download HolidaySmart 假期日常 app
64歲「愛妻號」呂良偉幫老婆慶生  Keep得好好 身材完全冇變化!

64歲「愛妻號」呂良偉幫老婆慶生 Keep得好好 身材完全冇變化!

娛樂新聞
By Stephanie on 22 May 2021
Digital Content Writer

呂良偉經歷過3段婚姻,同而家嘅老婆楊小娟於2001年結婚。日前,佢就上載咗一段同老婆慶祝生日嘅影片,唔少網民都將焦點放喺呂良偉身上,大讚佢保養得好好!

呂良偉微博Photo from 呂良偉微博

現年64歲嘅呂良偉入行以嚟都有唔少緋聞,擁有3段婚姻,曾經同周海媚同鄺美雲結婚,但可惜兩段婚姻都維持唔夠兩年就離婚收場。佢喺2001年同來自貴州嘅圈外人楊小娟結婚!

呂良偉微博Photo from 呂良偉微博

呂良偉微博Photo from 呂良偉微博

最近,呂良偉就喺微博上載咗同老婆慶祝生日嘅影片。由影片中所見,兩夫婦同一班朋友一齊去咗一間好有蒙古特色嘅餐廳,大家都好開心咁唱歌。而楊小娟手上仲攞住一扎粉紅色玫瑰花,相信係由呂良偉送出嘅禮物,睇得出兩人嘅感情甜蜜~

呂良偉微博Photo from 呂良偉微博

呂良偉微博Photo from 呂良偉微博

唱生日歌嘅時候,呂良偉仲從後攬住老婆一齊切蛋糕。雖然呂良偉已經64歲,但佢keep得好好,樣貌並冇太大變化,身材亦依然十分健碩,就算企喺比佢年輕15年嘅老婆旁邊都毫無違和感!

呂良偉微博Photo from 呂良偉微博

呂良偉微博Photo from 呂良偉微博

唔少網民都留言大讚兩人十分恩愛,認為兩人都保養得非常好~

呂良偉微博Photo from 呂良偉微博

呂良偉就有份出演最近上映電影《真・三國無雙》嘅袁紹,而電影中有好幾位演員都同樣被網民稱為「愛妻號」㗎,包括有姜皓文、張兆輝、台灣藝人楊祐寧!

《真三國無雙》海報Photo from 《真三國無雙》海報

《真三國無雙》海報Photo from 《真三國無雙》海報

其中最為人熟悉嘅「愛妻號」就係林雪喇~雖然佢成日都飾演惡嘅角色,睇落好似好兇惡咁,但佢同老婆結婚25年,依然甜蜜!佢曾經話過屋企嘅嘢係老婆話事,話自己都係一個溫柔浪漫嘅人。

《真三國無雙》海報Photo from 《真三國無雙》海報

林雪微博Photo from 林雪微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel