蔡卓妍超豪邁睡姿曝光!網民講笑:係咪發夢做緊瑜珈?

蔡卓妍超豪邁睡姿曝光!網民講笑:係咪發夢做緊瑜珈?

娛樂新聞
ByCelia on 17 May 2021

蔡卓妍(阿 Sa)入行以嚟向來擁有真性情,繼早前佢晒出入行前嘅舊相自嘲之後,今次估唔到佢連自己不顧儀態嘅睡姿,亦唔介意放上網公開任睇,佢嘅睡姿簡直可以同豪邁嚟形容添呀!

Photo from 蔡卓妍/IG

阿 Sa 早前喺 IG 上載愛貓「嚦咕」睡洗手盆嘅相後,估唔到今次佢竟然「自毀式」上載床照,全部都由別人揸機,其睡姿猶如打功夫一樣,招式多多,相當豪邁!

Photo from 蔡卓妍/IG

在大床上熟睡中嘅佢「起飛腳」配上「美人托腮」剛柔並重,有時又會一個扭腰雙腿一齊佔領另一邊床位外,更會施展「盤腿式睡姿」,真係可以想像到同佢一齊瞓應該會有幾危險。

Photo from 蔡卓妍/IG

Photo from 蔡卓妍/IG

難怪佢自己都留言:「我朋友睇完我上一個post之後send咗呢幾幅相俾我…佢話我隻貓同我瞓覺嘅時候好似,一樣咁豪邁,瞓我隔籬嘅人一定要有武功底子,分分鐘被我打死。」

Photo from 蔡卓妍/IG

廣告
廣告

佢嘅好友容祖兒就留言讚佢:「啲筋好鬆!」,而網友亦驚訝留言:「借問先,嗰隻腳係發生乜事」、「以為你心裡面住咗個優雅少女,點知原來是個麻甩仔」、「食過吓夜粥」、「係咪發夢做緊瑜伽」。

Photo from 蔡卓妍/IG

另外,有網友就錯重點,將 Focus 放咗喺究竟幫阿 Sa 影相嘅人身上指,究竟雙人床嘅另一位主角係邊個,啲相係邊個操刀影?

Photo from 蔡卓妍/IG

雖然阿 Sa 就冇透露邊個操刀,但其實以前佢都曾經講過,自己無論幾時喺咩地方,佢都可以瞓得著,仲自稱係「瞓覺專家」嚟添!

唔知佢下次又會出賣自己啲咩相呢?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook