《勁歌金曲》豹哥直言馮允謙出道10年無代表作!疑回應:要分有咩意見唔值得聽

《勁歌金曲》豹哥直言馮允謙出道10年無代表作!疑回應:要分有咩意見唔值得聽

娛樂新聞
ByJennifer on 18 May 2021

勁歌金曲》馮允謙唱新歌《思念即地獄》,擔任「音樂導賞團」嘅豹哥單立文直言佢至今未有大熱作品,而出道近10年嘅馮允謙喺IG疑似回應事件。

《勁歌金曲》馮允謙唱新歌《思念即地獄》
Photo from TVB

《勁歌金曲》改版後新設一個「金榜預測」環節,歌手要接受觀眾組成嘅「音樂選民」、專業人士擔任嘅「音樂導賞團」提出嘅意見同評論。

《勁歌金曲》改版後新設一個「金榜預測」環節
Photo from TVB

觀眾組成嘅「音樂選民」
Photo from TVB

專業人士擔任嘅「音樂導賞團」
Photo from TVB

「星夢一姐」菊梓喬(HANA)獻唱新歌《秘密花園》後就被豹哥單立文指首歌唔rock,又表示佢唱得太多劇集歌:「每一部劇集嘅歌都由你唱有少少膩」。

豹哥指劇集歌限制咗菊梓喬
Photo from TVB

網民大多都同意豹哥意見,原來佢仲有對另一位歌手提出犀利嘅意見!呢位歌手就係馮允謙!馮允謙2011年參加《超級巨聲3》奪得亞軍後入行,佢更獲得《新城勁爆頒獎禮》、《叱咤樂壇流行榜頒獎典禮》、《十大勁歌金曲頒獎典禮》等嘅新人獎。

馮允謙
Photo from 馮允謙IG

馮允謙出道至今近10年,佢近日現身《勁歌金曲》嘅「金榜預測」環節唱新歌,新歌夾雜唔少英文歌詞,20位「音樂選民」中有12人亮燈,更有一位聽眾表示聽到太陶醉而忘記咗撳燈。

馮允謙近日現身《勁歌金曲》嘅「金榜預測」環節唱新歌,新歌夾雜唔少英文歌詞
Photo from TVB

20位「音樂選民」中有12人亮燈
Photo from TVB

有一位聽眾表示聽到太陶醉而忘記咗撳燈。
Photo from TVB

不過無亮燈嘅關先生就指首歌故事性不足:「淨係話異地戀,自己好hurt,但係無一個story喺度」,馮允謙解釋指首歌嘅題材係嚟自佢自己,因為佢嫲嫲去年離世,令佢非常思念。

無亮燈嘅關先生就指首歌故事性不足
Photo from TVB

至於「音樂導賞團」似乎都好欣賞佢嘅作品,DJ林柏希表示係今年香港樂壇佢中意嘅頭三首歌之一:「擺喺歐美嘅收音機頻道、電台頻道,我諗擺埋落去播,我覺得唔會失禮囉。」

廣告
廣告

DJ林柏希表示係今年香港樂壇佢中意嘅頭三首歌之一
Photo from TVB

一向直言不諱嘅豹哥就話知道馮允謙係一個好勤力嘅唱作人:「但我自己覺得你走入咗一個困境,點解咁耐都無一首大熱作品出到嚟?」,豹哥表示如果馮允謙仲要繼續行落去嘅話,要有一隻令所有人都動容嘅歌。

一向直言不諱嘅豹哥:「你走入咗一個困境」
Photo from TVB

豹哥直言:「點解咁耐都無一首大熱作品出到嚟?」
Photo from TVB

TVB
Photo from TVB

豹哥表示如果馮允謙仲要繼續行落去嘅話,要有一隻令所有人都動容嘅歌。
Photo from TVB

馮允謙當時表示佢嘅歌係希望可以表達到佢依家經歷緊嘅嘢。之後佢喺IG出post疑回應:「每個人都有自己嘅見解。年齡越大,越明白會從唔同嘅人度得到好多唔同嘅意見。 但重要嘅係,要能夠分到咩意見係值得聆聽,咩係根本唔值得聆聽嘅」。

馮允謙當時表示佢嘅歌係希望可以表達到佢依家經歷緊嘅嘢
Photo from TVB

馮允謙喺IG出post疑回應
Photo from 馮允謙IG

有網友就留言支持佢:「一首歌爆紅,有很多環境因素,需要配合天時地利人和,不是你有天份、有野心,就可以成事」、「有人感受到你的靈感、被你的演繹打動,靈犀一點通;但亦有人完全搭不到線,繼而對你評頭品足,雞蛋挑骨頭。不可能一個作品滿足所有人」

有網友就留言支持佢
Photo from 馮允謙IG

不過亦有網民表示認同豹哥:「他是行內人,所以他比的評論是應該聽取」,但有歌迷反駁:「如果Jay(馮允謙)聽咗呢個意見而去出啲K歌 我唔敢講呢個會係Jay Fung嘅損失 但一定會係我哋樂迷嘅損失」

亦有網民表示認同豹哥
Photo from 馮允謙IG

有歌迷反駁:「如果Jay(馮允謙)聽咗呢個意見而去出啲K歌 我唔敢講呢個會係Jay Fung嘅損失 但一定會係我哋樂迷嘅損失」
Photo from 馮允謙IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook