download HolidaySmart 假期日常 app
男友買$16萬婚戒遭女友嫌棄 睇鑽石證書後拒婚 網民:雞蛋挑骨

男友買$16萬婚戒遭女友嫌棄 睇鑽石證書後拒婚 網民:雞蛋挑骨

生活熱話
By Cheryl on 21 May 2021
Digital Editor

婚戒係求婚過程中不可或缺嘅信物,好多男士都會為伴侶精挑細選一枚鑽戒。但係,戒指唔啱心水可大可小,美國有一名男子花費約16萬港元購買鑽石戒指向女方求婚,起初女方答應,豈料佢見到鑽石證書後不滿係實驗室培育而秒怒!更要求男方換天然鑽否則分手,男方最後拒絕,並到網上討論區問:「到底自己係咪混蛋?」帖文引起網民熱議。

《金都》主題曲截圖 Enjoy Movie YoutubePhoto from 《金都》主題曲截圖 Enjoy Movie Youtube

近日,美國一名30歲男子到外國討論區Reddit嘅「我是混蛋嗎?」分板開Post,分享自己因為一枚鑽戒由訂婚變分手嘅故事。

TVB USAPhoto from TVB USA

男事主表示佢花咗數個月為女方物色訂婚鑽戒,最後以20,000美元(約16萬港元)買咗隻3.6卡鑽戒。起初,女方感到驚喜並欣然接受求婚。然而,女方開始起疑,認為一般情況下,2萬美元難以購買如此大卡數鑽戒。所以,女方要求查看鑽石證書。男方本來以為佢只係擔心自己被騙買假貨,所以立即向佢展示證書。

TVB USAPhoto from TVB USA

豈料女方一見到證書顯示鑽石係「實驗室培育」,就立即變臉,遂怪責男方點解唔買天然「真鑽石」,亦希望男方退貨,以同等價錢換一枚天然鑽戒。

TVB 台灣Photo from TVB 台灣

之後,男方花了一星期向女方解釋佢唔買天然鑽原因,第一,男事主認為天然鑽不道德,係剝削礦工嘅「血鑽」,而男方早已向女方表明過對血鑽嘅憎惡;第二,男方表示佢有事先咨詢過女方家人朋友,佢哋都認為女方唔會介意實驗室培育嘅鑽石;第三,男方認為兩種鑽石用肉眼根本分辨唔到。但係,女方聽過解釋後依然堅稱佢會睇得出「實驗室鑽石」同「天然鑽石」有咩唔同。

PinterestPhoto from Pinterest

TVB USAPhoto from TVB USA

男事主考慮到自己為咗枚鑽戒已將過去十年積蓄花掉,自己仍需償還學貸,而佢亦希望守護價值觀,唔購買血鑽。所以,佢最終選擇唔將婚戒退貨,向女方表示樂意分手。之後,女方大怒,責罵男方係混蛋,並搬回娘家暫住。男事主其後亦收到女方親友們嘅短信,勸佢換隻天然鑽戒嚟挽回關係,但男方決定忠於自己。

Reddit 原帖Photo from Reddit 原帖

唔少網民都認為男方無錯,直言係其女友野蠻,雞蛋裡挑骨頭,亦都過分著重物質主義。認為今次事件可令事主睇清對方真面目,重新審視婚姻。

有網友認為女方太著重物質主義Photo from Reddit評論

但亦有網友認為事主應事先同女方商量,一齊選購婚戒,因為無人會想日日佩戴一枚自己唔喜歡嘅飾物,認為對方喺選購婚戒時應顧及伴侶意願多於婚戒價錢。

有網友對女方表示理解,認為唔鐘意隻戒指都勉強唔到,所以雙方應擺大家意願為首,價錢係後話Photo from Reddit評論

 

Text: HolidaySmart Editorial

 

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel