download HolidaySmart 假期日常 app
港女欲淘露營車返香港當屋住 網民:點運落黎?

港女欲淘露營車返香港當屋住 網民:點運落黎?

生活熱話
By Celia on 27 May 2021
Digital Editor

相信唔少人都曾經喺內地網購平台上買過嘢,喺平台中無論裝修設計、家電用品、生活雜貨,真係你諗得出都可以買得到!而早前就有一名港女喺網上指自己打算購買一架露營車,並運回香港行駛及居住,因此令唔少網友都覺得匪夷所思。

Photo from 淘寶開心share/Facebook

近日有網友就喺 Facebook「淘寶開心share」專頁中發文指自己想從網購平台中購買一架露營車返香港,並上傳幾張佢喺網站上睇到嘅露營車 cap 圖,留言詢問:「淘架咁嘅車返香港,出唔出到牌?」

Photo from 淘寶開心share/Facebook

期後佢指自己住喺村屋,有位泊車,打算買咗之後就住喺村屋嘅停車場:「喺香港可以當屋住!慳返幾百萬!當香港單牌可以返大陸,直接成架車揸返去!返到大陸先自駕!」之後又指自己已同賣家溝通過,可將露營車改為適合香港使用嘅右軚,並打算先將露營車運到深圳,再搵找拖車拖回香港。

2020-12-08-12-25-46DdiQgXhr

Photo from 淘寶開心share/Facebook

依個帖文一出即引嚟唔少網民熱討,更有唔少網民認為樓主想法不設實際。因為雖然露營車喺外國已興起多年,但喺香港無論喺駕駛定住喺露營車中都係唔合法嘅,而且畀咁大筆錢從內地網購車輛回港嘅風險太大,一旦有損壞等問題亦難以退貨::「甘夠薑。如果拎二十萬淘完返黎,架車唔識行,唔通你又寄返上去?你既勇氣值得加許」、「路是走出來的,撐你!」;有網民更打趣說「集運去樓下商場個自提點先」。

Photo from 淘寶開心share/Facebook

Photo from 淘寶開心share/Facebook

此外,亦有網民喺提醒樓主要「小心天橋」時,樓主就指「香港雙層巴士都過到啦」,不過當有網民分享朋友嘅相關經驗時,樓主即詢問:「佢有冇揸出街?分享吓佢做啲乜手續可以出到牌!」睇嚟依位樓主真係好想買喎!

而小編亦有翻查有關條例,根據運輸署《道路交通條例》,在現行條例中,露營車不可在道路上行駛,亦不受《道路交通條例》規管。如露營車持有人將車輛作短期收費住宿服務,則需符合《旅館業條例》,經營者需領有旅館牌照。

另外,有關部門亦表明擬用作旅館嘅露營車,喺結構、消防安全、衛生方面達標後,才會向申請人發放旅館牌照。並且非所有地方都適宜用作露營車營地,除須符合土地用途及契約,同時亦須符合《建築物條例》;如涉及新界村屋,則須獲地政處發出合格證明書,或是不反對入住證明書。

所以大家都係唔好亂買喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel