燕麥|即食/快熟/原片唔同特性/食法!5種人不宜食!錯誤食用易引反效果!

燕麥|即食/快熟/原片唔同特性/食法!5種人不宜食!錯誤食用易引反效果!

ByHaitaeng on 18 May 2021

因為低卡路里且能降低膽固醇,令燕麥近年成為健康減肥的熱門食品之一,唔少明星及營養師都曾大力推薦,但原來錯誤食用反而會引起反效果!唔同種類的燕麥亦有唔同特性及食法,而且唔係個個人都啱食!今次來一文睇清各類燕麥的特性、正確食法、副作用及邊5種人不宜吃!

燕麥主要分為三大種類。
Photo from 黃翠如IG_wongtsuiyu

各類燕麥的分別!

燕麥亦稱為麥皮,屬於全谷類食物。一般分為即食燕麥、快熟燕麥及原片燕麥,三種的加工程度、切割方式唔同,口感亦唔同。相比切片及碾平加工後的燕麥,原粒燕麥的膳食纖維更高,更能增加飽腹感,有效控制食欲及體重,亦幫助促進腸道蠕動及排毒,最適合減肥的人食。另外,建議購買時留意營養標簽,選擇高纖維、低糖及低鈉的燕麥產品,避免增加肥胖、糖尿病及心臟病等風險。

·即食燕麥

每粒燕麥經過烤焗,切成薄片再碾平,外形比較薄,水分含量低,所以加熱水就可以食,無需烹煮。

·快熟燕麥

每粒燕麥粒切成厚片,再碾平,外形會比即食燕麥厚一點,需要烹煮15分鐘才能食,有點嚼勁不軟爛。

·原片燕麥

完全沒有切片或碾平,保留全粒完整形狀。需要烹煮30分鐘才能食,口感比較有彈性嚼勁。由於加工程度最低,比起即食及快熟燕麥更需要時間來消化及吸收,所以升糖指數較低,能避免進食後血糖突然飆升,延長飽足感。

 食過量的燕麥會造成三酸甘油酯升高、容易消化不良及脹氣。
Photo from UrbanLife Health

燕麥食過量的副作用!

·三酸甘油酯升高

雖然燕麥能降低膽固醇,但因為富含碳水化合物,所以唔建議餐餐當飯食,食過量可能令三酸甘油脂升高,容易引起肥胖性高血壓、糖尿病、脂肪肝等疾病。

·容易消化不良

燕麥本來就是唔容易消化的食物,如果一次食太多,反而會導致消化不良,嚴重者更可能胃痙攣。尤其腸胃不太好的人,食多更難消化。

·容易脹氣

燕麥含有豐富膳食纖維,但食過量會導致難以消化的纖維素積聚在腸道,容易出現脹氣情況。

成年人一日唔好食超過75克的燕麥。
Photo from UrbanLife Health

燕麥正確食法!

廣告
廣告

成年人一日不能食超過75克的燕麥,否則過量會有反效果!如果想完整攝取燕麥的營養,但又唔想食得太單調,不妨在食用方式有點變化。例如一日是燕麥加牛奶,第二日可以煮成粥,第三日改加豆漿、生果或雞蛋等,只要唔好長期搭配單一食材,就唔怕有不好的影響。另外,燕麥含有大量碳水化合物,唔建議加入糖漿、煉奶等高卡食物,隨時越食越肥啊!

台灣女星隋棠曾維持食燕麥+杏仁奶+有機莓果+堅果當早餐超過一年。
Photo from 隋棠IG_suitangtang

5種人不宜食燕麥!

1.貧血、缺少鈣者

很多人都鍾意牛奶加燕麥一起食,但如果有貧血、骨骼疏松的人及老人家就唔建議啦!因為燕麥的植酸及草酸含量高,而牛奶有高鈣質及鐵質,當兩者一起食用,反而會影響鈣質及鐵質的吸收。

2.腸胃敏感者

燕麥的纖維粗糙,比較難消化,所以腸胃功能弱或容易脹氣的人,食太多燕麥容易腸胃唔舒服。尤其是老人家更要注意,切記適量食用。

3.慢性腎衰竭病者

由於燕麥含有大量的蛋白質、鉀及磷,難以排出體內,如果當成主食,腎臟功能不好者的身體可能沒辦法承受。

5種人不宜食燕麥。
Photo from UrbanLife Health

4.糖尿病患者

雖然燕麥可以幫助降低血糖,但始終屬於澱粉類食物,而糖尿病患者只能攝取適量澱粉,所以亦不宜食太多。

5.麩質過敏癥者

由於所有麥類制成的食物都含有麩質,如果對小麥過敏應避免食用,否則可能造成腹瀉、便秘、腸躁癥、濕疹、頭痛及肌肉關節痠痛等。

鄧紫棋一直都有食燕麥以維持身體健康及瘦身。
Photo from 鄧紫棋IG_gem0816

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook