66歲無業男娶16妻誕151子：目標娶100 每晚4人「運動」網民：人生贏家

By Cheryl on 15 Apr 2022

Digital Editor

香港向來實施「一夫一妻制」，婚後偷食會被鄙視。但係，喺津巴布韋共和國有一名66歲男子已娶下16名妻子，誕下151名孩子，仲無需工作！依個究極版「不想努力了」例子引起網民熱議。

Photo from 《大內密探零零發》Chris Chang Youtube

近日，有報道指津巴布韋一名66歲男子尼安多羅(Misheck Nyandoro)擁有過人家庭生活。佢已經娶咗16個老婆，生咗151名細路。以為佢要打N份工養家？錯了，佢長年無業，仲話自己份工就係取悅老婆們。佢更定下人生（工作？）目標，就係要喺歸西前娶到100名妻子，同誕下1000名子嗣。

Photo from @Cand_Ziziba Twitter

雖然尼安多羅妻子數量超然，但其實佢最近一次娶妻已經要追溯至2015年，之後佢祖國陷入經濟危機，佢逼於無奈要暫停娶妻計畫。但尼安多羅表示佢好快就會「重振雄風」，佢決定於2021年冬天迎娶第17名妻子。

Photo from @Cand_Ziziba Twitter

為咗喺有限時間內達成佢生育大計，佢每晚會「自律」，同4名妻子進行旺子「運動」。為咗將效益提升至最高水平，尼安多羅更會編訂Schedule。佢又表示，由於女人性慾會隨年齡下降，所以佢每次都會娶後生囡成為佢嘅新老婆。佢解釋，女人越年輕，性慾越旺盛，較易協助達成佢嘅生育夢想。

尼安多羅心思細密，佢仲會因應每名妻子嘅年齡與生理狀況，調節個人化「運動」計劃細節。

Photo from 《大內密探零零發》截圖

Photo from 《鹿鼎記》@Hz Youtube

尼安多羅擁有93公頃田地，屋企以務農為主，但佢無需落手做嘢，大呼自己只需取悅一眾老婆。佢仲非常大牌，如果佢覺得老婆煮嘢唔啱口味，會立即「退貨」，佢解釋，係希望老婆們知道邊度有改進空間。至於孩子們，尼安多羅話佢哋會畀錢同禮物自己，所以佢生活不愁衣食，仲直言佢哋一家過得好快樂。

Photo from 《大內密探零零發》截圖

據悉，尼安多羅嘅151名仔女中，有指有6人正喺軍隊服役，2人做警察，有50名孩子仍然就學，另有13名女兒已出嫁，有人指當中23名兒子已婚，部分人都「有樣學樣」，繼承一夫多妻嘅生活。

有網民認為尼安多羅簡直係人生贏家，亦有人經計算後表示平均一個尼氏老婆生十個。有人則為當地其他男人抱不平，認為尼安多羅娶曬啲女人。

Photo from 連登評論

有網友則懷疑過百名孩子中並非全部親生，既然男方可一夫多妻，可能有部分妻子都實行多夫制。

Photo from 連登評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

40歲張柏芝自爆願為生仔再婚透露有新戀情？網民：使勁生吧！

12 May 2021

40歲張柏芝育有3子，最近參與大陸綜藝《乘風破浪的姐姐2》令人氣急升。最近，佢參演另一節目《讓生活好看》，大爆佢嫌3個仔太少，仲表示如果有機會嘅話願意再婚、再生！

Photo from 張柏芝微博

身為單親媽媽嘅張柏芝原本獨力撫養同謝霆鋒所生嘅2個兒子Lucas和Quintus，然後於2018年再公開已誕下第3名兒子Marcus。日前，佢現身大陸生活觀察類節目《讓生活好看》時透露「想要再生小孩」嘅心聲，引起熱議。

Photo from 張柏芝工作室微博

節目中，女星張馨予突然問柏芝：「你依家單身嗎？」柏芝對此感到緊張，表示：「你太直接了吧，我都標曬汗，特別熱。」

Photo from 微博截圖

張馨予繼續追問：「你有無諗過再結婚？」柏芝就話：「如果男方真係愛到好想要同我結婚，好需要我嘅話，我願意。」

Photo from 微博截圖

以細路為中心嘅柏芝繼續表示：「想要同我結婚嘅話，我當然想再生細路，我覺得3個太少喇~」

Photo from 微博截圖

由於柏芝已有3子，加上係成熟女性，所以網民對此都感到驚訝，更一度炒上微博熱搜，有人覺得太小題大做，認為平民同明星都會生仔，唔明點解後者就係新聞。

Photo from 微博評論

亦有部分人思考，為生細路而結婚真係好？仲話好少男人會願意幫人養仔。

Photo from 微博評論

但大多數網民都被柏芝愛孩子嘅心感動到，認為佢事事以孩子為首，真係一個好媽媽，為佢送上祝福，話自己有柏芝咁富有都會生多啲。更有網民支持佢繼續生，為佢打氣：「那就使勁生吧！」

Photo from 微博評論

同時有細心網民留到到柏芝回應單身問題是無畀正面回應，所以猜測柏芝正蜜運中。

Photo from 微博評論

Text: HolidaySmart Editorial

40歲張柏芝還原19歲草帽造型！《乘風破浪的姐姐2》直播卸妝無懼素顏曝光！

20 Apr 2021

《乘風破浪的姐姐2》令張柏芝人氣再創高峰，雖然佢最後未能成團，但廣告、代言數目都唔少。近日佢喺微博公開多張照片，還原21年前專輯《任何天氣》嘅寫真造型，獲網民大讚「神顏無雙」。

Photo from 《乘風破浪的姐姐2》

久別影圈嘅張柏芝出演內地綜藝節目《乘風破浪的姐姐2》，因為係選秀節目需要唱跳，所以一開始外界並唔睇好佢嘅實力，實際上張柏芝喺開頭幾集表現的確令人失望。

Photo from 《乘風破浪的姐姐2》

但隨住節目播出，張柏芝人氣越嚟越高，經常上微博熱搜，幾乎每次表演都成為全場焦點，但可惜佢於總決賽遺憾落敗，未能成團。

Photo from 《乘風破浪的姐姐2》

不過成唔到團，張柏芝嘅人氣並無浪費，眾多代言、廣告令佢工作量急升！事業再創高峰嘅佢一向獲讚「美顏盛世」，佢最近喺微博公開一輯相，還原返佢19歲嘅專輯《任何天氣》入面嘅草帽造型。

Photo from 《任何天氣》

Photo from 張柏芝微博

張柏芝擺出一樣嘅表情同pose，網友感歎張柏芝19歲時「神顏無雙」，又話佢保養得好好。

Photo from 《任何天氣》

Photo from 張柏芝微博

Photo from 《任何天氣》

Photo from 張柏芝微博

雖然張柏芝唱跳實力一般，但美貌不嬲都無人質疑，已經係三子之母嘅張柏芝更無懼喺鏡頭前卸妝，毫不在乎自己嘅素顏樣會畀無數人睇到。

Photo from 《乘風破浪的姐姐2》

佢妝前妝後的確無乜差距，皮膚仍然白滑，卸去眼妝嘅佢即使無舞台妝咁明媚，但雙眼依然有神，面上幾乎無咩瑕疵，連吉克雋逸都話：「卸了妝都好好看」

Photo from 《乘風破浪的姐姐2》

Text: HolidaySmart Editorial

《乘風破浪的姐姐2》張柏芝埃及妖后造型驚豔全場！網民：終於發現柏芝沙聲唱歌咁好聽？！

11 Mar 2021

《乘風破浪的姐姐2》最新公演結果出爐！其中張柏芝嘅表現有驚喜，一直被笑唱功麻麻嘅佢今次有反轉？至於容祖兒嘅表現亦獲大讚超晒班。

Photo from 《乘風破浪的姐姐2》

張柏芝初時參加《乘風破浪的姐姐2》曾備受質疑，因為佢出道以嚟歌喉多次被批，而節目係選女團，有網民擔心佢如果成團，能否勝任唱歌。

Photo from 《乘風破浪的姐姐2》

而第一集個人表演後，張柏芝因為感到自己表現不佳而自責崩潰落淚，佢亦曾喺商演時大走音，場面尷尬。

Photo from 《乘風破浪的姐姐2》

到組隊表演後，佢企正做中心但唱跳都唔突出，更被指無盡力表演。雖然佢喺節目一直都係大眾熱烈討論嘅對象，但大多數嘅讚美都係圍繞佢不老美貌，好少會有人稱讚佢嘅歌舞實力。

Photo from 《乘風破浪的姐姐2》

到新一集，張柏芝終於如願同那英一組，賽前因為那英係王菲閨蜜，又喺節目中多次無視、拒絕張柏芝組隊請求，惹起二人不和傳聞。估唔到最終那英作為隊長竟然接受張柏芝，兩人成功組隊。那英組唱嘅曲目係《逆光》，同其他組比較屬於抒情曲風，相當考驗唱功，而張柏芝出道多年雖有推出過經典名曲，但沙啞「鵝公喉」就一直為人詬病，今次挑戰高難度令佢再次成為焦點。

Photo from 《乘風破浪的姐姐2》