download HolidaySmart 假期日常 app
姜濤疑似壓力爆煲IG發文放負?隊友留言為佢打氣!姜糖勁擔心

姜濤疑似壓力爆煲IG發文放負?隊友留言為佢打氣!姜糖勁擔心

娛樂新聞
By Jennifer on 20 May 2021
Digital Editor

「人氣王」姜濤開完MIRROR演唱會後即投入工作,佢突然喺IG同Story同步發文,疑似壓力太大,令一眾fans相當擔心,更留言為佢打氣,短短一小時已有超過3萬個like!

「人氣王」姜濤開完MIRROR演唱會後即投入工作

姜濤受萬千寵愛,唔止有大批姜糖為佢慶祝生日,喺樂壇成亦好好,成為叱咤頒獎禮「我最喜愛的男歌手」、「我最喜愛的歌曲大獎」兩項大獎史上最年輕得獎者!

姜濤喺樂壇成續好好

人氣高企嘅佢深受廣告商歡迎非常忙碌,手上有近30個廣告,而且又要忙住準備MIRROR演唱會,佢更自爆因為行程太緊密,連食嘢都唔得,曾經喺排練期間體力透支暈倒。

人氣高企嘅佢深受廣告商歡迎非常忙碌,手上有近30個廣告,而且又要忙住準備MIRROR演唱會

姜濤自爆因為行程太緊密,連食嘢都唔得,曾經喺排練期間體力透支暈倒。

完咗演唱會嘅姜B仲有唔少工作,而佢身邊好友近日亦不幸離世,感性嘅姜濤有喺IG悼念好友:「兄弟,如果你還在,一定也會來看我的演唱會吧!本來朋友也不多,沒想到你也不在了,這一年我真的沒想到發生那麼多事」

感性嘅姜濤喺IG悼念好友

當時有好多fans為佢打氣,今日姜B突發喺IG出post,佢未有任何留言,只有一張圖片:「I’m tired of everything」

姜B突發喺IG出post

只有一張圖片:「I’m tired of everything」

唔少姜糖十分擔心偶像狀態,叫佢加油好好休息下,亦有好多圈中人留言,包拾林奕匡、林欣彤:「好好休息一下。」、彭秀慧:「Relax and give time and patience to everything」、Coffee林芊妤:「有時感到累是正常的,因為都是人嘛!休息一下先再衝過~人生漫漫長路別急啦」

唔少姜糖十分擔心偶像狀態,叫佢加油好好休息下

亦有好多圈中人留言

隊友亦有留言,Jeremy:「乖 好好休息」;Edan:「頂住啊 錫你啖啦」;Anson Lo:「Hang in here」;Anson Kong:「所有呀哥都係度 不用擔心」;Alton:「一齊唞下,再勁過」;Tiger:「Cheer up」,而花姐就喺IG Story回應:「不用擔心,他只是身體不適,休息幾天再向大家報平安」

隊友亦有留言

花姐就喺IG Story回應

有fans表示希望係姜濤新單曲嘅歌名:「我希望係8胎嘅歌名」,人氣爆燈嘅姜B喺短短一個鐘就有超過3萬個likes同近4,000個留言為佢打氣!

有fans表示希望係姜濤新單曲嘅歌名

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel