download HolidaySmart 假期日常 app
50歲鍾麗緹最新相大哂Fit爆身材 完美體態老公都不禁留言讚好!

50歲鍾麗緹最新相大哂Fit爆身材 完美體態老公都不禁留言讚好!

娛樂新聞
By Cheryl on 20 May 2021
Digital Editor

性感女神鍾麗緹(Christy)曾經係眾多男士嘅夢想情人。現年50歲嘅佢已經育有三名小孩,但身材保養得宜。雖然,佢早前出席大陸時裝秀時被指下半身發福,引嚟網民熱議,但係,Christy近日於社交平台大曬運動Look靚相,盡展完美曲線,睇嚟佢狀態瞬間回勇。

鍾麗緹微博Photo from 鍾麗緹微博

鍾麗緹同細佢12歲大陸男星張倫碩於2015年參加戀愛真人秀《如果愛》時墮入愛河,並於2016年結婚,兩人恩愛非常,Christy不時於社交平台隔空傳愛。

鍾麗緹微博Photo from 鍾麗緹微博

保養得宜嘅佢不時獲邀出席時裝活動,但早前佢以一身檸檬黃色魚尾裙亮相行Catwalk,卻被指腰臀臃腫,令整體比例矮唔少,更有網民覺得造型似孕婦裝多啲。

微博截圖Photo from 微博截圖

但Christy並無因此鬆懈,佢日前係小紅書平台上大曬數張運動風相片,表示自己剛學識如何用手機就拍出高質素美照,問粉絲覺得效果如何。

鍾麗緹小紅書Photo from 鍾麗緹小紅書

照片中,Christy喺烈日下戴上漁夫帽,身穿灰色吊帶小背心同貼身單車褲,配上薄外套同波鞋,盡顯運動風格美。

鍾麗緹小紅書Photo from 鍾麗緹小紅書

佢喺大樹旁擺出隨性美甫士,拍照角度配合下,筆直長腿非常矚目;小背心同外套亦露出誘人事業線及香肩,盡顯健康性感。

鍾麗緹小紅書Photo from 鍾麗緹小紅書

唔少網民都留言大讚Christy身材Fit, 好顯身高。

鍾麗緹小紅書 評論Photo from 鍾麗緹小紅書 評論

鍾麗緹小紅書 評論Photo from 鍾麗緹小紅書 評論

當中一個留言絕對係全場焦點,Christy老公張倫碩見到老婆咁正都立即「搶沙發」,用三個錫錫表情加文字留言:「好看~」可見對老婆支持度爆燈。有網民留言問張倫碩幾時都Po返輯靚相,畀大家享受福利。

鍾麗緹小紅書 評論Photo from 鍾麗緹小紅書 評論

 

 

Text: HolidaySmart Editorial

 

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel