download HolidaySmart 假期日常 app
梁芷珮千字文為TVB藝人出頭後疑被廣告商「劃清界線」!傳疫情期間收入過百萬港元!

梁芷珮千字文為TVB藝人出頭後疑被廣告商「劃清界線」!傳疫情期間收入過百萬港元!

娛樂新聞
By Jennifer on 27 May 2021
Digital Editor

喺TVB做旅遊節目主持嘅梁芷珮(Christy)早前開直播時被網友派嬲嬲,佢之後喺IG發長文為TVB藝人發聲,表示希望大家唔好抹煞佢嘅工作機會,不過有網友發現廣告商疑似已「劃清界線」,將相關嘅post刪除。

喺TVB做旅遊節目主持嘅梁芷珮(Christy)早前開直播時被網友派嬲嬲Photo from 梁芷珮Facebook

梁芷珮喺TVB J2台拍攝自家製旅遊節目《潮什麼》系列而獲得關注,更有唔少廣告商邀請佢合作,日前佢為產品開直播卻引嚟唔少網民留言同畀嬲嬲。

梁芷珮喺TVB J2台拍攝自家製旅遊節目《潮什麼》系列而獲得關注Photo from 梁芷珮Facebook

事後梁芷珮喺IG post出長文指能夠有今日嘅成績真係好感恩,佢表示為咗屋企三個小朋友一直以嚟都好勤力工作:「我唔係來自一個有錢嘅家庭,20歳嫁咗人,老公當年亦都係一個普通嘅20歲o靚仔,當年啱啱加拿大返嚟,我哋冇靠屋企人,未搵到工又冇地方住,劏房都住過」

事後梁芷珮喺IG post出長文指能夠有今日嘅成績真係好感恩,佢表示為咗屋企三個小朋友一直以嚟都好勤力工作Photo from 梁芷珮Facebook

佢又指無錢請姐姐,於是周圍搵人幫手湊大仔,為搵食佢亦乜嘢工都做過,包括娛樂記者、空姐、sales等,又稱為供大仔讀國際學校,花費一大半嘅薪金。梁芷珮表示好感恩呢幾年可以幫TVB拍旅遊節目,多人認識咗令佢多咗好多KOL工作,收入穩定咗,可以畀到更穩定嘅生活三位小朋友,佢哋夫婦每日好努力咁工作,甚至忙到冇時間陪小朋友。

梁芷珮指無錢請姐姐,於是周圍搵人幫手湊大仔,為搵食佢亦乜嘢工都做過,包括娛樂記者、空姐、sales等Photo from 梁芷珮Facebook

梁芷珮指每一個工作都係有血有汗換返嚟嘅:「我勤力做嘢,唔係淨係得個講字,所以希望各位高抬貴手,唔好因為我來自邊到,喺邊間公司做嘢而抹煞我嘅工作機會,我只係一個努力工作,賺錢養大仔女嘅媽媽」。

梁芷珮指每一個工作都係有血有汗換返嚟嘅Photo from 梁芷珮Facebook

梁芷珮發長文為TVB藝人發聲Photo from 梁芷珮Facebook

最後佢表示網民如果唔中意一樣嘢,其實可以唔睇或者直接block咗佢:「我個人好簡單,有嘢就做,有工就開」。

梁芷珮:「我個人好簡單,有嘢就做,有工就開」。Photo from 梁芷珮Facebook

有唔少圈中好友、網民留言力撐。不過亦有網友指「食得咸魚抵得渴」:「如果唔想被人講就退出幕前」。有指佢喺疫情期間無得再拍旅遊節目,不過因為形象討好,即使無節目出街都有唔少廣告商邀請佢合佢,有傳佢喺疫情期間廣告收入超過百萬港元。

梁芷珮發長文後有唔少圈中好友、網民留言力撐Photo from 梁芷珮Facebook

梁芷珮3位仔女讀緊國際學校,仲有傳媒影到佢同老公似乎有意買樓做業主,夫妻二人似乎有一定積蓄。

梁芷珮3位仔女讀緊國際學校,仲有傳媒影到佢同老公似乎有意買樓做業主,Photo from 梁芷珮Facebook

梁芷珮FacebookPhoto from 梁芷珮Facebook

近日有網友發現同梁芷珮合作嘅廣告商已將有關嘅post同影片刪除,疑似同梁芷珮「劃清界線」!

有網友發現同梁芷珮合作嘅廣告商已將有關嘅post同影片刪除Photo from 梁芷珮Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel