download HolidaySmart 假期日常 app
星野源竟是女神收割機 ?盤點歷年5段緋聞!人氣歌手、清純女星、美女主播疑似每段感情無縫接軌?

星野源竟是女神收割機 ?盤點歷年5段緋聞!人氣歌手、清純女星、美女主播疑似每段感情無縫接軌?

娛樂新聞
By Celia on 20 May 2021
Digital Editor

日本歌手星野源近日宣布同有「國民老婆」之稱宅男女神新垣結衣結婚,消息震碎咗唔少宅男心靈。但原來星野源喺日劇《逃避雖可恥但有用》中嘅「草食男」形象同現實並唔一樣,現實中嘅佢情史相當豐富,絕對係一名肉食男嚟。

Photo from 《逃避雖可恥但有用》官方推特

日本 40 歲嘅藝人星野源身兼演員、創作歌手以及作家身分,近年因與新垣結衣一同演出《逃避雖可恥但有用》備受關注,喺劇中嘅「草食男」形象更係深植人心。雖然佢並唔係公認嘅標準帥哥,但佢嘅情史亦相當豐富,同劇中單身 35 年嘅角色完全相反,而喺更喺早前接受媒體訪問時就曾坦言佢嘅性格同劇中角色「平匡」雖然有啲相似,但佢就指自己唔係草食男,亦唔想被草食男嘅形象束縛,令唔少網友感到驚訝。

Photo from 星野源/IG

Photo from 《逃避雖可恥但有用》官方推特

其實星野源喺 2006 年時經朋友介紹下,喺後台休息室認識剛與 TOKIO 國分太一分手嘅女星 aiko,由於二人都係創作歌手,彼此好快就投緣,之後更常被發現有一樣的衣服、玩偶等,而喺 2011 年時二人更被拍到約會嘅模樣,當時只見 aiko 小鳥依人咁靠喺星野源懷中,十足十一對熱戀情侶。

Photo from aiko/Facebook

直到 2013 年時,星野源因接拍電影《深宅家中兒子的戀愛》與清純女星夏帆合作,當時有傳女方一直好仰慕佢,二人喺拍攝期間更不時偷偷約會,其後星野源更喺記者會中表示「今天我要跟夏帆結婚,她是我老婆」,被指移情別戀與 aiko 分手。不過當時亦有人認為星野源咁講只係為咗電影宣傳,因此之後二人嘅緋聞亦不了了之。

而同年,佢又因與比自己小 13 歲嘅二階堂富美合作《一代電影粉皮》而傳出緋聞,加上緋聞爆出時間正正就喺 aiko 生日前夕,故引起唔少粉絲譁然,不過二人當時只以「只是很好的朋友」撇清關係。

Photo from 《一代電影粉皮》截圖

此外,星野源亦曾與石橋杏奈、以及名主播有働由美子等傳出緋聞。

不過,喺佢仲未走紅前,一路以嚟佢嘅演藝道路一啲都唔平坦,喺 2012 年時更被診斷出蜘蛛膜下出血,導致事業全部中斷,陸陸續續休息近 3 年,直到2016年接拍《逃避雖可恥但有用》先迎嚟事業高峰,如今又將女神追到手,事業、愛情雙得意,粉絲應該都會戥佢開心嘅~

Photo from 《逃避雖可恥但有用》官方推特

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel