朱智賢獲TVB「解凍」不停接job！心情超好 po沙灘出遊照「要及時行樂」

TVB藝人朱智賢自從上年被爆出偷食人夫黎振燁之後，當時即刻俾公司下令要停工。最近，佢就俾公司「解凍」，不停接job，心情超靚嘅佢就經常喺IG上載自己出遊嘅相，大曬好身材！

Photo from 朱智賢IG

現年34歲嘅朱智賢本來事業大好，但上年被爆出同人夫黎振燁「山頂食蛋糕」時間後，形象一落千丈，就算喺記者會公開道歉都未能挽回形象，因此公司就要佢停工兼雪藏佢！

Photo from 朱智賢IG

有傳朱智賢一直都好心急想盡快復出，不過礙於有內部嘅人員依然反對，所以先將佢嘅復出期限加長。近日，佢就疑似獲得公司「解凍」，早前播出嘅電視劇《愛美麗狂想曲》當中亦有唔少戲份，仲獲公司批准可以出席電視劇嘅宣傳活動「試水溫」！

Photo from 朱智賢IG

Photo from 朱智賢IG

喺播出完《愛美麗狂想曲》後，公司就好似安排俾佢全面復出，日前仲開始拍攝J2節目《野外步出2》，亦有份出席東京奧運會嘅記者會，可以重新開始工作，又難怪佢最近心情咁好嘅～

Photo from 朱智賢IG

最近，朱智賢亦重新活躍於喺佢嘅IG上載照片，不停曬自己嘅靚相。本身已經熱愛戶外活動嘅佢，就上載咗自己喺沙灘嘅性感照片，仲附上「請不要忘記及時行樂，為自己人生負責」嘅字句。唔少網民都留言大讚佢靚女，睇嚟大家都已經重新接受返佢喇～

Photo from 朱智賢IG

Photo from 朱智賢IG

但黎振燁就冇咁好彩喇，雖然佢都有份出演最近播出嘅劇集《愛美麗狂想曲》同《伙記辦大事》，但就一直都冇獲得公司「解凍」。據悉，佢所拍攝嘅電視劇作品只係剩返兩套嘅存貨，而日期就仲未透露。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）