download HolidaySmart 假期日常 app
【怦然心動20歲】阿嬌自爆鍾意睇直播 會大手筆送禮「 把賺來的都送出去」

【怦然心動20歲】阿嬌自爆鍾意睇直播 會大手筆送禮「 把賺來的都送出去」

娛樂新聞
By Stephanie on 27 May 2021
Digital Content Writer

最近,鍾欣潼(阿嬌)就成為咗內地真人騷《怦然心動20歲》嘅固定主持人。喺琴日播出嘅一集當中,佢就自爆自己好鍾意睇人直播,仲願意送禮物俾支持嘅直播主,令唔少網民諗起佢曾經大手筆送禮俾內地網紅直播主,引起熱烈討論。

阿嬌微博Photo from 阿嬌微博

內地節目《怦然心動20歲》係一個觀察一班年輕人旅行社交嘅真人騷,同時亦邀請咗一班嘉賓分享佢哋自己嘅戀愛心得。而鍾欣潼(阿嬌)亦係其中一位嘉賓,佢喺節目中嘅言論仲多次成為大家嘅焦點!

《怦然心動20歲》Photo from 《怦然心動20歲》

阿嬌微博Photo from 阿嬌微博

喺琴日播出嘅一集中,佢哋就討論戀愛時做過最幼稚嘅事。內地女星寧靜就表示「拉黑(封鎖)人哋嘅經歷一定有!」,阿嬌聽到就即刻回應「會一直拉黑再關注,不停重復做,因為驚對方唔知道我拉黑佢」,原來阿嬌喺拍拖嘅時候,都會做唔同嘅舉動引起對方注意~

《怦然心動20歲》Photo from 《怦然心動20歲》

其中一位女嘉賓楊芸晴就表示想認識參賽者馬文軒,其他人鼓勵佢喺微博發私信俾佢,但佢就認為咁樣認識朋友好奇怪。阿嬌聽到之後,隨即話「不奇怪啊!我常常都在微博識認朋友」。而主持人大左舊即刻爆料話佢曾經用自己嘅大號(官方帳號)睇人直播,仲成為人哋直播室嘅場控(有權限去禁止人說話等),令在場嘅嘉賓十分驚訝!

《怦然心動20歲》Photo from 《怦然心動20歲》

《怦然心動20歲》Photo from 《怦然心動20歲》

女星寧靜就問阿嬌係咪會成日開直播,佢就表示自己唔會開,但就鍾意睇人哋直播,仲會送禮物俾佢哋「就把賺來的都送出去了」,唔少在場嘅來賓都話果然係專業嘅粉絲!

《怦然心動20歲》Photo from 《怦然心動20歲》

《怦然心動20歲》Photo from 《怦然心動20歲》

而阿嬌呢一番言論,就不禁令人諗起佢曾經送禮俾直播主嘅事件!喺2020年3月,阿嬌就被眼利嘅網民發現,喺觀看20歲抖音主播余衍隆直播時,當時佢一晚就課金人民幣6萬俾佢作為禮物。而阿嬌亦有喺直播留言話係因為覺得直播主好靚仔,期間仲不停留言嘗試同直播主互動~

微博Photo from 微博

余衍隆IGPhoto from 余衍隆IG

睇嚟阿嬌真係好熱衷於睇直播,就連送禮俾佢哋都毫不手軟~有唔少網民就大讚阿嬌真係好直率,就算喺節目都展現佢嘅真性情!

阿嬌微博Photo from 阿嬌微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel