「餅碎」Gloria辦婚宴好姐妹到場祝賀 吳雨霏楊愛謹傳出不和後首度同場！

昔日9人女子組合Cookies而家都已經各散東西，但感情都唔錯，偶爾都會約埋一齊聚舊。日前，成員之一嘅Gloria舉行婚宴，Cookies嘅成員們當然都被獲邀出席。而呢次亦係Kary同Miki傳出不和之後，首次同框，備受網民關注！

Photo from Miki IG

Cookies成員陳素瑩（Gloria）22號晚就喺半島酒店舉行婚宴，而Cookies嘅成員們亦有份參加婚宴，見證好姐妹幸福嘅時刻！而今次亦係Kary同Miki 5年前傳出不和之後，首次同場亮相，令唔少人都好期待佢哋究竟會唔會「合體」？！

Photo from Miki IG

Photo from Kary IG

喺2016年，Kary意外小產嘅事件被曝光，但由於只係得Kary身邊嘅好友知道，所以Kary就認為係身邊嘅人洩密，令佢好受傷。事後，佢就喺IG刪去所有同Miki嘅合照，更有傳兩人因此而絕交！事後，Kary喺接受訪問嘅時候，就表示自己認為能夠成為家人同朋友都好講求緣分。

Photo from Kary IG

Photo from Miki IG

而區文詩（Angela）當晚就喺IG上載婚宴照片，雖然Kary 同Miki都有到場祝賀，但兩人就並冇同框合照，而係分開同新娘Gloria影相。有傳兩人喺安排下，分開枱坐，種種跡象令人不禁懷疑兩人事隔多年依然不和！

Photo from Kary FB

Photo from Angela IG

不過Gloria後來就喺IG為兩位好姐妹解釋，話自己本身就冇安排兩人同枱，因為Kary表示會去影相但唔會留低食飯；Miki就會食埋飯。由於當日手忙腳亂，佢連大合照都忘記咗，之後佢就上傳咗一張比較模糊但能夠證明兩人冇分枱坐嘅照片，希望可以為佢哋兩人「解畫」！

Photo from Gloria IG

現時36嘅陳素瑩（Gloria）加入Cookies嘅時候，只係得18歲，可惜因為公司經費問題，而將9人減為4人。當時嘅佢就認清事實，離開娛樂圈，遠赴英國修讀金融同會計，再到曼徹斯特大學讀碩士。最終，考獲會計師牌照，據悉後來仲去咗香港四大會計師事務所之一嘅德勤做審計員，佢仲喺當時嘅訪問表示自己好享受呢種生活～

Photo from Gloria IG

喺訪問入面，佢亦話並冇後悔曾經踏入娛樂圈，認為當時入咗Cookies算係完咗佢嘅明星夢，好慶幸自己好快就「夢醒」，能夠重新搵一份自己熱愛嘅工作。

Photo from Pinterest

Photo from Gloria IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）