謝霆鋒Chok樣甩牌想做「雀聖」？！ 不停失敗 網民：叫王菲教你啦

謝霆鋒呢幾年不停咁開拓佢嘅廚藝事業，仲因此而拍攝咗煮食節目《十二道鋒味》。近日，佢就好似想做「雀聖」，上載咗自己打麻將「甩牌」嘅影片，不過就頻頻失敗，令唔少網民笑佢「去搵王菲教你啦！」

Photo from 謝霆鋒IG

現年40歲啦謝霆鋒本身已經係歌手、演員，又是製作公司老闆，呢幾年佢因為鍾意煮嘢食，開始開拓佢美食界嘅事業，被網民稱為「Chef Le Mon」！佢仲曾經因為喺米芝蓮晚宴表演高速「畫花」嘅神技而被網民關注，後來仲開拍煮食節目《十二道鋒味》～

Photo from 謝霆鋒IG

Photo from 《十二道鋒味》

近日，謝霆鋒就上載咗一段自己打麻將「甩牌」嘅片段，似乎係想為自己加「雀聖」呢個稱號。影片中，只見佢chok住樣咁洗牌，再隨機抽牌嘗試透過摸嚟估手上嘅牌係咩！

Photo from 謝霆鋒抖音

Photo from 謝霆鋒抖音

點知，佢就不停估錯：將「二萬」當成「三萬」、「五索」當成「八索」等，搞到本身好有自信嘅佢，忍唔住好尷尬咁笑～

Photo from 謝霆鋒抖音

Photo from 謝霆鋒抖音

唔少網民睇完片都留言話「去請教王菲啦」；亦有網民將焦點放喺佢嘅樣貌上，認為佢好似冇老過咁，完全無視佢嘅牌技～

Photo from 微博

Photo from 微博

可能大家會好奇點解網民會叫謝霆鋒搵女友王菲教佢打牌，事關佢係圈中公認愛打麻將嘅人，張國榮（哥哥）生前曾經喺節目講述同王菲一齊打牌嘅小插曲，佢表示當時劉嘉玲喺王菲身後睇佢打牌，就話「你牌打得太快」，王菲隨即回應「你話我唱歌唔好我認，但話我打麻將唔好，我就打死不認！」

Photo from 《小燕Window》

Photo from 王菲微博

而兩人嘅感情事一直都非常低調，復合多年好少俾傳媒拍到兩人一齊嘅畫面，上年年底網上仲瘋傳兩人已經分手嘅消息。不過，上個月就有內地傳媒拍攝到兩人一齊甜蜜拖手嘅畫面，粉碎分手傳聞，睇嚟兩人嘅感情依然好好～

Photo from 謝霆鋒IG

Photo from 王菲微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）