迪士尼迷注意啦！朝聖全球6大迪士尼！好想去打卡～同米奇、米妮老鼠影相啊！
迪士尼樂園一直以黎，都係闔家同遊嘅好地方，無論係三五好友、甜蜜情侶或者係家庭出遊，都絕對係心目中嘅最佳首選。世界上有6個迪士尼，而你又最想去邊一個呢？
Disney（@disney）分享的貼文 於 張貼
香港迪士尼:
10個有9個香港人，點都會去過一次迪士尼。唔講唔知，香港迪士尼喺目前最細嘅迪士尼園區，麻雀雖小但五臟俱全，重點係遊樂設施全部都有齊晒！而且係樂園入面，好多地方都係打卡景點，例如睡公主城堡、反斗奇兵大本營、同埋最新嘅史達工業呈獻：鐵甲奇俠裝備展，MARVEL迷更加可以同「鐵甲奇俠」會面。
Photo from Instagram
上海迪士尼度假區:
既然係中國，咁就一定會有好多相當濃厚嘅中國元素係裡面。其中更加有首次設立以中國生肖為主題嘅「十二朋友園」，另外，樂園入面仲有全球最高嘅「奇幻童話城堡」，企係城堡面前影相，一定好壯觀。
Photo from Instagram
東京迪士尼樂園:
東京迪士尼樂園（東京ディズニーランド），係位於日本千葉縣浦安市嘅主題樂園，亦都係華特迪士尼公司創辦嘅第一個亞洲主題公園。黎到呢度～唔洗擔心你唔識講日文，因為呢度嘅cast members好識得帶動氣氛，會令到感到好開心。而且，鍾意Duffy同 ShellieMay嘅bear fans，就一定要黎呢度同佢地打卡啦～～～～
Photo from Instagram
巴黎迪士尼樂園:
Parc Disneyland，係兩座唔同主題嘅樂園，分別係巴黎迪士尼同迪士尼影城。去歐洲嘅朋友仔, 不防用一日嘅時間，同另一半黎呢度玩。夜晚睇煙花係必定嘅行程，記得提前一個小時黎霸定個靚位，小編上次去嘅時候係聖誕節，所以係美國小鎮大街仲有埋人造雪，好靚嫁！！！不過呢個樂園就近郊區少少，所以記得預好D時間呀~
華特迪士尼世界度假區:
華特迪士尼世界度假區位於佛羅里達州中部，係全球第2座迪士尼度假區。當你行入去樂園嘅個一刻，所有Cast Member 都會叫你princess/ prince (公主/王子)，令你好似置身係童話故事入面。呢度係全球最大嘅迪士尼，所以一定要好好留番時間玩個夠本，Magic Kingdom、Epcot、Disney's Hollywood Studios、Disney's Animal Kingdom，天啊！記得帶多兩套泳衣，仲可以玩埋2個Water parks！！！
迪士尼樂園度假區:
去到加州，點會唔去加州迪士尼樂園？佢係全世界第一個座迪士尼主題樂園。最著名就一定係樂園個 "Mickey's Fun Wheel"米奇摩天輪，夜晚仲有"World of Color"水舞表演，黎到加州迪士尼絕對唔可以錯過！
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
