袁偉豪打完兩劑新冠疫苗！被網友留言問：做咩唔打科興？

啱啱踏入40歲嘅袁偉豪向來中意做gym操fit自己，佢亦好注重健康，日前佢喺IG post出打疫苗嘅相，稱已接種晒兩劑新冠疫苗，不過有網友留言問佢：「點解唔打科興？」，袁偉豪亦有回覆解釋原因。

Photo from 袁偉豪Facebook

香港先生出身嘅袁偉豪早前40歲生日，佢更感觸打咗千字文「向三十歲的我說再見」，佢指：「回想從三十歲出頭的那些年，開始慢慢學懂從生活中的陋習裏改善自己，雖然偶爾仍會犯錯，但仍然堅持自己對娛樂圈工作的熱誠，的確有很多機會出現過係眼前，但總未能好好把握，只能怪當年的自己尚未開竅」

Photo from 袁偉豪IG

袁偉豪表示或者喺好多人心中佢已經是人生勝利組，但佢指其實唔應該自滿，見到年輕人嘅活力、幹勁同拼搏精神，令佢好佩服，同時刻反思去改善自己。

Photo from 袁偉豪IG

袁偉豪雖然未有新劇出街，但話題多多，早前《愛回家之開心速遞》嘅「朱凌凌」吳偉豪疑似流出影片，成為網民熱議對象，估唔到袁偉豪竟無辜受牽連！

Photo from 袁偉豪IG

原來係因為袁偉豪同吳偉豪名字相似，令部分網友誤會佢係影片主角，更留言叫佢：「結咗婚就檢點啲！」，袁偉豪亦無奈澄清指對方認錯人。

Photo from 袁偉豪Facebook

Photo from 袁偉豪Facebook

佢最近就喺IG公開佢接種新冠疫苗嘅相片，袁偉豪留言指：「已經完成兩針了，為了自己，家人和大家的健康，大家快啲去接觸疫苗，為了未來，這一步大家要攜手向前 #接種疫苗 #好好建立我們的生活 #大加加油 #清零」

Photo from 袁偉豪IG

有網友留言問：「聽講第二針痛過第一針，係咪真㗎ben哥？」，佢回覆指：「冇乜特別感覺」，不過亦有網友留意到袁偉打嘅係復必泰而唔係科興，於是問佢：「點解唔打科興？」

Photo from 袁偉豪IG

Photo from 袁偉豪IG

袁偉豪解釋指：「都要按照自己的身體狀況去選擇」，又有網民表示：「點解唔打科興？ 唔支持中國 ？」，而袁偉豪就回應：「話不能這樣説」

Photo from 袁偉豪IG

Photo from 袁偉豪IG

Photo from 袁偉豪IG

同樣都打咗疫苗嘅莊思敏都有留言：「Nice . Rest well」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）