download HolidaySmart 假期日常 app
2016港姐季軍陳雅思待嫁大馬富三代!同屆港姐近況大不同!

2016港姐季軍陳雅思待嫁大馬富三代!同屆港姐近況大不同!

娛樂新聞
By Stephanie on 28 May 2021
Digital Content Writer

2016年香港小姐季軍陳雅思(Bonnie)自上年滿約離開TVB後,就專心發展佢嘅瑜珈事業。近日,佢就喺IG宣佈自己即將同富三代DJ男友郭孟浚結婚,成為人妻!順便睇下2016年嘅港姐們而家嘅近況啦~

陳雅思IGPhoto from 陳雅思IG

現年31歲嘅陳雅思(Bonnie)喺2016年參選香港小姐,並榮獲季軍!入行之後,主要係做主持人嘅工作,因為主持節目《歎得好健康》每集穿著唔同款式嘅泳衣,大曬完美身材而受到網民嘅關注。

陳雅思IGPhoto from 陳雅思IG

《歎得好健康 》Photo from 《歎得好健康 》

佢喺上年6月離開TVB,當時接受傳媒訪問嘅時候,就表示發現自己性格好似唔太適合喺娛樂圈工作。之後,佢就專心發展佢嘅瑜珈事業,仲設立自己嘅品牌「Mind Bonnie Soul」,非常有事業心!

陳雅思IGPhoto from 陳雅思IG

陳雅思IGPhoto from 陳雅思IG

日前,佢就於IG上載於富三代DJ男友郭孟浚嘅求婚照片,大曬巨型鑽戒,宣佈結婚喜訊!據悉,佢未婚夫郭孟浚嘅來頭唔細,係馬來西亞首富郭鶴年嘅孫子,而家係一位DJ兼音樂製作人。郭鶴年家族非常出名,係以經營白糖生意起家,大部份嘅資產都喺香港,包括有香港豪宅、商場、酒店、香格里拉酒店集團等,資產多到被列入2021年全球富豪榜《福布斯》第171位!

陳雅思IGPhoto from 陳雅思IG

而同屆嘅港姐得獎者亦都有唔錯嘅發展~2016年港姐冠軍馮盈盈喺入行後,主要擔任唔同節目嘅主持人,包括有《#後生仔傾吓偈》、《學是學非》等。近來,馮盈盈仲成為咗TVB力捧嘅藝人之一,多咗機會參與電視劇拍攝。最近播出嘅《逆天奇案》同《智能愛人》都有出演,深得電視台高層歡心!

馮盈盈IGPhoto from 馮盈盈IG

喺感情方面,馮盈盈就比較多緋聞。唯一公開承認過嘅就只有曾經交往4年嘅圈外男友鍾文浩(Martin),但兩人已經於2019年尾分手。

馮盈盈IGPhoto from 馮盈盈IG

而2016年港姐亞軍劉穎鏇,現時都係主要擔任節目主持兼拍攝電視劇居多,但相較之下就冇馮盈盈發展得咁好。不過,佢現時正在拍攝多部電視劇《青春不要臉》、《把關者們》等,相信以後將會有唔少機會喺幕前見到佢~

劉穎鏇FBPhoto from 劉穎鏇FB

感情方面,劉穎鏇就曾經被拍到半夜同港男胡斐一齊,不過事後佢就堅稱兩人只係朋友關係。

劉穎鏇FBPhoto from 劉穎鏇FB

胡斐IGPhoto from 胡斐IG

睇嚟2016年嘅得獎港姐們,都好成功咁各自闖出自己嘅事業,發展得非常好呢~

陳雅思IGPhoto from 陳雅思IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel