愛男歌手」,港台《視點31》訪問咗多位「媽媽級姜糖」,探討佢哋追星嘅心路歷程,其中有一位小朋友更設訴媽咪無時間陪佢。

姜濤參加《全民造星》奪冠後以MIRROR成員身份出道,雖然資歷尚淺,但已有大批fans,更破紀錄以最年輕得獎者身份勇奪叱咤「我最喜愛男歌手」。

姜濤破紀錄以最年輕得獎者身份勇奪叱咤「我最喜愛男歌手」Photo from 《視點31》

姜濤人氣居高不下,有大量「姜糖(姜濤fans名)」支持,唔止獲fans親切稱呼「姜B」,更有金句「姜濤不紅,天理難容」

姜濤人氣居高不下,有大量「姜糖(姜濤fans名)」支持Photo from 《視點31》

「姜濤不紅,天理難容」Photo from 《視點31》

姜濤魅力沒法擋,fans男女老少都有,當中更有唔少「媽媽級姜糖」!

姜濤魅力沒法擋,fans男女老少都有,當中更有唔少「媽媽級姜糖」!Photo from 《視點31》

日前港台節目《視點31》就訪問咗多位「媽媽級姜糖」,探討佢哋追星嘅心路歷程。姜B後援會喺銅鑼灣租咗戶外熒幕播姜濤嘅MV,吸引大批姜糖打卡。

姜B後援會喺銅鑼灣租咗戶外熒幕播姜濤嘅MV,吸引大批姜糖打卡。Photo from 《視點31》

其中Africa係兩孩之母,佢有專屬「姜濤房」,入面放滿姜B相片、周邊等,佢指追星時令佢尋回年輕時嘅活力,每晚仔女入睡後佢就會搵姜濤啲片嚟睇。

「姜濤房」入面放滿姜B相片、周邊等Photo from 《視點31》

Africa指追星時令佢尋回年輕時嘅活力,每晚仔女入睡後佢就會搵姜濤啲片嚟睇。Photo from 《視點31》

另一位姜糖Eva已經退休,雖然70歲追星,但一啲都唔尷尬:「我哋有個『50後追星群組』」。

姜糖Eva已經退休,雖然70歲追星,但一啲都唔尷尬:「我哋有個『50後追星群組』」。Photo from 《視點31》

Eva更會到停車場、電視台等地方等姜濤,希望見佢一面,又表示追星令佢仲有十幾歲嘅情懷。

Eva更會到停車場、電視台等地方等姜濤,希望見佢一面Photo from 《視點31》

亦有媽媽級姜糖帶埋仔仔去戶外熒幕打卡,仔仔雖然拎住姜B公仔,但問到佢係咪都同媽咪一樣支持姜濤,小朋友即刻搖頭話「No」,呷醋表示:「(媽媽)成日睇(姜濤),無時間陪我囉!」

有媽媽級姜糖帶埋仔仔去戶外熒幕打卡Photo from 《視點31》

問到佢係咪都同媽咪一樣支持姜濤,小朋友即刻搖頭話「No」,呷醋表示:「(媽媽)成日睇(姜濤),無時間陪我囉!」Photo from 《視點31》

小朋友呷姜濤醋Photo from 《視點31》

睇嚟姜B真係好有魅力,即睇姜糖點追星:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel