download HolidaySmart 假期日常 app
高海寧內地登台被揭亂拋垃圾!網友:類似事件已經不是第一次!

高海寧內地登台被揭亂拋垃圾!網友:類似事件已經不是第一次!

娛樂新聞
By Jennifer on 28 May 2021
Digital Editor

34歲嘅高海寧(高Ling)拍攝大陸劇《三十而已》後喺內地人氣急升,接咗唔少job,近日佢喺內地登台獻唱時被網友發現佢將紙巾就咁掉喺地下,直指佢亂拋垃圾,無公德心!

高海寧(高Ling)Photo from 高海寧IG

高海寧憑《三十而已》成功打入內地市場,接咗好多代言、商業活動,又開直播,曝光率極高。有指佢密密吸金,短短三個月已經賺到七位數!

高海寧憑《三十而已》成功打入內地市場Photo from 《三十而已》

高海寧(高Ling)拍攝大陸劇《三十而已》後喺內地人氣急升Photo from 《三十而已》

日前佢再喺內地登台,更開金口唱歌,而佢獻唱嘅片段亦被拍下放上社交平台。

日前高海寧再喺內地登台,更開金口唱歌Photo from 抖音

高海寧獻唱嘅片段亦被拍下放上社交平台Photo from 抖音

不過有細心網民就觀察到高海寧臨上場前用紙巾為支咪消毒,但之後就靜雞雞咁將張紙巾掉落地,指佢亂拋垃圾。

有細心網民就觀察到高海寧臨上場前用紙巾為支咪消毒Photo from 抖音

高海寧之後就靜雞雞咁將張紙巾掉落地Photo from 抖音

高海寧見網友指佢無公德心,即留言解釋佢唔係故意要隨地扔垃圾:「當時我剛從直播現場衝到後台,因為疫情關係習慣必須要用酒精棉擦拭話筒,畢竟離嘴巴太近,但剛到後台音樂就響起了,所以只能邊走邊擦邊上台,真的也很狼狽!」

高海寧見網友指佢無公德心,即留言解釋佢唔係故意要隨地扔垃圾Photo from 高海寧IG

佢為事件道歉:「抱歉!有時候現場表演真的會發生很多小意外,為了確保看上去一切順利,很多時候都需要臨場處理一些事情,所以請見諒!平常真的不會這樣哦!」

高海寧為事件道歉Photo from 抖音

高海寧解釋後獲唔少fans諒解,又讚佢回應大方,認為佢只係一時大意,另外亦有網民指佢一定係最性感、身材最好嘅垃圾蟲。

高海寧解釋後獲唔少fans諒解,又讚佢回應大方Photo from 高海寧IG

不過其實早喺2019年高海寧就曾因為類似事件而被網友抨擊,當時佢喺IG公開自己喺機場影嘅相,但因為佢將雙腳踩上櫈上,被指整污糟張櫈,好無公德心,更叫佢抹乾淨張櫈先好走。

高海寧喺IG公開自己喺機場影嘅相Photo from 高海寧IG

高海寧將雙腳踩上櫈上,被指整污糟張櫈,好無公德心Photo from 高海寧IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel