張栢芝出席內地時裝活動被粉絲強吻 人氣超旺 需要50名保安睇場！

張柏芝近來喺內地人氣高企，深受內地網民嘅愛戴。琴日，佢就出席喺河南嘅時裝店活動，期間因為圍觀人數眾多，大會安排咗至少半百名保安睇秩序。不過百密一疏，有粉絲竟然趁拍照期間強吻佢！

Photo from 張柏芝微博

張柏芝最近非常受內地嘅網民歡迎，自從出演完真人show《乘風破浪的姐姐2》之後，就不停上內地嘅綜藝節目，人氣飆升！

Photo from 張柏芝微博

Photo from 張柏芝微博

昨日，佢就獲邀出席喺河南鄭州嘅時裝店活動，大批粉絲到場支持。由於人數太多，為安全起見，就安排咗至少50位保安維持秩序同埋貼身保護佢。而張柏芝亦都展現佢親民嘅一面，沿路都一直向為佢尖叫嘅粉絲揮手打招呼～

Photo from 微博

Photo from 微博

期間，大會就安排部份粉絲有機會同張柏芝合照嘅環節。但有位女粉絲就因為親眼目睹偶像而過份興奮，突然攬住張柏芝，並親吻佢嘅右邊面！張柏芝嚇到目瞪口呆，不過隨即好敬業咁保持微笑，幸好呢位粉絲亦冇進一步嘅行動。

Photo from 微博

Photo from 微博

喺張柏芝琴日出席完呢個公開活動之後，微博好快出現「#張柏芝生圖」嘅熱搜，唔夠一日就已經有2.8億人瀏覽過！生圖嘅意思即係代表完全經過修改嘅圖片，而網民都紛紛喺留言大讚「keep得好好」、「不老女神張柏芝」等！

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）