姜濤疑似壓力爆煲IG發文放負？隊友留言為佢打氣！姜糖勁擔心

「人氣王」姜濤開完MIRROR演唱會後即投入工作，佢突然喺IG同Story同步發文，疑似壓力太大，令一眾fans相當擔心，更留言為佢打氣，短短一小時已有超過3萬個like！

姜濤受萬千寵愛，唔止有大批姜糖為佢慶祝生日，喺樂壇成績亦好好，成為叱咤頒獎禮「我最喜愛的男歌手」、「我最喜愛的歌曲大獎」兩項大獎史上最年輕得獎者！

人氣高企嘅佢深受廣告商歡迎非常忙碌，手上有近30個廣告，而且又要忙住準備MIRROR演唱會，佢更自爆因為行程太緊密，連食嘢都唔得，曾經喺排練期間體力透支暈倒。

完咗演唱會嘅姜B仲有唔少工作，而佢身邊好友近日亦不幸離世，感性嘅姜濤有喺IG悼念好友：「兄弟，如果你還在，一定也會來看我的演唱會吧！本來朋友也不多，沒想到你也不在了，這一年我真的沒想到發生那麼多事」

當時有好多fans為佢打氣，今日姜B突發喺IG出post，佢未有任何留言，只有一張圖片：「I’m tired of everything」

唔少姜糖十分擔心偶像狀態，叫佢加油好好休息下，亦有好多圈中人留言，包拾林奕匡、林欣彤：「好好休息一下。」、彭秀慧：「Relax and give time and patience to everything」、Coffee林芊妤：「有時感到累是正常的，因為都是人嘛！休息一下先再衝過～人生漫漫長路別急啦」

隊友亦有留言，Jeremy：「乖 好好休息」；Edan：「頂住啊 錫你啖啦」；Anson Lo：「Hang in here」；Anson Kong：「所有呀哥都係度 不用擔心」；Alton：「一齊唞下，再勁過」；Tiger：「Cheer up」，而花姐就喺IG Story回應：「不用擔心，他只是身體不適，休息幾天再向大家報平安」

有fans表示希望係姜濤新單曲嘅歌名：「我希望係8胎嘅歌名」，人氣爆燈嘅姜B喺短短一個鐘就有超過3萬個likes同近4,000個留言為佢打氣！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）