download HolidaySmart 假期日常 app
張柏芝 Set 個頭要 6 萬 劉嘉玲竟係總費用最低之一?藝人內地一晚活動費用清單曝光!

張柏芝 Set 個頭要 6 萬 劉嘉玲竟係總費用最低之一?藝人內地一晚活動費用清單曝光!

娛樂新聞
By Celia on 31 May 2021
Digital Editor

繼早前內地女星鄭爽被爆天價片酬以及日薪超過 200 後,隨即每藝人嘅收入及各類開銷成為唔少網民嘅焦點。而喺近日有網友就爆出藝人出席時尚活動的詳細要求以及各項費用,16位藝人撇除出場費,總成本就已達人民幣 44.5 萬(約 54.2 萬港幣)。

Photo from 張柏芝/weibo

早前內地真人騷《五十公里桃花塢》中,蘇芒因發表「一日伙食費650元是不夠」嘅言論引去網民熱議,當時就被指佢太過奢侈。不過近日就再有藝人出席活動時嘅妝髮費清單曝光。

Photo from 《五十公里桃花塢》截圖

繼有自稱行內人嘅網友爆指明星每日嘅標準餐費係人民幣 1,500 元至 2,000 元(約 1,800 至 2,400 元港幣),更有藝人每餐嘅餐費為人民幣 1,000 元(約 1,200 元港幣)時已有唔少網友嘩然。

Photo from 《五十公里桃花塢》/weibo

但原來依啲都係屬於少數目嚟。事關最近再有內地網民又爆料,上傳咗一張寫有 16 位藝人出席活動的要求及各項費用嘅清單,其中包括張柏芝、劉嘉玲、童瑤、張天愛、王霏霏、袁姍姍等,撇除佢哋嘅出場費,總成本就已達 44.5 萬人民幣(約 54.2 萬港幣)。

Photo from 張柏芝/weibo

SwXjDR_hjGFSGWmndyIAgqC4tVGoxdj8eUdJjXlHSY0

清單中包括各出席藝人嘅化妝髮型費用、交通費、用餐費等,根據清單中顯示,每位藝人嘅交通成本與餐費成本都一樣,分別為人民幣 10,000 元(約 1.2 萬港幣)及人民幣 2,000 元(約 2,400 元港幣),而差距最大嘅主要係妝髮成本。

OxBzVMNY1ITu7RsO9A8HbL_lK_eZD0MLBkYOFAZGDhQ

其中就以張柏芝同張天愛嘅費用最高,二人都係人民幣 50,000 元(約 6 萬港幣),其後就係內地演員海清費用為人民幣 45,000元(約 5.4 萬港幣)。而除咗依幾位外,當中亦有部份藝人嘅費用只係人民幣 500 元至 10,000元(約 600 至 1.2 萬港幣),其中最令人意外嘅係,身為影后級嘅劉嘉玲其總成本竟係名單中嘅 16 位藝人中最低費用之一,妝髮只係人民幣 10,000 元(約 1.2 萬港幣)。

Photo from 劉嘉玲/weibo

Photo from 張天愛/weibo

另外,更有聲稱從事幕後工作嘅網民指有藝人會自行帶私人造型團隊到場工作,並向主辦方開價 1 日嘅妝髮費用由人民幣 1 萬元至 3 萬元不等(約 1.2 萬至 3.7 港幣),並指如果節目組找其他妝髮團隊,藝人就會以「同藝人不輸,會暴露藝人缺點」為由推辭。咁睇嚟以萬元人民幣起步嘅妝髮費,早已係行內嘅最低標準嚟。

Photo from 張天愛/weibo

而依張費用清單曝光後,唔少網民覺得藝人只係出席一個短短幾個小時嘅活動,但化妝髮型費用就已需要 43 萬港元,並紛紛質疑佢哋究竟憑咩可以有如此高嘅收入:「是否太奢侈?」、「在頭上設藝術品嗎?」、「娛樂圈的錢,真的不算是錢!」、「我去梳兩把出來的造型,跟你弄出來的有何分別?」

Photo from 張柏芝/weibo

不過據了解,今次曝光嘅費用清單只屬於小型活動嚟,並未算係大型時尚盛事,而且出現嘅藝人有一半都係小明星或係無咩人氣嘅藝人。但如果係咁嘅話,小型活動嘅各類開銷就已經係依個數目,咁換作大型活動及當紅藝人,所用嘅數目應該會係天價嚟?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel