蔡卓妍超豪邁睡姿曝光！網民講笑：係咪發夢做緊瑜珈？

蔡卓妍（阿 Sa）入行以嚟向來擁有真性情，繼早前佢晒出入行前嘅舊相自嘲之後，今次估唔到佢連自己不顧儀態嘅睡姿，亦唔介意放上網公開任睇，佢嘅睡姿簡直可以同豪邁嚟形容添呀！

Photo from 蔡卓妍/IG

阿 Sa 早前喺 IG 上載愛貓「嚦咕」睡洗手盆嘅相後，估唔到今次佢竟然「自毀式」上載床照，全部都由別人揸機，其睡姿猶如打功夫一樣，招式多多，相當豪邁！

Photo from 蔡卓妍/IG

在大床上熟睡中嘅佢「起飛腳」配上「美人托腮」剛柔並重，有時又會一個扭腰雙腿一齊佔領另一邊床位外，更會施展「盤腿式睡姿」，真係可以想像到同佢一齊瞓應該會有幾危險。

Photo from 蔡卓妍/IG

Photo from 蔡卓妍/IG

難怪佢自己都留言：「我朋友睇完我上一個post之後send咗呢幾幅相俾我…佢話我隻貓同我瞓覺嘅時候好似，一樣咁豪邁，瞓我隔籬嘅人一定要有武功底子，分分鐘被我打死。」

Photo from 蔡卓妍/IG

佢嘅好友容祖兒就留言讚佢：「啲筋好鬆！」，而網友亦驚訝留言：「借問先，嗰隻腳係發生乜事」、「以為你心裡面住咗個優雅少女，點知原來是個麻甩仔」、「食過吓夜粥」、「係咪發夢做緊瑜伽」。

Photo from 蔡卓妍/IG

另外，有網友就錯重點，將 Focus 放咗喺究竟幫阿 Sa 影相嘅人身上指，究竟雙人床嘅另一位主角係邊個，啲相係邊個操刀影？

Photo from 蔡卓妍/IG

雖然阿 Sa 就冇透露邊個操刀，但其實以前佢都曾經講過，自己無論幾時喺咩地方，佢都可以瞓得著，仲自稱係「瞓覺專家」嚟添！

Charlene Choi（@choisaaaa）分享的貼文

唔知佢下次又會出賣自己啲咩相呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）