妻拒生仔 2年後離婚求平分物業 港男：佢一毫都無供過 網民：咪益佢！

現代離婚率有上升趨勢，好多夫婦離婚時都會為財產分配煩惱，鬧得僵嘅仲有機會「法庭見」！近日，有網民於討論區發文表示，佢同老婆於生育問題上有分歧，令感情轉差想離婚，妻子遂想平分佢名下一個物業，惟當初七成首期由男方母親支付，剩低部分都由男方獨力承擔。男方唔想順女方意，繼而向網民尋求意見。

Photo from 《離婚萬歲！》my TV SUPER

近日，有男網民於連登討論區以「老婆想離婚分咗層樓」為題發文，指婚前已同老婆傾好會生育。但婚後約兩年，女方反口唔願生，雙方繼而出現爭執，感情轉差，最後決定離婚。

Photo from 《我瞞結婚了》TVB USA

喺處理離婚事宜期間，女方表示想與男事主平分屬後者嘅物業，男方不願。男事主向網民表示：「樓都係我仲供緊，佢一蚊都無份俾層樓」。所以，男方對老婆要求感到錯愕又不知所措，遂向網民詢問意見。

Photo from 《我瞞結婚了》TVB USA

男事主表示，因為買樓時係由其母親支付7成首期，餘下3成則由佢自己承擔。所以，層樓係無女方個名。

Photo from 《 離婚萬歲!》myTV SUPER

有人問女方有無工作，男方表示，妻子係一名OL，月入2萬5千元。有網民認為，女方自己都有收入，可以照顧自己，更唔應該索取自己無份付出過嘅東西。

Photo from 連登評論

Photo from 《我瞞結婚了》TVB USA

帖文引起網民熱議，有人替事主不值，直言：「咪益佢（事主老婆）！」有網民建議；男事主應即時把物業轉到母親名下，惟不獲事主接納，佢解釋，佢媽媽已擁有兩個物業，而細佬都有一層樓喺手，令佢害怕要支付高額印花稅。其他網民則認為上網問無專業知識嘅網民係浪費時間，建議佢花少少錢去尋求專業法律意見，否則事主會繼續陷入感情考量漩渦。男事主最後都回應指已預約律師商量，但自己情緒仍受此事困擾，仲話已連續兩晚瞓唔著。

Photo from 連登評論

Photo from 連登討論區

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）