download HolidaySmart 假期日常 app
港男用交友App被已讀不回 向網民請教「溝女」秘訣 網民:睇到都覺得尷

港男用交友App被已讀不回 向網民請教「溝女」秘訣 網民:睇到都覺得尷

生活熱話
By Stephanie on 14 May 2021
Digital Content Writer

唔少人都會為咗脫單,而用交友app去結識多啲人,增加自己覓得伴侶嘅機會!最近,有位港男就喺討論區詢問網民「溝女」秘訣,想知道點解女生唔肯回覆佢,唔少網民好好人咁留言教導並指出佢嘅「死因」!

TVBPhoto from TVB

近來,越嚟越多人都開始嘗試用交友App嚟脫單。日前,港男就喺連登討論區開post以「點解女仔唔應佢?」為題目,詢問廣大網民嘅意見,希望藉此改善自己嘅「溝女」技巧~

TVBPhoto from TVB

港男表示自己係半年前開始使用交友App,佢向網民解釋情況,由於佢當時啱啱用,所以就誤會咗對方係外國人,因此佢一開頭係用英文做自我介紹。仲話本身自己因為怕尷尬所以唔敢post問人,不過佢諗諗下話自己更加驚成世單身!

連登討論區Photo from 連登討論區

連登討論區Photo from 連登討論區

唔少網民睇完港男上載嘅對話截圖之後,都表示覺得兩人嘅對話好尷尬:「你覆親都咁大段 感覺少chur」、「對話睇到你幾自我中心」等回應。

連登討論區Photo from 連登討論區

連登討論區Photo from 連登討論區

有網民就好直接咁指出佢嘅問題,認為佢只係顧住講自己有興趣嘅話題。之後,港男就開始講一堆關於歷史知識,令網民們不禁話咁學術性「叫人點覆啊」,認為港男係憑實力單身!另外,有網民亦指港男嘅語氣有啲惡,會令人覺得係好串嘅人。

連登討論區Photo from 連登討論區

TVBPhoto from TVB

網民就好心咁俾一連串嘅建議佢,認為佢應該先用大家普遍啱傾嘅話題做開頭,例如:爛gag、笑話等。教導港男message對話最好唔好太長,好似講道理咁冇人會想睇,講之前都要諗清楚先!

連登討論區Photo from 連登討論區

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男三餐捱麵包全因對女友講咗依一句!惹同事誤會:係唔係未出糧冇錢食飯?

13 May , 2021

「有情飲水飽」依句話應該唔少人都會聽過,喺 2001 年時更有電影以依句話作為戲名添!但喺現實生活中又係唔係真係 work 呢?!近日有網友就喺討論區分享自己成為女朋友「白老鼠」後,被逼三餐都食麵包,更因此被同事誤會唔夠錢用。

Photo from 謝芷倫/IG

有網友近日就喺香港討論區中以《女朋友愛上整麵包……我早午晚三餐都係麵包餐……》作為標題發文,指自己依個星期已經食咗 12 餐麵包,仲被同事問作係唔係因為月尾窮到冇錢食飯。

Photo from TVB

樓主喺文中就指早前因為疫情關係冇得出街,所以女朋友就宅喺屋企專心鑽研廚藝,學整天然酵母麵包。不過大家唔好誤以為啲包唔好食,據樓主講啲包係真心好食嘅,加上佢見女友由溝粉到搓粉整得咁辛苦,所以就讚吓佢有天份。

Photo from 湯怡/IG

但點知咁就出事喇,樓主女友見佢咁話好食,便唔停咁焗之後,仲因此買咗個靚焗爐,樓主形容其瘋狂程度係可以喺星期六、日出到五六底麵包,但重點係女友完全唔食,全數畀晒樓主。

而樓主為咗防止造成浪費食物,所以開始咗以早、午、晚三餐清一條麵包嘅計劃,而且餐餐都也麵包加清水。因而被同事十分擔憂樓主嘅經濟情況,更問:「洗唔洗借啲比我」。

Photo from 謝芷倫/IG

不過樓主亦因此成為理財小專家,一個星期慳咗成千蚊,換個角度睇都係件唔錯嘅事嚟。

Photo from 謝芷倫/IG

而唔少網民見到都不忍替對樓主嘅經歷深感同情,並提出唔少建議,如喺「食之前焗返熱個包再整碗湯」、「買啲靚芝士+紅酒」、「買點果醬,蔬菜,肉類,夾著吃」。

亦有網民建議樓主可以將麵包分給同事「開心 share 出去啦」,令同事都可以分享到依份充滿愛嘅「天然酵母麵包」!

Photo from 香港討論區截圖

不過有網民就樓得樓主有啲身在福中不知福「女朋友喜歡整麵包,好過喜歡去買名牌包包。身在福中不知福。」、「你有福啦!有愛情麵包食。」

Photo from 香港討論區截圖

Photo from 香港討論區截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel