download HolidaySmart 假期日常 app
《勁歌金曲》菊梓喬唱新歌被單立文指風格單一!直言Hana唱太多劇集歌

《勁歌金曲》菊梓喬唱新歌被單立文指風格單一!直言Hana唱太多劇集歌

娛樂新聞
By Jennifer on 17 May 2021
Digital Editor

菊梓喬(HANA)上《勁歌金曲》唱自己作曲嘅《秘密花園》,雖然獲「音樂選民」嘅肯定,但豹哥單立文就直言隻隻劇集歌都係佢唱有啲膩。

菊梓喬(HANA)上《勁歌金曲》唱自己作曲嘅《秘密花園》Photo from TVB

TVB《勁歌金曲》改版後有觀眾組成「音樂選民」、又請嚟專業人士擔任「音樂導賞團」點評歌手。

TVB《勁歌金曲》改版後有觀眾組成「音樂選民」、又請嚟專業人士擔任「音樂導賞團」點評歌手。Photo from TVB

「星夢一姐」菊梓喬亦喺節目中獻唱佢嘅新歌《秘密花園》,呢首歌算係佢嘅轉型作品,嘗試跳出過往慘情歌嘅歌路,一改往日風格,走搖滾路線,更係菊梓喬親自參與作曲。

《秘密花園》係菊梓喬嘅轉型作品,嘗試跳出過往慘情歌嘅歌路,一改往日風格,走搖滾路線Photo from TVB

「音樂選民」對新歌似乎都相當受落,20位中有17位都亮燈,觀眾詹小姐指係HANA fans,只聽咗頭兩句就亮燈。

觀眾詹小姐指係HANA fans,只聽咗頭兩句就亮燈。Photo from TVB

而無亮燈嘅雷先生就認為曲風同以往嘅劇集主題曲可能有少少分別,但都係無跳出「劇集歌」呢3個字,而菊梓喬就解釋《秘密花園》實際都係劇集《逆天奇案》嘅片尾曲,所以喺作曲旋律方面都係想聽眾易啲記得。

無亮燈嘅雷先生就認為曲風同以往嘅劇集主題曲可能有少少分別,但都係無跳出「劇集歌」呢3個字Photo from TVB

至於「音樂導賞團」中吳業坤就話感受到菊梓喬嘅搖滾之魂。而DJ林柏希就指菊梓喬頭先太緊張,應該要再放啲,再rock啲。

「音樂導賞團」中吳業坤就話感受到菊梓喬嘅搖滾之魂Photo from TVB

不過豹哥單立文就表示:「坦白講,真係唔rock嘅!係一隻幾普通下嘅歌。」,豹哥指佢可以做多方面嘅嘗試,劇集歌限制咗佢:「每一部劇集嘅歌都由你唱有少少膩」。

豹哥單立文就表示:「坦白講,真係唔rock嘅!係一隻幾普通下嘅歌。」Photo from TVB

豹哥指佢可以做多方面嘅嘗試,劇集歌限制咗佢Photo from TVB

豹哥:「每一部劇集嘅歌都由你唱有少少膩」。Photo from TVB

豹哥指大家對rock有啲誤解:「我由70年代玩rock玩到依家,唔係隊band大聲啲、多啲動作就叫『rock』」,佢話rock永遠係態度行先:「唔係一個包裝嚟,你要留意。」

豹哥指大家對rock有啲誤解Photo from TVB

rock永遠係態度行先Photo from TVB

TVBPhoto from TVB

菊梓喬聽完點評後表示自己好中意劇集歌,佢好同意豹哥講法,呢首新歌係佢想從劇集歌慢慢轉變嘅第一步,但佢指太大嘅轉變佢唔夠膽,亦驚觀眾未必接受到,指自己需要多啲時間。

菊梓喬指太大嘅轉變佢唔夠膽Photo from TVB

網民都好認同豹哥意見:「邊忽rock?」,又指菊梓喬首首歌都差唔多,不過亦有網民表示公司安排佢唱劇集歌佢都無得say no。

網民都好認同豹哥意見Photo from TVB

TVBPhoto from TVB

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel