download HolidaySmart 假期日常 app
TVB 2004年曾舉辦藝人運動會! 珍貴經典片段重溫!

TVB 2004年曾舉辦藝人運動會! 珍貴經典片段重溫!

娛樂新聞
By Stephanie on 18 May 2021
Digital Content Writer

琴日,TVB高層曾志偉就喺佢哋「2021東京奧運會」記者會上,表示希望可以舉辦一個「明星運動會」。但原來早喺2004年,TVB就曾經舉辦過《Number 1紅星運動會》,而家就一齊嚟重溫一下當年嘅珍貴片段啦~

《Number 1紅星運動會》Photo from 《Number 1紅星運動會》

東京奧運會即將喺今年7月舉行,曾志偉琴日就喺記者會上話有意舉辦「明星運動會」,希望可以將運動嘅氣氛炒熱!而我哋就發現原來TVB喺2004年嘅時候,就已經舉辦過《Number 1紅星運動會》,並且邀請咗好多大家都好熟悉嘅TVB藝人展現佢哋嘅體育精神,而家睇返就會發現當時嘅佢哋真係好青澀啊~

《Number 1紅星運動會》Photo from 《Number 1紅星運動會》

《Number 1紅星運動會》Photo from 《Number 1紅星運動會》

喺女子組嘅60米賽跑,鍾嘉欣同楊卓娜都成功晉升決賽,當時嘅戰況好激烈,大家嘅差距並唔算好大。但楊卓娜以微小嘅差距贏得冠軍,而鍾嘉欣就獲得第三名!

《Number 1紅星運動會》Photo from 《Number 1紅星運動會》

《Number 1紅星運動會》Photo from 《Number 1紅星運動會》

喺女子組跳高決賽,徐子珊係當年嘅候選港姐,代表港姐組出賽,可惜佢連續三次嘅1.25米試跳都未能成功。而楊思琦都同樣未能成功跳過1.25米;相反楊卓娜就好成功咁跳過1.3米,奪得金牌!

《Number 1紅星運動會》Photo from 《Number 1紅星運動會》

《Number 1紅星運動會》Photo from 《Number 1紅星運動會》

男子組100米嘅金牌,就由藝人黃子恆奪得。而最精彩嘅就一定係男子4x100米嘅決賽,事關吳卓羲喺比賽前就已經暈低咗,鏡頭仲影到佢面青口唇白,攤喺度接受治療嘅畫面!黎諾懿當時就幫佢解畫話佢可能係因為拍戲拍太夜,導致睡眠不足頭暈。

《Number 1紅星運動會》Photo from 《Number 1紅星運動會》

《Number 1紅星運動會》Photo from 《Number 1紅星運動會》

喺男子4x100米嘅決賽,當第二棒嘅黃宗澤將接力棒傳俾馬國明嘅時候,馬國明就甩手接唔住,搞到佢哋落後,要由頂替吳卓羲嘅陳鍵鋒出盡全力狂奔,先攞到倒數第二名!

《Number 1紅星運動會》Photo from 《Number 1紅星運動會》

《Number 1紅星運動會》Photo from 《Number 1紅星運動會》

其實好多國家都一直有舉辦「明星運動會」㗎~韓國就每年都有《偶像明星運動會》,仲因此而捧紅咗唔少運動厲害嘅偶像,例如有Sistar寶拉、SHINee 珉豪等,佢哋仲因此而被稱為「萬能dol」!

MBCPhoto from MBC

MBCPhoto from MBC

內地亦有舉辦《超明星運動會》,邀請咗好多唔同嘅明星參加唔同嘅體育運動,其中藝術體操嘅項目就好受歡迎!內地演員陳小纭、Sunshine組合嘅Cindy等都係參賽者~

《超新星運動會》Photo from 《超新星運動會》

《超新星運動會》Photo from 《超新星運動會》

台灣嘅《全明星運動會》第一季就喺上年10月開播,反應非常熱烈,成功吸引好多網民收看!節目就主要將參賽者分為紅隊同藍隊,等大家可以展現團體精神嘅重要性。不過可惜第二季嘅《全明星運動會》就因為爆出好多傳聞,令好多網民都表示冇之前咁好睇,暫時未知是否有第三季。

《全明星運動會》Photo from 《全明星運動會》

《全明星運動會》Photo from 《全明星運動會》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel