download HolidaySmart 假期日常 app
【我是女演員 】內地女學員勁冧王浩信 不停撒嬌放電 王浩信十分受落!

【我是女演員 】內地女學員勁冧王浩信 不停撒嬌放電 王浩信十分受落!

娛樂新聞
By Stephanie on 26 May 2021
Digital Content Writer

最近唔少藝人都獲邀去內地工作,頻頻接工作搵真銀。最近,內地綜藝節目《我是女演員》就請咗王浩信同陳豪做代課老師,安排佢哋同學員們一齊對戲。其中一位學員喺重演《公主嫁到》嘅時候,就不停向王浩信放電,而佢亦好似非常受落~

《我是女演員》Photo from 《我是女演員》

內地真人節目《我是女演員》係一個俾新演員們大鬥演技嘅節目,希望佢哋藉此練習演技,而節目亦邀請多位知名嘅演員鄭元暢、李治廷等作為導師指導女學員們演戲。

《我是女演員》Photo from 《我是女演員》

《我是女演員》Photo from 《我是女演員》

最新一集,《我是女演員》就邀請王浩信同埋陳豪成為代課老師,同一班女學員一齊對戲,互相切磋演技。而佢哋就需要重演TVB電視劇《公主嫁到》嘅情節,再由現場觀眾投票選出佢哋認為演技表現得比較好嘅一方。

《我是女演員》Photo from 《我是女演員》

王浩信就被安排同節目中嘅「風頭人物」周靜波對戲,兩人需要合作重現一幕洞房嘅情節。喺排練嘅時候,另一位女學員就因為遲到,所以只係得佢哋兩人開始排練。期間,王浩信因為用廣東話講台詞,令周靜波一頭霧水,佢即刻向王浩信撒嬌,不停放電,表示自己完全唔明!

《我是女演員》Photo from 《我是女演員》

《我是女演員》Photo from 《我是女演員》

對於呢位女學員嘅撒嬌,王浩信亦睇嚟非常受落,忍唔住面露笑容,隨即改用普通話繼續對戲!到正式演出嘅時候,兩人嘅表現都十分唔錯,合作無間,非常有默契,獲得導師們嘅一致好評。

《我是女演員》Photo from 《我是女演員》

《我是女演員》Photo from 《我是女演員》

另一方面,陳豪就要同女學院包上恩、嚴屹南一齊重演佢喺劇中同佘詩曼相親嘅戲。排練嘅時候,嚴屹南就因為唔知道要「借位」,所以狠狠咁一拳打落陳豪塊面,令陳豪都嚇到目定口呆!好彩佢非常大方,明白女學員拍戲經驗唔多,仲親自傳授演戲技巧俾佢。

《我是女演員》Photo from 《我是女演員》

《我是女演員》Photo from 《我是女演員》

最終,是次嘅演技比拼係由王浩信隊伍嘅周靜波取得第一名,唔少網民都認為佢係實至名歸,非常有潛能嘅新演員!

《我是女演員》Photo from 《我是女演員》

《我是女演員》Photo from 《我是女演員》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel